దేవత్వమా? త్రిత్వమా? త్రియేకమా?

మన ప్రభువైన యేసుక్రీస్తు నామములో మీకు వందనములు 🙏

నేటి క్రైస్తవ విశ్వాసములో “దేవత్వమా? త్రిత్వమా? త్రియేకమా?” అనే ప్రశ్నలు క్రైస్తవ చరిత్రలో అత్యంత లోతైన, ఆలోచనాత్మకమైన అంశాలలో ఒకటి. ఈ పదములు ఒకే అర్థమా? లేక వేర్వేర్వేరు భావములను సూచిస్తున్నాయా? ముఖ్యంగా, వీటిలో దేని గురించి దేవుని వాక్యము బోధించుచున్నది? ఏది విశ్వాస సంబంధమైనది? అనే ప్రశ్నలకు సమాధానం తెలుసుకొనుట అత్యంత అవసరము. దేవుడు ఎవరు? ఆయన స్వరూపము ఎలా ఉంది? అటువంటి స్వరూపము గలవారు ఎందరు? ఆయన ఒక్కడా? లేక ముగ్గురా? లేక ఒక్క వ్యక్తే ముగ్గురు వ్యక్తులుగా ప్రత్యక్షమయ్యాడా?(త్రిపాత్రాభినయం చేశారా?) లేక ఏకత్వములో త్రిత్వమా? లేక దేవత్వం గల ముగ్గురు వేరు వేరుగా ఉన్నారా? లేక దేవత్వములో ముగ్గురు అనగా త్రిత్వమా? అనే ప్రశ్నలు విశ్వాసుల మనస్సులను ఎన్నో శతాబ్దాలుగా పరిశీలనలో ఉంచుతున్నాయి. ఈ ప్రశ్న కేవలం సిద్ధాంతపరమైనది మాత్రమే కాదు; ఇది దేవుని స్వభావమును, ఆయన మనుష్యులతో కలిగిన సంబంధమును, మరియు దేవుని అనాది సంకల్పంలో ఆయన పాత్రను అర్థం చేసుకోవడానికి అత్యంత ప్రాధాన్యమైనది. ఎందుకంటే మన విశ్వాసము మనుష్యుల అభిప్రాయముల మీద కాకుండా దేవుని వాక్యముపైనే నిలవాలని ఈ విధముగా అబద్ధ బోధనలను/బోధకులను త్రోసిపుచ్చి  అపోస్తులుల బోధను గుర్తించాలనేది ఈ అంశము యొక్క ముఖ్య ఉద్దేశ్యం. 

1️⃣. దేవత్వమా?

A : దేవత్వము యొక్క అర్ధం.

దేవత్వము/దైవత్వం(Godhead/Deity) అనగా దేవుడు + తత్వము = దేవుని యొక్క గుణ లక్షణాల సముదాయం లేదా దేవుని యొక్క స్వభావం లేక దేవుని యొక్క అదృశ్య లక్షణం అని అర్థం. ఈ పదము ఒక వ్యక్తిని కాదు, ఒక లక్షణాన్ని సూచిస్తుంది. ఉదాహరణకు మానవులకు “మానవత్వము” అనే లక్షణం ఉన్నట్లు, క్రూరులకు “కూరత్వం” అనే లక్షణం ఉన్నట్లు, జారులకు “జారత్వం” అనే లక్షణం ఉన్నట్లు,... దేవునికి “దేవత్వము” అనే లక్షణము ఉంది. కాబట్టి దేవత్వము అనేది ఒక స్వభావము, ఒక గుణము, ఒక మహిమను సూచిస్తుంది కానీ వ్యక్తిని కాదు.

B : దేవత్వము అనే పదం గ్రంథములో ఉందా?

దేవత్వము/దైవత్వం అనే ఈ పదాలు పరిశుద్ధ గ్రంథంలో ఐదు సారులు వాడబడ్డాయి. 

▪️*దేవత్వము లేని దయ్యములకు*

(ద్వితీయోపదేశకాండము 32:17): "వారు దేవత్వములేని దయ్యములకు తామెరుగని దేవతలకు క్రొత్తగా పుట్టిన దేవతలకు తమపితరులు భయపడని దేవతలకు బలి అర్పించిరి."

▪️*దేవత్వము లేని దేవతలకు*

(యిర్మియా 2:11): "దైవత్వము లేని తమ దేవతలను ఏ జనమైనను ఎప్పుడైనను మార్చుకొనెనా? అయినను నా ప్రజలు ప్రయోజనము లేనిదానికై తమ మహిమను మార్చుకొనిరి.౹"

▪️*దేవత్వము లేని విగ్రహాలకు*

(అపొస్తలుల కార్యములు 17:29): "కాబట్టి మనము దేవుని సంతానమై యుండి, మనుష్యుల చమత్కార కల్పనలవలన మల్చబడిన బంగారమునైనను వెండినైనను రాతినైనను దేవత్వము పోలి యున్నదని తలంపకూడదు.౹"

▪️*దేవత్వము కలిగిన దేవునికి(YHWH)*

(రోమీయులకు 1:20): "ఆయన అదృశ్యలక్షణములు, అనగా ఆయన నిత్యశక్తియు దేవత్వమును, జగదుత్పత్తి మొదలుకొని సృష్టింపబడిన వస్తువులను ఆలోచించుటవలన తేటపడుచున్నవి గనుక వారు నిరుత్తరులై యున్నారు.౹"

▪️ దేవత్వము కలిగిన యేసుక్రీస్తుకు

(కొలస్సయులకు 2:9): "ఏలయనగా దేవత్వముయొక్క సర్వపరిపూర్ణత శరీరముగా క్రీస్తునందు నివసించు చున్నది;౹"

C : దేవత్వము గలవారు Vs దేవత్వములో

దేవత్వము అనేది ఒక అదృశ్య లక్షణమే కానీ వ్యక్తి కాదు.(రోమా. 1:20) కాబట్టి “దేవత్వము గలవారు/దైవ స్వభావం గలవారు” ఎందరున్నారో వారిని “దేవత్వములో ఉన్నవారు” అని అనకూడదు. బైబిల్లో ఎక్కడా “దేవత్వములో ముగ్గురు వ్యక్తులు” అని చెప్పలేదు కానీ దేవత్వము కలిగిన వ్యక్తులు ముగ్గురు అని స్పష్టంగా తెలియజేస్తుంది. ఇక్కడ మూడు వ్యక్తులు వేర్వేరుగా పేర్కొనబడ్డారు:

✔️ దేవుడు ఒక్కడే

✔️ ప్రభువు ఒక్కడే

✔️ పరిశుద్ధాత్ముడు ఒక్కడే - (1 కొరింథీయులకు 12:4-6; ఎపేసియులకు. 4:4-6 చూడుము)

1. తండ్రి — దేవుడు(YHWH)

2. కుమారుడు — ప్రభువైన యేసుక్రీస్తు

3. పరిశుద్ధాత్ముడు — దేవుని ఆత్మ

🔴 ఉదాహరణ : “మనుష్యత్వము”

మనుష్యత్వము = ఒక స్వభావము. అది వ్యక్తి కాదు.

🕂పేతురు మనుష్యత్వము కలవాడు

🕂 యోహాను మనుష్యత్వము కలవాడు

🕂 పౌలు మనుష్యత్వము కలవాడు

మనము ఇలా అనము:

❌ “మనుష్యత్వములో ముగ్గురు వ్యక్తులు”

కాని ఇలా అంటాము:

✔️ “మనుష్యత్వము కలిగిన ముగ్గురు వ్యక్తులు”

అదేవిధంగా:

▪️దేవత్వము = స్వభావము/అదృశ్య లక్షణం 

▪️వ్యక్తులు = దేవత్వము కలవారు అనాలి ✔️ దేవత్వములో ఉన్నవారు ❌

D : దేవత్వము గలవారు ముగ్గురు?

▪️*మొదట - మన తండ్రియైన దేవుడు*

🕂మనకు ఒక్కడే దేవుడున్నాడు. ఆయన తండ్రి(1కొరింథీయులకు. 8:6a)

🕂వాక్యము దేవుని(తండ్రి) యొద్ద ఉండెను (యోహాను. 1:1)

🕂తండ్రి(YHWH) స్వర్వాధిపతియైన దేవుడు (1తీమోతి. 6:15-16)

🕂తండ్రి(YHWH) అద్వితీయ సత్యదేవుడు (యోహాను. 5:44; 17:3)

🕂పర్వతములు పుట్టకమునుపు భూమిని లోకమును నీవు పుట్టింపకమునుపు యుగయుగములు నీవే దేవుడవు (కీర్తనలు. 90:2)

🕂తండ్రియైన దేవుడు దేవత్వము కలవాడు. (రోమా. 1:20)

▪️*రెండు - మన ప్రభువైన యేసుక్రీస్తు*

🕂మనకు ప్రభువు ఒక్కడే; ఆయన యేసుక్రీస్తు;(1 కొరింథీయులకు 8:6b)

🕂ఆయన(వాక్యము) ఆదియందు దేవునియొద్ద ఉండెను. - (యోహాను. 1:2)

🕂యేసుక్రీస్తు సర్వాధికారియైన దేవుడు  (రోమా 9:5)

🕂యేసు అద్వితీయ కుమారుడు (లేదా) సజీవుడగు దేవుని కుమారుడైన క్రీస్తు (మత్తయి. 16:16; యోహాను. 1:14,18; 3:16; 1యోహాను. 4:19)

🕂తండ్రీ, లోకము పుట్టకమునుపు నీయొద్ద నాకు ఏ మహిమయుండెనో ఆ మహిమతో నన్ను ఇప్పుడు నీయొద్ద మహిమ పరచుము. (యోహాను. 17:5)

🕂యేసుక్రీస్తు దేవత్వము కలవాడు. (కొలస్సయులకు 2:9)

⚫ మన ప్రభువైన యేసుక్రీస్తుకు దేవత్వం లేదు అంటూ ఆయన మీద బురద జల్లేవారు ఆనాటి నుండి లేకపోలేదు అట్టివారికి సమాధానముగా *యేసుక్రీస్తు యొక్క దేవత్వం అనే అంశము పూర్తిగా చదవగలరు.

▪️*మూడు - మన ఆత్మయునైన పరిశుద్ధాత్ముడు*

🕂మనకు ఆత్మయు ఒక్కడే(1 కొరింథీయులకు 12:4,9,13,18; ఎపేసి. 2:18; 4:4)

నిత్యుడగు ఆత్మ (హెబ్రీ. 9:14)

🕂పరిశుద్ధాత్ముడు దేవత్వము కలవాడు. (అపొస్తలుల కార్యములు 5:3–4)

E : దేవత్వము గలవాడు దేవుడేనా?

అవును 💯 — తండ్రి + కుమారుడు + ఆత్మయు = ఈ ముగ్గురు వ్యక్తులు కూడా దేవుడు అనే పదముతోనే పిలువబడే సందర్భాలును పైన మనం చూశాం కదూ ఐతే… మనకు/అందరికి/క్రైస్తవులకు దేవుడు?

▪️*క్రైస్తవులకు దేవుడొక్కడే*

 ఈ ముగ్గురులో “మనకు/అందరికి/క్రైస్తవులకు దేవుడు ఒక్కడే” అనే విషయం కూడా బైబిల్ స్పష్టముగా తెలియజేస్తుంది. ఇదే అనాటి నుండి క్రైస్తవుల యొక్క విశ్వాస పునాది.

🕂(ఎపేసి 4:6): "అందరికి తండ్రియైన దేవుడు ఒక్కడే. ఆయన అందరికిపైగా ఉన్నవాడై అందరిలోను వ్యాపించి అందరిలో ఉన్నాడు.౹"

🕂(1 కోరింది 8:6) ఆకాశమందైనను భూమిమీదనైనను దేవతలనబడినవి యున్నను, మనకు ఒక్కడే దేవుడున్నాడు. ఆయన తండ్రి

🕂(మలాకి 2:10) మనకందరికి తండ్రియొక్కడే కాడా? ఒక్కదేవుడే మనలను సృష్టింపలేదా?

🕂(1 తిమోతి 2:5): "దేవుడొక్కడే, దేవునికిని నరులకును మధ్య వర్తియు ఒక్కడే; ఆయన క్రీస్తుయేసను నరుడు.౹"

⚫ “ఒక్కడే అంటే ఒక్కడే అని అర్ధం”. ఒక్కడే అనే స్థానములో ఇద్దరిని, ముగ్గురిని పెట్టడం పరిశుద్ధాత్ముని మీద తిరుగుబాటు చేసినట్టే అగును కదా!!

మరింత విశ్లేషణ కోసం దేవుడొక్కడే అంటే —ఎవరికి దేవుడు? అంశము పూర్తిగా చదవండి.

2️⃣. త్రిత్వమా?

“త్రిత్వము” అనే పదము క్రైస్తవ లోకములో విస్తృతంగా వినబడుతున్న ఒక సిద్ధాంత పదము. “త్రిత్వము” అనే పదము లాటిన్ భాషలోని “Trinitas” అనే పదము నుండి వచ్చింది. దీనిని ఇంగ్లీష్ లో Trinity అంటాం. దీని అర్థము “ముగ్గురిలో దేవత్వము/ఏకత్వము” లేదా “మూడు వ్యక్తులుగా ఉన్న ఒక దేవుడు” అనే భావన.

“త్రిత్వ వాదం” ముగ్గురు వ్యక్తులుగా ఉనికిలో నున్న ఒక్క దేవుడు మరియు ఒక్క స్వభావమే. తండ్రి పూర్తిగా దేవుడు, కుమారుడు పూర్తిగా దేవుడు, పరిశుద్ధాత్మ కూడా పూర్తిగా దేవుడు. దేవుడు అనే పదములోనే ముగ్గురు మిళితం అయ్యి ఉన్నారు అంటూనే మనకు ఒక్క దేవుడు ఉన్నారు అనే రకమైన వాదులు ఉన్నారు. మరియు మనకు ఒక్కడే దేవుడు ఆయనే యేసు అనే త్రిత్వ వాదులు ఉన్నారు. ఇందులోనే తిరిగి యెహోవాయే యేసు, యేసే పరిశుద్ధాత్ముడు అనే బోధ యందు లక్ష్య పెట్టేవారు కూడా ఉన్నారు. కాలక్రమేణా “త్రిత్వ వాదం” వారికి నచ్చిన రీతిలో మార్పు చెందుతూనే వచ్చింది. 

అయితే ఈ పదమును పరిశీలించినప్పుడు ఒక ముఖ్యమైన విషయం గమనించవలెను — “త్రిత్వము”(Trinity) అనే పదము బైబిల్లో ఎక్కడా కనిపించదు. పాత నిబంధనలో గాని, క్రొత్త నిబంధనలో గాని, క్రీస్తు బోధలో గాని, అపొస్తులుల బోధలో గాని ఈ పదము ఉపయోగించబడలేదు.

A : త్రిత్వము - చరిత్ర

చరిత్ర ప్రకారం, “త్రిత్వము” అనే పదమును మొదటిగా క్రీస్తుశకం రెండవ శతాబ్దం చివరలో(AD 200) టెర్టులియన్ (Tertullian) అనే క్రైస్తవ రచయిత ఉపయోగించాడు. అతను “Trinitas” అనే లాటిన్ పదమును ఉపయోగించి తండ్రి, కుమారుడు, పరిశుద్ధాత్ముడు మధ్య ఉన్న సంబంధాన్ని వివరించడానికి ప్రయత్నించాడు.

తరువాత క్రీస్తుశకం 325లో నైసియా కౌన్సిల్ (Council of Nicaea) అనే సంఘ సమావేశములో యేసుక్రీస్తు స్వభావము గురించి అనగా “యేసుక్రీస్తు సృష్టింపబడినవాడా? లేక నిత్యుడా?” అనే విషయమై చర్చ జరిగింది. అక్కడ “హోమూషియస్” (Homoousios) అనే గ్రీకు పదమును ఉపయోగించారు. ఈ పదము అర్థము “ఒకే స్వభావము” (same substance) అనే భావన. ఈ సమావేశము తరువాత “Nicene Creed” అనే ప్రకటన రూపొందించబడింది.

“Una substantia, tres personae”

అర్థము: “ఒక స్వభావము, మూడు వ్యక్తులు”

తరువాత క్రీస్తుశకం 381లో కాన్స్టాంటినోపుల్ కౌన్సిల్‌లో పరిశుద్ధాత్ముని స్థానం కూడా అధికారికంగా చేర్చబడింది. ఈ విధంగా త్రిత్వ సిద్ధాంతము చరిత్రలో ఒక థియోలాజికల్ వివరణగా అభివృద్ధి చెందింది.

Source : New Catholic Encyclopaedia, 2nd Edition, Volume 14, “Trinity,” pp. 295–299.

“త్రిత్వము” అనే పదము బైబిల్ పదము కాదు; అలాగే “హోమూషియస్” “ఎసెన్స్” అనే పదములు బైబిల్లో కనిపించవు. అది ఒక థియోలాజికల్ పదములు. అపోస్తులులు పరిశుద్ధాత్ముడు ప్రేరణ ద్వారా ఎన్నడూ ఇట్టి “త్రిత్వ బోధను” ప్రకటన చేయలేదు, బైబిల్లో వ్రాయలేదు సుమీ!!

3️⃣. త్రియేకమా?

“త్రియేకము” అనే పదము రెండు పదముల కలయిక :

▪️త్రి (Tri) = మూడు

▪️ఏకము (Une / Eka) = ఒకటి

అంటే “మూడు అయిన ఒకటి” లేదా “మూడు వ్యక్తులుగా ఉన్న ఒకే దేవుడు” అనే భావనను సూచించుటకు ఈ పదమును ఉపయోగిస్తారు. ఆంగ్లంలో దీనిని “Triune God” అని పిలుస్తారు.

అయితే ఒక ముఖ్యమైన సత్యము ఏమిటంటే — “త్రియేకము” అనే పదము కూడా బైబిల్లో ఎక్కడా ఉపయోగించబడలేదు. ఇది పాత నిబంధనలో గాని, క్రొత్త నిబంధనలో గాని, అపొస్తలుల బోధలో గాని కనిపించదు.

Source : Encyclopaedia Britannica, 15th Edition, Volume 11, “Trinity,” pp. 928–930.

“త్రియేక వాదం” అనేది ముగ్గురు వ్యక్తులు ఉన్న ఒక్కడే. ఒక్క దేవుడు మూడు రూపాల్లో పాత్ర పోషించారని. ద్వి లేదా త్రి పాత్రాభినయం చేశాడని.. ఒకే దేవునిలో ముగ్గురు వ్యక్తులున్నారని, ముగ్గురిని కలిపితే సంపూర్ణ దేవుడు అనే బోధ యందు లక్ష్య పెట్టేవారు కలరు. దీనికి వారు చూపించే వచనం… "నేనును తండ్రియును ఏకమై యున్నామని వారితో చెప్పెను.౹" (యోహాను 10:30) అదిగో ఏకమై(ONE) ఉన్నారంటే ఒక్కడే.. ముగ్గురు ఒక్క వ్యక్తే అనేవాదన చేయువారు ఇట్టివారిని నేడు “ఏకత్వవాదులు” అందురు.  అట్టివారికి మరింత విశ్లేషణ కోసం మా రచనల్లో నున్న “ఏకమైయున్నారు అంటే ఏంటి?” అనే ఈ అంశము పూర్తిగా చదవగలరు. 

A : త్రియేకము — చరిత్ర

త్రియేకము అనే పదము “త్రిత్వము” (Trinity) అనే సిద్ధాంతాన్ని వివరించుటకు తరువాత కాలములో ఉపయోగించబడిన ఒక వివరణాత్మక పదము. క్రీస్తుశకం రెండవ మరియు మూడవ శతాబ్దములలో క్రైస్తవులు దేవుని స్వరూపమును/స్వభావమును వివరించుటకు తత్త్వశాస్త్ర సంబంధమైన పదములను ఉపయోగించడం ప్రారంభించారు.

టెర్టులియన్ (Tertullian), ఒరిజెన్ (Origen), మరియు తరువాత కొందరు మత నాయకులు దేవుని గురించి వివరణ ఇవ్వుటకు “Trinitas” మరియు “Triune” వంటి పదములను ఉపయోగించారు.

క్రీస్తుశకం 325లో నైసియా కౌన్సిల్ మరియు క్రీస్తుశకం 381లో కాన్స్టాంటినోపుల్ కౌన్సిల్ తరువాత ఈ భావనలు మరింత స్థిరపడ్డాయి.

అయితే ఈ పదములు బైబిల్ పదములు కాదు; అవి తరువాత కాలములో ఉపయోగించబడిన వివరణాత్మక పదములు మాత్రమే. అపోస్తలుల బోధకు వీరి బోధలకు ఎటువంటి సంబంధం లేదు.

🌿 ముగింపు 

దేవత్వము  - ✅

త్రిత్వము - ❎

త్రియేకము - ❎

పరిశుద్ధ వాక్యము ప్రకారం దేవత్వము ఒక లక్షణము. ఆ దేవత్వము తండ్రియందు ఉంది, కుమారునందు ఉంది, పరిశుద్ధాత్మునందు ఉంది. కాబట్టి దేవత్వము కలిగిన ముగ్గురు వ్యక్తులు ఉన్నారు అనేది సత్యం. ఐతే దేవత్వములో ముగ్గురు వ్యక్తులు అని అనకూడదు కారణం ఇది త్రిత్వ/త్రియేక బోధకు దారి తీస్తుంది. 

అయితే “త్రిత్వము” మరియు “త్రియేకము” అనే పదములు కూడా బైబిల్లో లేవు; అవి తరువాత కాలములో ఉపయోగించబడిన చారిత్రక పదములే కానీ దైవ పూరితమైన సందేశం కావు. వీటిని తల దన్నే బోధలు అనగా జ్ఞానతత్వం వాదన, గతికవాదం లేకపోలేదు. తదుపరి రచనల్లో వాటి కోసం వ్రాయుటకు ప్రయత్నం చేస్తాం. ఏదిఏమైనా మన విశ్వాసము దేవుని వాక్యముపైనే ఉండాలి.  “సమస్తమును పరిశీలించి మేలైనదానిని చేపట్టుడి.” (1 థెస్సలొనీకయులకు 5:21)

మీ ఆత్మీయులు 👪

1. దేవత్వము^{క్లిక్ చేయు}

2. యేసుక్రీస్తు యొక్క దేవత్వము ^{క్లిక్ చేయు}

3. యేసు ఎవరు?^{క్లిక్ చేయు}

4. ఏకమైయున్నారు అంటే ఏంటి?^{క్లిక్ చేయు}

5. దేవుడొక్కడే అంటే —ఎవరికి దేవుడు?^{క్లిక్ చేయు}

"యెహోవా దేవుడే యేసుక్రీస్తుగా వచ్చాడా!?" Is Jehovah came as like Jesus

మన ప్రభువైన యేసుక్రీస్తు నామములో మీకు వందనములు. 🙏🏿

పరలోకమందున్న దేవుడు ఆది నుండి జరుగు సంగతులను మరియు తన సంకల్పమును అంతటిని పరిశుద్ధాత్మ ద్వారా ప్రేరేపించబడిన మనుషులు చేత వ్రాయించి(66 పుస్తకాలుగా వ్రాసి) మానవజాతికి ఇచ్చుటకు గల ముఖ్య ఉద్దేశ్యం నరుడు తాను బ్రతుకు దినములన్నియు పరిశుద్ధ గ్రంథమును చదువుటకును(ద్వితీయో. 17:21; 1 తిమోతి. 4:13; ప్రకటన), దానిలో విషయాలు చదివి/విని బాగుగా గ్రహించుకొనుటకును (నెహె. 8:8 అపో.కార్య. 8:30), పరిశోధన చేయుటకును (యెషయా. 34:16; అపో.కార్య. 17:11), ధ్యానించుటకను(యెహో. 1:8; కీర్తనలు. 1:2) తన బాల్యదినములందే సృష్టికర్తను యెరుగుటకును(ప్రసంగి. 12:2) దేవుని గూర్చిన జ్ఞానమును(2 కోరింది.10:5; 1 దేస్స.2:13), క్రీస్తును గూర్చిన జ్ఞానమును(ఎఫెసి.4:11), అలాగే పరిశుద్ధాత్ముడు గూర్చిన జ్ఞానమును(యోహాను.14:16; తీతుకు.3:5-6) స్పష్టముగా యెరిగి, చర్చ్ ఆఫ్ క్రైస్ట్(క్రీస్తు సంఘముగా) చేర్చబడుటకును, అపోస్తలుల బోధలో తమ జీవితాలను దిద్దుబాటు చేసుకొనుటకును, క్రీస్తు స్వరూపం తనయందేర్పడుటకును, క్రీస్తు ప్రత్యక్షతలో మనం తండ్రి యొద్దకు చేరుకోవాలనే కదా!!(అపో.కార్య.2:38-42; గలతీ. 4:19; యోహాను. 14:6).

నిజమైన విశ్వాసికి బైబిలే ప్రామాణికం కాబడాలి లేనియెడల తమ ఊహలు/ఇష్టాలు గ్రంథానికి ఆపాదించబడే అవకాశాలున్నాయి. ఇలా మనుషులు సరిగ్గా ఆలోచించక, పరిశీలించక, చదవక, సరిగ్గా విభజించక పోవుట వలన పుట్టుక వచ్చే బోధలే త్రిత్వము, త్రియేక, ఏకతత్వవాదం, గతికవాదం, జ్ఞానతత్వవాదం ఇవి... 👇👇

❌ త్రిత్వ వాదం అనగా ముగ్గురు వ్యక్తులుగా ఉనికిలోనున్న ఒక్క దేవుడు మరియు ఒక్క స్వభావమే. తండ్రి పూర్తిగా దేవుడు కుమారుడు పూర్తిగా దేవుడు పరిశుద్ధాత్మ కూడా పూర్తిగా దేవుడు అయిన మనకు ఒక్క దేవుడు ఆయనే యేసు అంటూనే తిరిగి యెహోవాయే యేసు, యేసే పరిశుద్ధాత్ముడు అనే బోధ యందు లక్ష్య పెట్టేవారు.

❌ త్రియేక వాదం అనగా ముగ్గురు వ్యక్తులు ఉన్న ఒక్కడే. ఒక్క దేవుడు మూడు రూపాల్లో పాత్ర పోషించారని. ద్వి లేదా త్రీ పాత్రాభినయం చేశాడని.. ఒకే దేవునిలో ముగ్గురు వ్యక్తులున్నారని,  ఆ ముగ్గురిని కలిపితే సంపూర్ణ దేవుడు అనే బోధ యందు లక్ష్య పెట్టేవారు.

❌ఏకతత్వవాదం  అనగా ఇద్దరూ ఏకమైయున్నారు అంటే  ఒక్కడైయున్నారని,  ఒక్క దేవుడే ద్విపాత్రాభినయం చేశాడనే బోధ యందు లక్ష్య పెట్టేవారు.

❌  గతికవాదం అనగా యేసును దేవుడు కలుగజేశాడని. యేసు రెండవ రాకడ అయిపోయిందని, నరకం లేదని, సంఘము శాశ్వతముగా భూమి మీద ఉంటుందని, పునరుత్థానం లేదని, పరలోకము లేదని,...Etc. (జ్ఞానతత్వవాదల నుండి పుట్టుకు వచ్చిన వారే ఈ గతికవాదులు).

❌జ్ఞానతత్వవాదం అనగా యేసు శరీరములో దేవత్వం లేదు, శరీరమునకు పునరుత్థానం లేదు, యేసు కేవలం నరుడు మాత్రమే, అనాదిలో తండ్రి ఆలోచనలో మాత్రమే ఉన్నాడు కానీ తండ్రి యొద్ద లేరు..Etc.

మనం ముఖ్యముగా త్రిత్వము మరియు త్రియేక వాదుల బోధలు విషయానికి వస్తే ఇవి పూర్తిగా బైబిల్ కి వ్యతిరేకం. యేసు ఎప్పుడూ "త్రిత్వం/త్రియేక(Trinity)" అనే పదాన్ని ఉపయోగించలేదు. మనకు ఆ పదం బైబిల్లో కనిపించదు. ఇవి మనుషులు తమ ఆలోచనలును  పరిశుద్ధ గ్రంథానికి ఆపాదించి మాట్లాడే విషయాలే. కావున ఇటువంటి అబద్ధాలు బారిన పడకూడదనే ఆలోచనతో "యెహోవా దేవుడే యేసుక్రీస్తుగా వచ్చాడా!?" అనే అంశము మీ ముందు ఉంచుటకు ప్రయత్నం చేయుచున్నాము కావున చివరి వరకు చదివి ఆలోచించి, వాక్య పరిశీలన  చేయవలసిందిగా మనవి. 🙏

🔥 కీలకమైన విషయాలు :

 

👤 మన దేవుడైన యెహోవా ≈ అనాది (సృష్టికి ముందే) నుండి ఉన్నారని. - (యెషయా. 40:28; కీర్తనలు. 90:1-2).

👤 మన ప్రభువైన యేసుక్రీస్తు ≈ అనాది(సృష్టికి ముందే) నుండి ఉన్నారని. - (యోహాను. 17:5; 1 పేతురు. 1:18-20).

📖 పాత నిబంధన కాలములో దేవుడైన యెహోవా తన భక్తుల ద్వారా యేసుని గూర్చి ముందుగా తెలియపరచుట :

1). అబ్రహామునకు తెలియజేసిన మాటలు: (ఆది. 17:7; గలతీ. 3:16).

2). దావీదునకు తెలియజేసిన మాటలు: (2 సమూయేలు. 7:12-19).

3). యెషయాకు తెలియజేసిన మాటలు: (యెషయా. 7:14; 9:6-7).

4). యిర్మియాకు తెలియజేసిన మాటలు: (యిర్మియా. 31:31-33).

5). దానియేలుకు తెలియజేసిన మాటలు: (దానియేలు. 7:13-14).

6). మీకాకు తెలియజేసిన మాటలు: (మీకా. 5:2).

7). జెకర్యాకు తెలియజేసిన మాటలు: (జెకర్యా. 9:9).

8). మలాకీకు తెలియజేసిన మాటలు: (మలాకీ. 3:1).

🔥 "యెహోవా దేవుడే యేసుక్రీస్తుగా వస్తే..."

మనం ఒక్క క్షణం "యెహోవా దేవుడే యేసుక్రీస్తుగా వచ్చారు" అని భావిస్తే బైబిల్ ను  నీవు పూర్తిగా అపార్థం చేసుకొనట్టే అగును కదా... ఎలా అనేది  ఈ క్రింది విషయాలను జాగ్రత్తగా పరిశీలన చేయుము. 

A). యేసుక్రీస్తు ఎవరిచేత పంపబడ్డాడు? ఆలోచించుకో... - (యోహాను 5:30; 8:42; 17:3; 20:21).

B).  యేసుక్రీస్తు ఎవరి యొద్ద నేర్చుకున్నాడు? ఆలోచించుకో... - (యెషయా. 50:4-7; యోహాను. 5:19; 8:28; 12:49-50; 14:24; 15:15). 

C).  యేసుక్రీస్తు ఎవరి మాట విన్నాడు? ఆలోచించుకో...  - (యోహాను 3:32; 12:49-50; 14:10). 

D). యేసుక్రీస్తు ఈ భూమి మీద ఎవరికీ విధేయుడుగా ఉన్నాడు?  ఆలోచించుకో... - (యెషయా. 53:10-12; మత్తయి. 26:39; యోహాను. 10:18; 14:31; రోమా 5:19; ఫిలిప్పీ 2:8; హెబ్రీ 5:5-9).

E). యేసుక్రీస్తును సమాధి/మరణం నుండి ఆయనను లేపిందెవరు? ఆలోచించుకో...  - (అపో.కార్య. 2:24; 3:15; 4:10; 13:37; 17:31; 4:25; రోమా 6:4; 7:4; 8:11; 1 కొరింథీ 6:14; 15:4,12; ఎఫేసి 1:20,21).

F). యేసుక్రీస్తుకు ఎవరు అధికారం ఇచ్చారు?. ఆలోచించుకో... - (యోహాను. 5:26; మత్తయి 28:18,19; ప్రకటన 2;26; 3:12; 1పేతురు 3:22).

G). యేసుక్రీస్తుకు పరిశుద్ధాత్మ సహాయం ఎందుకు?. ఆలోచించుకో... - (యెషయా 11:1-5; మత్తయి 12:18,28  లూకా. 4:18; యోహాను 3:34; అపో.కార్య. 10:38).

H). యేసుక్రీస్తు ఈ భూమి మీద ఎవరికీ ప్రార్ధన చేశారు?. ఆలోచించుకో... -(కీర్తనలు 22:1-10; మత్తయి 11:25; 26:38-39; 27:46; మార్కు 1:35; లుకా 6:12; యోహాను 17:1-22; హెబ్రీ 5:7). Etc.

I). యెహోవా దేవుడే వస్తే... యేసుక్రీస్తు ఎవరిని నా దేవా నా దేవా, నా తండ్రి, నా దేవుడు అనెను? ఆలోచించుకో... - (మత్తయి 27:46; యోహాను 20:17). Etc.

J). యెహోవా దేవుడే వస్తే... యేసుక్రీస్తు ఎవరి కుడి పార్శమున కూర్చున్నారు? - ఆలోచించుకో... - (అపో.కార్య. 2:25,33,35; 7:55; రోమా. 8:34; ఎఫెసి. 1:20; కోలస్సీ 3:1; హెబ్రీ 1:3; 8:2; 10:12; 12:2; 1 పేతురు. 3:22).

👥 మరిన్ని ఆధారాలు  :

🍃 ఆదియందు వాక్యముండెను, వాక్యము దేవునియొద్ద ఉండెను, వాక్యము దేవుడై ఉండెను. ఆయన ఆదియందు దేవునియెద్ద ఉండెను. -(యోహాను. 1:1-2)

☑ పై వచనమును బట్టి వాక్యము ఎవరు ? – యేసు (యోహాను. 1:14a).

☑ ఆ వాక్యము ఎవరియొద్ద ఉండెను ? – యెహోవా (యోహాను. 1:2; 14b).

🍂  నేను తండ్రియెద్ద నుండి బయలుదేరి లోకమునకు వచ్చియున్నాను; మరియు లోకమును విడిచి తండ్రియొద్దకు వెళ్లుచున్నానని వారితో చెప్పెను . –(యోహాను. 16:28).

☑ పై వచనమును బట్టి తండ్రి ఎవరు ? – యెహోవా (ఎఫేసి 1:19).

☑ తండ్రియొద్దకు వెళ్లుచున్నవారు  ఎవరు ? – యేసు (యోహాను. 17:5).

🍁ఆకాశము తెరువబడుటయు మనుష్య కుమారుడు దేవునికుడిపార్శ్వమందు నిలిచియుండుటయు చూచుచున్నానని చెప్పెను. (అపో.కార్య. 7:56).

☑ పై వచనమును బట్టి దేవుడు ఎవరు ? – యెహోవా (1 కోరింధి. 8:6).

☑ దేవుని కుడిపార్శ్వమందు నిలిచియున్నది ఎవరు ? – యేసుక్రీస్తు (మార్కు. 16:19).

🍃  నేను తండ్రిని వేడుకొందును, మీయెద్ద ఎల్లప్పుడు నుండుటకై ఆయన వేరొక ఆదరణకర్తను అనగా సత్య స్వరూపియగు ఆత్మను మీకనుగ్రహించెను. (యోహాను. 14:16).

☑ పై వచనమును బట్టి తండ్రి ఎవరు ? – యెహోవా (ఎఫేసీ. 4:6).

☑ తండ్రిని వేడుకొందునని చెప్పినది ఎవరు ? – యేసు (యోహాను. 17:1-2).

🍂 తండ్రిని(Father)  కుమారుని(Son) ఒప్పుకొనని వీడే క్రీస్తు విరోధి. (1 యోహాను. 2:22).

☑ నా తండ్రి (మత్తయి. 10:32), మీ తండ్రి (మత్తయి. 23:9), మన తండ్రి (1 కోరింధి. 8:6).

☑ అద్వితీయ కుమారుడు. – (యోహాను. 3:16).

🔥 యెహోవా దేవుడు - యేసు కాదని అనుటకు సాక్ష్యము :

👤 యెహోవా సాక్ష్యము – (నిర్గమ. 33:20).

👤 యేసుక్రీస్తు సాక్ష్యము – (యోహాను. 1:18).

👤 పరిశుద్ధాత్ముని సాక్ష్యము – (1 తిమోతి. 6:16; 1 యోహాను. 4:12).

గమనిక : ఇద్దరి మనుష్యుల సాక్ష్యము సత్యమని గ్రంథము తేటగా తెలియపరుస్తుంది. – (యోహాను. 8:17).

✒ సారాంశము : ఓ చదువరి... నీకు ఇవ్వబడిన బైబిల్ జాగ్రత్తగా చదువుటకు, గ్రహించుకొనడానికి, పరిశీలన చేయడానికి, ధ్యానించడానికి, క్రీస్తు నందు రక్షింపబడి, క్రీస్తు పరిపాలన క్రింద చేర్చబడి, మరల ఆయన ప్రత్యక్షతలో తండ్రి యొద్దకు చేరుకొనుటకు, యుగయుగములు ఆయన సన్నిధిలో ఉండానికి ముందుగా ఇవ్వబడిన పరిశుద్ద గ్రంథమని గుర్తిస్తే... ఆయన గ్రంథములో లేనివాటిని తిరిగి గ్రంధానికి కలిపి, చెరిపి బోధించే అవకాశం ఇవ్వబడలేదనే విషయాన్ని మొదటగా గుర్తించు. ఇక విషయానికి వస్తే... "యెహోవా దేవుడే యేసుక్రీస్తుగా వచ్చారు" అనుటకు బైబిల్ ఏమాత్రం అంగీకరించదు. ఇది పూర్తిగా దేవుని సంకల్పానికి వ్యతిరేకమైన బోదె. కాబట్టి పై వ్రాసిన విషయాలను వాక్యాలతో సహా చదివి, పరిశీలన చేయమని, అసత్యానికి/అబద్ధ బోధకు దూరంగా ఉండాలని మిమ్మలి  క్రీస్తు నందు ప్రేమతో కోరుతున్నాం. 🙏 

"యెహోవా దేవుడే యేసుక్రీస్తుగా వచ్చాడు అనేది ఒక కట్టుకథ"

WhatsApp ^{Join Us}   Telegram ^{Join Us}

మీ ఆత్మీయులు 👪

🔎 మరెన్ని అంశాలు పరిశీలన చేయుటకు :

１. ఏకమైయున్నారు అంటే ఏంటి?^{క్లిక్ చేయు}

２. యేసుకి దేవత్వము లేదు అనే జ్ఞానతత్వవాదం ^{క్లిక్ చేయు}

３. గతికవాదం^{త్వరలో}

４. యేసుని ఎవరు పంపెను?^{క్లిక్ చేయు}

５. యేసు యొక్క దేవుడు ఎవరు?^{క్లిక్ చేయు}

యెహోవాకు దేవుడు క్రీస్తా?(Jehovah's god is Christ?)

 యెహోవాకు దేవుడు క్రీస్తా?

మన ప్రభువైన యేసుక్రీస్తు నామములో మీకు వందనములు🙏 

నేటి క్రైస్తవ సమాజములో మేము కూడా క్రైస్తవులమే అని చెప్పుకొంటూ... "యెహోవా దేవునికే దేవుడు ఉన్నారని ఆయనే యేసు" అనుచు  హెబ్రీయులకు. 1:7-8 వచనములు చూపించి తమకి అనుగుణముగా పరిశుద్ధ గ్రంథమును వక్రీకరించి, వాక్యమును అపార్థం చేసుకొనేవారు లేకపోలేదు. ఇలాంటి వారిని నేను ఎదుర్కొని తెలియపరిచినప్పటికి వారు విననందున దేవునికి విడిచిపెట్టి వదిలివేశాను. మరల కనపడే సరికి... కాస్త ఆలోచించి ఇలాంటి మిత్రుల బారిన ఎవరు పడకూడదని భావించి "యెహోవాకు దేవుడు క్రీస్తా?" అనే అంశమును వ్రాయుటకు సిద్ధపడి మీ యెదుట పెడుతున్నా కావున సత్య సంబంధులు చివరి వరకు చదివి, ఆలోచించి, సత్యాన్ని గుర్తించగలరని మనవి. 

మిత్రుడు నాతో మాటలాడిన సంభాషణ

📖 వాక్యము :

హెబ్రీయులకు. 1:7-9: "—తన దూతలను వాయువులుగాను తన సేవకులను అగ్ని జ్వాలలుగాను చేసికొనువాడు అని తన దూతలనుగూర్చి చెప్పుచున్నాడు గాని తన కుమారునిగూర్చియైతే – దేవా, నీ సింహాసనము నిరంతరము నిలుచునది; నీ రాజదండము న్యాయార్థమయినది. నీవు నీతిని ప్రేమించితివి దుర్నీతిని ద్వేషించితివి అందుచేత దేవుడు నీతోడివారికంటె నిన్ను హెచ్చించునట్లుగా ఆనందతైలముతో అభిషేకించెను."

Heb 1:7-9: "And of the angels he saith, Who maketh his angels spirits, and his ministers a flame of fire. But unto the Son he saith, Thy throne, O God, is forever and ever: a scepter of righteousness is the scepter of thy kingdom. Thou hast loved righteousness, and hated iniquity; therefore God, even thy God, hath anointed thee with the oil of gladness above thy fellows."

కీర్తనలు. 45:6-7: "దేవా, నీ సింహాసనము నిరంతరము నిలుచును నీ రాజదండము న్యాయార్థమైన దండము. నీవు నీతిని ప్రేమించి భక్తిహీనతను ద్వేషించుచున్నావు కావున దేవుడు [నీ] దేవుడే చెలికాండ్రకంటె హెచ్చ గునట్లుగా నిన్ను ఆనందతైలముతో అభిషేకించియున్నాడు."

Ps 45:6-7: "Thy throne, O God, is forever and ever: the scepter of thy kingdom is a right scepter. Thou lovest righteousness, and hatest wickedness: therefore God, thy God, hath anointed thee with the oil of gladness above thy fellows."

💥 వాక్య వక్రీకరణ :

దేవా(O God) అనే మాటను పట్టుకొని యెహోవాకు దేవుడు ఉన్నారని. యెహోవా దేవుడే స్వయముగా నా దేవుడు యేసు అని అన్నారనే బోధ.

యేసు నా దేవుడు(MY GOD) నా తండ్రి అని ఎలా అన్నారో. (యోహాను. 20:17) అలాగే యెహోవా దేవుడు కూడా నా దేవుడు యేసు అన్నారనే బోధ (హెబ్రీ. 1:8).

🔎 వివరణ :

పరిశుద్ధ గ్రంథముతో కాస్త పరిచయం ఉన్నవారు ఎవరైనా ఇది  అబద్ధమే అని ఇట్టే నిర్ణయించగలరు. కానీ మన మిత్రులు ఎందుకు ఆలోచన చేయలేక, వాక్య వక్రీకరణకు పోతున్నారో వారే పరీక్షించుకొని, నిర్ధారణ చేసుకోవాలి. ఏది ఏమైనా సత్యం తెలియజేయడం మన బాధ్యత. ఇక విషయానికి వస్తే...

１. మనము పాపమునుండి విమోచింపబడి, నీతివిషయమై జీవించునట్లు, యేసు తానే తన శరీరమందు మనమందరి పాపములు విషయమై (రోమా. 6:18; 1 పేతురు. 2:24; యెషయా 53:4-5; 12). మరణించి, సమాధి చేయబడి, మూడవ దినము తిరిగి లేచి(1 కొరింది. 15:3-4), అనాది దేవుని సంకల్పం నెరవేర్చి(1పేతురు. 1:18:19-20; అపో.కార్య. 2:23). తన వారుకి కనబడి నలభై దినములు వారికి బోధించి, సజీవునిగా కనపరుచుకొని (అపొ.కార్య. 1:4). అటు పిమ్మట, పరలోకమునకు ఆరోహణమయ్యి. (అపొ.కార్య. 1:9). తన దేవుని కుడిపార్శ్వమునకు హెచ్చింపబడెను. (అపొ.కార్య. 2:33).

２. తండ్రి ఆ కుమారుని సమస్తమునకును వారసునిగా నియమించి (హెబ్రీ. 1:2). పాపముల విషయములో శుద్ధీకరణము చేసిన కుమారున్ని తన కుడిపార్శ్వమున కూర్చోబెట్టి, ఆనందతైలముతో అభిషేకించెను. (హెబ్రీ. 1:3-4; 9).

🔖Note : పాపముల విషయములో శుద్ధీకరణము చేసిన తరువాత యేసు దేవుని కుడిపార్శ్వమున కూర్చొనెను. (హెబ్రీ మొదటి అధ్యాయం అనాదిలో జరిగిన సంఘటన కాదు). 

３. అటు పిమ్మట, దావీదు సింహాసనమును తన కుమారునికిచ్చి, ఆ కుమారునియందు విశ్వాసముంచు వారిని ఏలుబడి చేయుటకు యెహోవా దేవుడే తన కుమారుడును మనకు "ప్రభువుగాను, క్రీస్తుగాను" నియమించెను. - (లూకా. 1:32; యోహాను. 3:36; అపో.కార్య. 2:32-36; 10:36). ఈ సంగతి ఇశ్రాయేలు వంశ మంతయు రూఢిగా తెలిసికొనవలెనని పరిశుద్ధాత్ముడే చెప్పెను కదా!! (అపో.కార్య. 2:36).

📝 తండ్రి(యెహోవా) ఇలా కుమారుడును(యేసును) అభిషేకించె పనిలో ముందుగా... "దేవా"(O God) అని తన కుమారుని గూర్చి ఇలా సంభోదించెను.(8వ)

☑ గ్రీకు : ho theos(ὁ θεός) 

☑ ఇంగ్లీష్ : O God

☑ తెలుగు : దేవా

🍂 దేవా(O God) అనేది ఆశ్చర్యం, ఉత్సాహం, బాధ లేదా సహాయం కోసం విజ్ఞప్తికు వివిధ భావోద్వేగాలను వ్యక్తీకరించడానికి, గొప్ప చేయుటకు ఉపయోగించే ఒక సాధారణ ఆశ్చర్యార్థక పదబంధమే కానీ తనకు దేవుడని లేదా నా దేవుడు అని అర్థం కాదు. 

🍂 దేవా అని కుమారుని పిలుచుటకు గల కారణం "యేసు తన దేవుని మహిమయొక్క ప్రతిబింబమును మరియు స్వభావ సిద్ధముగా తన దేవుని గుణ లక్షణములు గలవాడనే కదా". (హెబ్రీ. 1:3).

🍂దేవా(O God) అనగా దేవుడు లేదా దేవత్వము గలవాడ అని అర్థమే కానీ మరొక్కటి కాదు. "యేసు యొక్క దేవత్వము" కొరకు ^{Click Here} ఇక్కడ క్లిక్ చేయుము. 

🍂 "దేవా" అనే పదం ఎక్కువగా పా.ని లో కీర్తనలు గ్రంథము నందు 144 సారులు వాడారు. ఉదా: (కీర్తనలు. 4:1; 5:10; 16:1; 61:5...చూడుము).

📝 చివరిగా మిత్రులకు "నా దేవా"(My God) అనే విషయమై వివరణ ఇవ్వాలని ఉద్దేశించి.. యేసు స్వయంగా సిలువలోని, సమాధిలో నుండి లేచిన తరువాత పలికిన మాటలను చూస్తే...

🍃..."నా దేవా(my God), నా దేవా(my God) నన్నెందుకు చెయ్యి విడిచితివని..." మత్తయి. 27:46

🍃..."...నా దేవుడును(my God) మీ దేవుడునైన(your God) వాని యొద్దకు..." యోహాను 20:17

🍃 నా దేవా(My God) అనేది దైవంతో వ్యక్తిగత, భక్తిపూర్వక మరియు తన దేవుడు అని ఆధారపడే సన్నిహిత సంబంధాన్ని సూచిస్తుంది. యేసు తన దైవం మీద ఆధారపడి బ్రతికి మనకు మాదిరి ఉంచిపోయేను కదా! 

🍃 నా దేవా(my God) అనగా నా దేవుడు లేదా నా దైవం అని అర్థమే కానీ మరొక్కటి కాదు. "యేసు యొక్క దేవుడు ఎవరు?" కొరకు ^{Click Here} ఇక్కడ క్లిక్ చేయుము.

🔎 "దేవా" మరియు "నా దేవా" అనే రెండు పదాలు వేరు వేరు అర్థాలు ఇచ్చు పదాలు అనుటకు ఆధారాలు :

కీర్తనలు 43:4: "... దేవా(O God) నా దేవా(My God), సితారా వాయించుచు నీకు కృత జ్ఞతాస్తుతులు చెల్లించెదను"

కీర్తనలు 68:24: "దేవా(O God), నీ గమనమును పరిశుద్ధ స్థలమునకు పోవు నా రాజగు దేవుని(my God) గమనమును వారు చూచియున్నారు.

కీర్తనలు 63:1: దేవా(O God), నా దేవుడవు(my God) నీవే, వేకువనే నిన్ను వెదకు దును"

🌱 యెహోవా & యేసు ఇద్దరు ఏకమైయున్నారు అంటే ఒక్కటే అని అంటావు ఏమో! ఇందుకోసం "ఏకమైయున్నాము!? ^{Click Here} " కొరకు ఇక్కడ క్లిక్ చేయుము.

💢 సారాంశము :

పరలోకమందున్న దేవుడు తన రాజ్యము పైన అనగా క్రీస్తు సంఘము(church of Christ) మీద యేసును ప్రభువుగాను, క్రీస్తుగాను నియమించి, పట్టాభిషేకం చేయుటకు ముందు యేసును "దేవా" అనగా దేవత్వం గలవాడా అనే సంభోదించారు తప్పా... "నా దేవా/నా దేవుడు" అని అనలేదని మిత్రులు ఈ సత్యాన్ని గుర్తించవలసిందిగా కోరుచున్నాము.

"మన తండ్రియైన దేవునినుండియు మన ప్రభువైన యేసుక్రీస్తునుండియు మీకు కృపయు సమాధానమును కలుగును గాక.౹"

WhatsApp ^{Join Us}   Telegram ^{Join Us}

మీ ఆత్మీయులు👪

ఏకమైయున్నాము!? (యోహాను. 10:30)

 

ఏకమైయున్నాము!? (యోహాను. 10:30)

మన ప్రభువైన యేసుక్రీస్తు నామములో మీకు వందనములు 🙏

నేటి క్రైస్తవ్యమనే సమాజములో అనేకమందికి యోహాను సువార్త 10వ అధ్యాయం 30వ వచనము అనేది అర్థంకాక, వారి బోధల చేత అపార్థం చేయబడి, వక్రీకరించబడి, అసత్యము సత్యముగా బోధించబడుతున్న తరుణములో  సత్యము ఏంటో పరిచయం చేయుటకు, అట్టివారి బోధలను సత్యవాక్య ఆధారముతో ఖండించుటకు, సరిచేయుటకు ఈ అంశము యొక్క ముఖ్య ఉద్దేశమైయున్నది. శ్రోతులు కంగారు పడకుండా చివరివరకు అంశాన్ని చదివి, ఆలోచించి, వాక్య పరీక్ష చేసి, సత్యాన్ని స్వీకరించవలసిందిగా  మనవి.

 📖 వాక్యం : 

"నేనును తండ్రియును ఏకమై యున్నామని(యేసు) వారితో చెప్పెను.౹" (యోహాను. 10:30).

💢 వక్రీకరించబడే విధానం : 

క్రైస్తవులకు దేవుడు యేసు అని చూపుటకు ఎన్నుకొనే సరిక్రొత్త బోధన విధానమే ఈ త్రీయేక మరియు త్రిత్వము బోధలు. ఇట్టి బోధలు నుండి పుట్టుకు వచ్చిన బోధయే "తండ్రి మరియు యేసు ఒక్క వ్యక్తే అని, యెహోవాయే శరీరధారిగా యేసుగా వచ్చారని, ఇద్దరు కాదని, ఈయనే ఆయన.. ఆయనే ఈయన"... (యేసు మాటల్లో ఒక్క ఆధారం కనపడదు).

🔎వాక్య వివరణ :📖  

"నేనును తండ్రియును ఏకమై యున్నామని(యేసు) వారితో చెప్పెను.౹" (యోహాను 10:30): 

John 10:30: "I and my Father are one." [KJV]

John 10:30 I and the Father are one heart and mind [ MSG]

John 10:30: "ἐγὼ καὶ ὁ Πατὴρ ἕν ἐσμεν.”"

☑ గ్రీక్ : εἷς - heis - hice ≈ G1520

☑ ఇంగ్లీష్ : One, One heart and mind

☑ తెలుగు :  ఏకమై యున్నామని

 🔍కీలకమైన విషయాలు 📖 

🍂 మన దేవుడైన యెహోవా ≈ అనాది (సృష్టికి ముందే) నుండి ఉన్నారని. - (యెషయా. 40:28; కీర్తనలు. 90:1-2).

🍃 మన ప్రభువైన యేసుక్రీస్తు ≈ అనాది(సృష్టికి ముందే) నుండి ఉన్నారని. - (యోహాను. 17:5; 1 పేతురు. 1:18-20).

🍂 ఇరువురు సృష్టి నిర్మాణములో ఉన్నారని. - (ఆది.కాం. 1:1; యెషయా. 45:18; కొలస్సి. 1:15-17; హెబ్రీ. 1:2,10).

🍃 నరుని నిర్మాణములో ఇరువురు ఉన్నారని - (ఆది.కాం. 1:27; మార్కు. 10:6; 1 కోరింది. 8:6b).

🍂 ఇరువురు ఆది(సృష్టి అనంతరం) నుండి ఉన్నారని. - (యోహాను. 1:2-3).

అనాది కాలము నుండి ఇరువురు ఉన్నారు అనేది బైబిల్ ఇచ్చు సమాచారం. ఐనప్పటికి "ఏకమైయన్నారు" అంటే ఇద్దరూ ఒక్కడే/ఒక్క వ్యక్తే అని ఎలా అనుకోగలం? ఇంతకు ఏకమైయున్నారు అంటే ఏంటి? యేసు మాటలు బట్టి ఇరువురు ఏ విషయములో ఏకమైయున్నారు? అనే విషయాలు ఆలోచన చేయుటకు ప్రయత్నం చేద్దాం.

📖 ఏకమైయున్నాము అంటే ఒక్కటైయున్నాము అని అర్థమే కానీ ఒక్కడైయున్నాము అని కాదు. "యున్నాము" అనే మాటలో బహువచనం కనపడలేదా? ఇంతకు "ఏకమై/ఒక్కటైయున్నాము" అంటే దేవత్వపు ఏకత్వమే కానీ వ్యక్తిత్వపు ఏకత్వము కానేకాదు. యేసు ప్రభువు యోహాను 10:30లో దేవత్వపు ఏకత్వమనే భావనతో చెప్పెను గాని వ్యక్తిత్వపు ఏకత్వము భావనతో కాదు. తొందరపడకు అది ఎలాగునో చూద్దాం. 

 👤 వ్యక్తిత్వపు ఏకత్వము :

వ్యక్తిత్వపు ఏకత్వము అంటే తండ్రీ, నేను(యేసు) ఒక్కరే/ఒక్కడే అని అర్థం. (లేదా) నేనే తండ్రిని, ఆ తండ్రే నేను అని అర్థమిచ్చును కదా. 

యేసుక్రీస్తు మనకు తండ్రి కాదు. మనకు ప్రభువు ఒక్కడే; ఆయన యేసుక్రీస్తు; ఆయనద్వారా సమస్తమును కలిగెను; మనము ఆయనద్వారా కలిగినవారము.(1కోరింది. 8:6). యేసు ప్రభువని నీ నోటితో ఒప్పుకొని, దేవుడు(తండ్రి) మృతులలోనుండి ఆయనను లేపెనని నీ హృదయమందు విశ్వసించినయెడల, నీవు రక్షింపబడుదువు.(రోమా 10:9). 

మనకు తండ్రి ఎవరు? యేసు మాటల్లో ఎవరు యేసునకు తండ్రో ఆయనే మనకు తండ్రి. "... నా తండ్రియు మీ తండ్రియు, నా దేవుడును మీ దేవుడునైన వాని యొద్దకు..." (యోహాను. 20:17) యేసు ఈ లోకములో "నా తండ్రి" అని పలికే సందర్భాలు అనేక కలవు. "మేము ఇద్దరమూ" అనే విషయాన్ని స్పష్టముగా చూడగలం. (యోహాను. 8:14-17cf వాక్యం చదువుము) కావున ఒక్కడై ఏకమైయుండలేదు. వారు ఇరువురు దేవత్వం  విషయములో ఒక్కటై ఇద్దరు వ్యక్తులైయున్నారు. 

💢ఉదాహరణకు : ఒక క్రైస్తవుడు, నాలో క్రీస్తు ప్రభువు ఉన్నారు అని ఎలాగైతే వ్యక్తపరుస్తాడో అలాగే క్రీస్తు ప్రభువు కూడా తనలో తండ్రి ఉన్నారని (ఎఫెసి. 3:15; గలతీ. 2:20) తన మాటల్లో చాలా ఖచ్చితంగా తేల్చి చెప్పేశాడు. (యోహాను. 8:16). "యేసు-ఒకడు నన్ను ప్రేమించినయెడల వాడు నా మాట గైకొనును, అప్పుడు నా తండ్రి వానిని ప్రేమించును, మేము వాని యొద్దకువచ్చి వానియొద్ద నివాసము చేతుము." (యోహాను. 14:23). కాబట్టి వ్యక్తులుగా వారు ఒక్క వ్యక్తిగా లేరు. వారు ఇద్దరే కానీ తత్వము విషయంలో ఒక్కటైయున్నారు. యోహాను. 10:30వ వ్యక్తిత్వపు ఏకత్వము గూర్చి చెప్పుట లేదని గుర్తించుకో..

 👥 దేవత్వపు ఏకత్వము :

దేవత్వపు ఏకత్వము అంటే వారి తత్వము యొక్క ఏకత్వమని, వారి చిత్తము యొక్క ఏకత్వమని, వారి సంకల్పము యొక్క ఏకత్వమని, వారి విమోచన యొక్క ఏకత్వమని అర్థం. ఇదే విషయాన్ని యేసు(నేను) తండ్రియును ఏకమై యున్నామని చెప్పెను కదా.౹"

యోహాను. 10:30వ ఏకమైయున్నాము అనే భావన యేసు మరియు  దేవుడు ఒకే ఒక దేవత్వము విషయములో ఏకమౌతారని(ఒక్కటై ఉంటారని) వివరిస్తుంది కానీ వ్యక్తిత్వపు ఏకత్వము గూర్చి కానేకాదు. మరింత వివరణ కోసం దేవత్వము మరియు యేసు దేవత్వము అనే రెండు అంశములను పూర్తిగా చదవగలరు.

 💥 ఒక్క వ్యక్తే ≈ ఇద్దరు కాదు అనే భావన?

ఇంకను ఏకమైయన్నారు అంటే ఒక్క వ్యక్తే, ఇద్దరుగా లేరు/కాదు, ఒక్కడైయున్నారని కాదు అనే అపోహ నీవు కలిగి ఉంటే... ఇట్టివి బైబిల్ కు వ్యతిరేకమైన ఆలోచనలు, బోధలు కాబట్టి నీవు సరి చేసుకొనుటకు ఈ క్రింది విషయాలను ఆలోచన చేయుము. 

１. ఆదిలో దేవుడే ఆదాము మరియు హవ్వకి వివాహం చేసి వారిరువురును (స్త్రీ, పురుషులను) ఏకశరీరము చేయు విషయములో దేవుడు పలికిన మాట.

(ఆది.కాం. 2:24): "కాబట్టి పురుషుడు తన తండ్రిని తన తల్లిని విడిచి తన భార్యను హత్తుకొనును; వారు ఏక శరీరమైయుందురు."

(ఎపేసి. 5:31): "ఈ హేతువుచేత పురుషుడు తన తండ్రిని తల్లిని విడిచి తన భార్యను హత్తుకొనును; వారిద్దరును ఏకశరీరమగుదురు.౹"

ఇది దేవుడు జత చేసిన ఏకత్వము. ఏకత్వమునకు ఏ మనుషుడు అర్ధం చెప్పనక్కరలేదు. ఒక స్త్రీ శరీరమును, ఒక పురుషుని శరీరమును వివాహం అను బంధము ద్వారా వారిద్దరును ఏక శరీరముగా చేయునది దేవుడే. ఇక్కడ ఏకము అంటే ఇద్దరిని ఒక్కడైయున్నారు/ఒక్కడే అని అనగలమా? దేవుని చేత ఏక శరీరము కాబడిన మా ఇద్దరిలో నన్ను త్రుణికరించువారు నా భార్యను కూడా త్రుణికరించువారు అగుదురు కదా!! ఆలోచించుకో. 

２. గెత్సేమనే తోటలో యేసు చేసిన ప్రార్థనలో యేసు మరియు తండ్రి మధ్య ఉన్న ఏకత్వం (oneness) మరియు శిష్యులు మరియు తండ్రి మరియు యేసు మధ్య ఉన్న ఏకత్వం గురించి. 

(యోహాను. 17:11,20-22(: "నేనికను లోకములో ఉండను గాని వీరు లోకములో ఉన్నారు; నేను నీయొద్దకు వచ్చుచున్నాను. పరిశుద్ధుడవైన తండ్రీ, మనము ఏకమై యున్నలాగునవారును ఏకమై యుండునట్లు నీవు నాకు అనుగ్రహించిన నీ నామమందు వారిని కాపాడుము.౹ … మరియు నీవు నన్ను పంపితివని లోకము నమ్మునట్లు, తండ్రీ, నాయందు నీవును నీయందు నేనును ఉన్నలాగున, వారును మనయందు ఏకమైయుండవలెనని వారికొరకు మాత్రము నేను ప్రార్థించుటలేదు; వారి వాక్యమువలన నాయందు విశ్వాసముంచువారందరును ఏకమైయుండ వలెనని వారికొరకును ప్రార్థించుచున్నాను.౹ మనము ఏకమై యున్నలాగున, వారును ఏకమై యుండవలెనని నీవు నాకు అనుగ్రహించిన మహిమను నేను వారికి ఇచ్చితిని.౹"  ఇది సంకల్పము యొక్క ఏకత్వము.

☑ నీవు(తండ్రి) నన్ను(యేసును) పంపితివని లోకము నమ్మునట్లు...

☑ తండ్రీ... మనము ఏకమై యున్నలాగున(20,22వ)

☑ ...వారును(అపోస్తలలు) మనమందు ఏకమైయుండవలెనని...(22వ)

☑ వారి(అపోస్తలలు) వాక్యమువలన నాయందు విశ్వాసముంచువారందరును(క్రైస్తవ సమాజం) ఏకమైయుండ వలెనని...(21వ)

ఏకమైయుండవలెనని అంటే ఒక్కడే/ ఒక్కరే అనే భావన ఇంకా ఉంటే వీటిని ఎలా వక్రీకరించుటకు పూనుకొంటావో నీ ఇష్టం.

📢 సారాంశం :

ఓ చదువరి... యోహాను 10:30 వచనం అనేది తండ్రి మరియు యేసు ఇరువురు ఉన్నారని, వారు దేవత్వములోని, చిత్తములోని, విమోచన విషయములోని ఒక్కటై యున్నారని..., ఒక్కడై లేరని  విషయాన్ని గుర్తించుము. బైబిల్ త్రిత్వము, త్రియేక దేవుడు అనే బోధలను సమర్థించదు.

తండ్రిని మరియు(and) కుమారుని ఒప్పుకొనని వీడే క్రీస్తువిరోధి.౹" (యోహాను. 2:22)

మీ ఆత్మీయులు.. 👪

WhatsApp ^{Join Us}   Telegram ^{Join Us}

యేసుక్రీస్తు యొక్క దేవత్వము(The Divinity of Jesus Christ)

 యేసుక్రీస్తు యొక్క దేవత్వము

మన ప్రభువైన యేసుక్రీస్తు నామములో మీకు వందనములు 🙏🏿

➺ తెలుగు ≈  దేవత్వము (లేదా) దైవత్వము

➺ Greek ≈ theotēs, (G2320); theiotēs, (G2305) 

➺ English ≈ Godhead, divinity, God, deity

🔘 దేవత్వము ^{Click Here} అనగా  దేవుని స్వభావము, దేవుని తత్వము, దేవుని యొక్క గుణ లక్షణాల సముదాయమని అర్థం.

ఈ లోకములో తరుచుగా వాడబడే పదాలు క్రూరత్వము, మృదుత్వము, దృఢత్వము, మానవత్వము మొదలైనవి . తత్వము  స్వభావము(Nature) అని అర్థం.

✍ మనకు దేవుడొక్కడే ఆయనే తండ్రి/యెహోవా /పరమదేవుడు. ఆ దేవుని యొక్క తత్వము (స్వభావము) దేవత్వము. ఈయన అదృశ్యుడు అనగా కంటికి అగోచరుడు) కంటికి కనబడని వాడు.

"సకల యుగములలో రాజైయుండి, అక్షయుడును అదృశ్యుడునగు అద్వితీయ దేవునికి ఘనతయు మహిమయు యుగయుగములు కలుగును గాక. ఆమేన్. … "సమీపింపరాని తేజస్సులో ఆయన మాత్రమే వసించుచు అమరత్వముగలవాడైయున్నాడు. మనుష్యులలో ఎవడును ఆయనను చూడలేదు, ఎవడును చూడనేరడు; ఆయనకు ఘనతయు శాశ్వతమైన ప్రభావమును కలిగియుండును గాక. ఆమేన్." (1 తిమోతి. 1:17; 6:16); "ఎవడును ఎప్పుడైనను దేవుని చూడలేదు. ...(యోహాను. 1:18). ... ''మీరు ఏ కాలమందైనను ఆయన స్వరము వినలేదు; ఆయన స్వరూపము చూడలేదు.౹" (యోహాను. 5:37). "ఏ మానవుడును దేవుని ఎప్పుడును చూచియుండ లేదు;  (1యోహాను. 4:12).

✍ దేవత్వము అనేది ఆ అదృశ్య దేవుని(యెహోవా) యొక్క అదృశ్య లక్షణమైయుంది. "ఆయన అదృశ్యలక్షణములు, అనగా ఆయన నిత్యశక్తియు దేవత్వమును, జగదుత్పత్తి మొదలుకొని సృష్టింపబడిన వస్తువులను ఆలోచించుటవలన తేటపడుచున్నవి గనుక వారు నిరుత్తరులై యున్నారు.౹" (రోమా. 1:20).

☀ పైన పేర్కొన్న వాటిని బట్టి ఆ అదృశ్యడైన యెహోవా దేవున్ని ఎవరైననూ ఎప్పుడైననూ  చూసెనా? [ లేదు కదా ] మరి ప్రభువైన యేసు ఆ అదృశయదేవుని గూర్చి ఏమి చెప్తున్నాడో ఆయన మాటల్లోనే చూద్దాం ...

• "నన్ను చూచువాడు నన్ను పంపినవానినే చూచుచున్నాడు.౹" (యోహాను. 12:45)

• "అప్పుడు ఫిలిప్పు– ప్రభువా, తండ్రిని మాకు కనబరచుము, మాకంతే చాలునని ఆయనతో చెప్పగా౹ యేసు– ఫిలిప్పూ, నేనింతకాలము మీ యొద్ద ఉండినను నీవు నన్ను ఎరుగవా? నన్ను చూచినవాడు తండ్రిని చూచియున్నాడు గనుక తండ్రిని మాకు కనుపరచుమని యేల చెప్పుచున్నావు?౹" (యోహాను. 14:8-9) 

ఫిలిప్పు అడిగిన ప్రశ్నకు యేసు ఇచ్చే సమాధానం "నన్ను చూచినవాడు తండ్రిని చూచినట్టే" అనే ఈ వచనములో  తండ్రి ఏలాంటి తత్వము గలవారో తాను కూడా అలాంటి తత్వము (దేవత్వము/దైవ స్వభావం) గలవాడని మన ప్రభువైన యేసుక్రీస్తు చాలా స్పష్టంగా చెపుతున్నారు. "తండ్రియందు నేనును నాయందు తండ్రియు ఉన్నామని నీవు నమ్ముటలేదా? నేను మీతో చెప్పుచున్న మాటలు నా యంతట నేనే చెప్పుట లేదు, తండ్రి నాయందు నివసించుచు తన క్రియలుచేయుచున్నాడు.౹" (యోహాను. 14:10) ఈ లేఖానాలు బట్టి తండ్రి మరియు యేసు ఒకేలాంటి తత్వము(దేవత్వము) గలవారని ఓ చదువరి... నీకు తోచుట లేదా!?

అయినప్పటికీ ఇంకా తమ సొంత ఊహలను పరిశుద్ధ గ్రంధానికి ఆపాదించి అపవాది యొక్క  కాడి మోస్తూ "క్రీస్తు యొక్క దేవత్వము" పై బురద జల్లేవాళ్లు నేటికి లేకపోలేదు. ఇటువంటి క్రీస్తు విరోధులు నేటి నుండి కాదు ఆది నుండి ఉన్నారనేది గ్రంథము ఇచ్చు సమాచారమైయుంది. క్రీస్తు దేవత్వము మీద దాడి చేస్తే క్రైస్తవ్యం నాశనం చేయచ్చు, వారిలో గలిబిలి సృష్టింపవచ్చు అనే ఆ దౌర్భాగ్యుని (దుష్టుని ) ఆలోచనలకు కొందరు పడిపోయి నేటి వరకు విషం కక్కుతూనేవున్నారు. ఇది ఇప్పుడు మొదలైంది కాదు ఆది నుండే ప్రారంభమైంది. కావున  క్రీస్తుకు తన దేవుని తత్వము లేదు అనగా క్రీస్తునకు దేవత్వము లేదు అనేవారికి లేఖనాలు ఆధారముగా సమాధానముగా ఇచ్చుటకై ఈ అంశము యొక్క ముఖ్య ఉద్దేశ్యమైయుంది. 

☀ ప్రభువైన యేసుక్రీస్తు , అపవాది ఆగర్భ శత్రువులే. వారిమధ్య ఈ శత్రుత్వమును ఏర్పాటు చేసినవాడు  తండ్రియైన దేవుడే(యెహోవాయే).

"మరియు నీకును స్త్రీకిని నీ సంతానమునకును ఆమె సంతానమునకును వైరము కలుగజేసెదను. అది (స్త్రీ సంతానము) నిన్ను తలమీద కొట్టును; నీవు దానిని మడిమెమీద కొట్టుదువని చెప్పెను.౹" (ఆది. కాం. 3:15) 

☀ ఆదిలో మనుష్య జాతిని మోసగించడములోను( ఆది.కాం. 3:13; 1 తిమోతి. 2:14), దైవాజ్ఞను అతిక్రమించుటలో ఏదో విజయం సాధించానని ఉర్రూతలు ఊగుతున్న అపవాది  యొక్క క్రియలను శాశ్వతంగా లయపరచడానికే వాడికి మరియు క్రీస్తునకు మధ్య విరోధాన్ని యెహోవాయే ప్రతిపాదించాడు. "అపవాది మొదటనుండి పాపము చేయుచున్నాడు గనుక పాపముచేయు వాడు అపవాది సంబంధి; అపవాది యొక్క క్రియలను లయపరచుటకే దేవుని కుమారుడు ప్రత్యక్షమాయెను.౹" (1 యోహాను. 3:8)

☀ యెహోవా దేవుడు ఏర్పాటు చేసిన ఆ వైరము(ఆది.కాం. 3:15) యేసునకు మరియు అపవాది మధ్య మాత్రమే కాక వారి ఇరు వర్గాలు వారికి కూడా ఆది నుండే విస్తరించినందున ఇది ఆనాటి  నుండి నేటి వరకు సజీవముగానే ఉంది. 

క్రీస్తు దేవత్వము మీద దాడి చేస్తున్న క్రీస్తు విరోధులలో ప్రధానమైన వారు 

𒐕 యూదా మత నాయకులు (30 AD)

𒐖 గ్రీకు తత్వ శాస్త్రం లేదా గ్రీకు తత్త్వవేత్తలు ( 58 - 99 AD)

𒐗 నేటి క్రీస్తు విరోధులు (AD 99 నుండి ...  )

𒐕 యూదా మత నాయకులు : 

మన ప్రభువైన యేసుక్రీస్తు శరీరధారియైయున్న దినములలో అపవాది  ఆయన్ను శోధించినప్పటికీ వాడి మాటలను, లేఖనాల ఆధారముగా  వాడికే మరల తిప్పి కొట్టడంతో ఆ దౌర్భాగ్యుడు ఓటమిని అంగీకరించి ఆయన్ను విడిచిపోయాడు(మత్తయి. 4:1-11cf) 

ఆ తరువాత అపవాది తన ఆయుధములు ధరించి(మత్తయి. 12:29; లూకా. 11:20-22cf) తన అనుచరులైన యూదా మతనాయకులను యుద్ధ రంగమునకు సిద్ధపరిచి యేసు చేసిన  బోధ పైన దాడి చేయించాడు. అదేమనగా... మొట్టమొదటగా, యూదా మత నాయకులతో యేసు ముఖాముఖిగా సంభాషించినప్పుడు(యోహాను.8:31-47cf) ఇలా అన్నారు., "మీరు అబ్రాహాము సంతానమని నాకు తెలియును; అయినను మీలో నా వాక్యమునకు చోటులేదు గనుక నన్ను చంప వెదకుచున్నారు.౹"(37వ) "దేవునివలన వినిన సత్యము మీతో చెప్పినవాడనైన నన్ను మీరిప్పుడు చంప వెదకుచున్నారే;..(40వ) అంటూ వారిని  ఇలా సంభోదించారు - "మీరు మీ తండ్రియగు అపవాది సంబంధులు; మీ తండ్రి దురాశలు నెరవేర్చ గోరుచున్నారు. ఆదినుండి వాడు నరహంతకుడైయుండి సత్యమందు నిలిచినవాడు కాడు; వానియందు సత్యమేలేదు; వాడు అబద్ధమాడునప్పుడు తన స్వభావము అనుసరించియే మాటలాడును; వాడు అబద్ధికుడును అబద్ధమునకు జనకుడునై యున్నాడు.౹" (యోహాను. 8:44). 

ఈ విధంగా  తన బోధ మీద తిరుగుబాటు చేసిన వారి నోళ్లు మూయించి  సవాలు  విసిరారు - "నేను సత్యమునే చెప్పుచున్నాను గనుక మీరు నన్ను నమ్మరు.౹ నాయందు పాపమున్నదని మీలో ఎవడు సాప్థిచును? నేను సత్యము చెప్పుచున్నయెడల మీరెందుకు నన్ను నమ్మరు?౹"(యోహాను. 8:45-46) చివరికి క్రీస్తు విరోధులు ఆయన్ని జయించలేక నిష్క్రమించారు.

చివరికి ఆయన బోధ మీద దాడి చేస్తే ఎటువంటి ప్రయోజనం లేకపోలేదని గుర్తించిన క్రీస్తు విరోధులు ఈసారి ఆయన వ్యక్తిత్వం మీద అనగా ఆయన దైవత్వము మీద కూడా దాడి చేశారు. అది ఎలాగునో చూద్దాం. (యోహాను. 10:22:33 చూడుము).

"ఆలయ ప్రతిష్ఠితపండుగ యెరూషలేములో జరుగుచుండెను.౹ అది శీతకాలము. అప్పుడు యేసు దేవాలయములో సొలొమోను మంటపమున తిరుగుచుండగా౹ యూదులు ఆయనచుట్టు పోగై– ఎంతకాలము మమ్మును సందేహపెట్టుదువు? నీవు క్రీస్తువైతే మాతో స్పష్టముగా చెప్పుమనిరి.౹ అందుకు యేసు– మీతో చెప్పితిని గాని మీరు నమ్మరు, నేను నా తండ్రి నామమందు చేయుచున్న క్రియలు నన్నుగూర్చి సాక్ష్యమిచ్చుచున్నవి.౹ అయితే మీరు నా గొఱ్ఱెలలోచేరినవారుకారు గనుక మీరు నమ్మరు.౹ నా గొఱ్ఱెలు నా స్వరము వినును, నేను వాటి నెరుగుదును, అవి నన్ను వెంబడించును.౹ నేను వాటికి నిత్యజీవము నిచ్చుచున్నాను గనుక అవి ఎన్నటికిని నశింపవు, ఎవడును వాటిని నా చేతిలోనుండి అపహరింపడు.౹ వాటిని నాకిచ్చిన నా తండ్రి అందరికంటె గొప్పవాడు గనుక నా తండ్రి చేతిలోనుండి యెవడును వాటిని అపహరింపలేడు;౹ నేనును తండ్రియును ఏకమై యున్నామని వారితో చెప్పెను.౹ యూదులు ఆయనను కొట్టవలెనని మరల రాళ్లుచేతపట్టుకొనగా౹ యేసు— తండ్రి యొద్దనుండి అనేకమైన మంచి క్రియలను మీకు చూపితిని; వాటిలో ఏ క్రియ నిమిత్తము నన్ను రాళ్లతో కొట్టుదురని వారినడిగెను.౹ అందుకు యూదులు– నీవు మనుష్యుడవై యుండి దేవుడనని చెప్పుకొనుచున్నావు గనుక దేవదూషణ చేసినందుకే నిన్ను రాళ్లతో కొట్టుదుము గాని మంచి క్రియ చేసినందుకు కాదని ఆయనతో చెప్పిరి.౹" (యోహాను. 10:22-33).

☀ నేనును తండ్రియును ఏకమై యున్నామని(30వ)

ఏకమై యున్నాము అంటే దేవత్వపు ఏకత్వమే కానీ వ్యక్తిత్వపు ఏకత్వము కానేకాదు. 

🔎 వ్యక్తిత్వపు ఏకత్వము అంటే 👇🏿

తండ్రీ, నేను ఒక్కరే/ఒక్కడే అని అర్థం. (లేదా) నేనే తండ్రిని, ఆ తండ్రే నేను అని అర్థమిచ్చును కదా. యేసు ప్రభువు మనకు తండ్రి కాదు. అయన మాటల్లో ఎవరు ఆయనకు తండ్రో ఆయనే మనకు తండ్రి.(యోహాను. 20:17cf) ఈ లోకములో నా తండ్రి, తండ్రీ అని పలికే సందర్భాలు కలవు. 

యోహాను. 17:20-22 లో "మరియు నీవు నన్ను పంపితివని లోకము నమ్మునట్లు, తండ్రీ, నాయందు నీవును నీయందు నేనును ఉన్నలాగున, వారును మనయందు ఏకమైయుండవలెనని వారికొరకు మాత్రము నేను ప్రార్థించుటలేదు; వారి వాక్యమువలన నాయందు విశ్వాసముంచువారందరును ఏకమైయుండ వలెనని వారికొరకును ప్రార్థించుచున్నాను.౹ మనము ఏకమై యున్నలాగున, వారును ఏకమై యుండవలెనని నీవు నాకు అనుగ్రహించిన మహిమను నేను వారికి ఇచ్చితిని.౹" ఇది సంకల్పము యొక్క ఏకత్వము. 

మన ప్రభువైన యేసు మాటల్లో "మేము ఇద్దరమూ" అనే విషయాన్ని స్పష్టముగా చూడగలం.(యోహాను. 8:14-17cf) కావున వ్యక్తులుగా ఏకమైయుండలేదు. ఉదాహరణకు ఒక క్రైస్తవుడు, నాలో క్రీస్తు ప్రభువు  ఉన్నారు అని ఎలాగైతే వ్యక్తపరుస్తాడో అలాగే క్రీస్తు ప్రభువు కూడా తనలో తండ్రి ఉన్నారని (ఎఫెసి. 3:15; గలతీ. 2:20) తన మాటల్లో చాలా ఖచ్చితంగా తేల్చి చెప్పేశాడు. (యోహాను. 8:16). "యేసు-ఒకడు నన్ను ప్రేమించినయెడల వాడు నా మాట గైకొనును, అప్పుడు నా తండ్రి వానిని ప్రేమించును, మేము వాని యొద్దకువచ్చి వానియొద్ద నివాసము చేతుము.౹" (యోహాను. 14:23). కాబట్టి వ్యక్తులుగా వారు ఇద్దరు కానీ తత్వము విషయంలో ఒక్కటై యున్నారు.

🔎 దేవత్వపు ఏకత్వము అంటే👇🏿 

తత్వము యొక్క ఏకత్వమని, చిత్తము యొక్క ఏకత్వమని, సంకల్పము యొక్క ఏకత్వమని, విమోచన యొక్క ఏకత్వమని అర్థం.

"నేనును తండ్రియును ఏకమై యున్నామని వారితో చెప్పెను.౹"(యోహాను. 10:30). ఇది దేవత్వపు ఏకత్వమే. దీనికి క్రీస్తు విరోధులు జీర్ణించుకోలేక, ఆయనను కొట్టవలెనని రాళ్లతో కొట్టబోయారు. ఏ మంచి క్రియ నిమిత్తము నన్ను రాళ్లతో కొట్టుదురని ప్రశ్నించగా వారు, "...నీవు మనుష్యుడవై యుండి దేవుడనని చెప్పుకొనుచున్నావు గనుక దేవదూషణ చేసినందుకే నిన్ను రాళ్లతో కొట్టుదుము...౹" అని వారు చెప్పెను. (యోహాను. 10:31-33cf) కాబట్టి యూదా మత నాయకులు యేసు దేవుడనే విషయాన్ని, తన దేవుని తత్వము(దేవత్వము) గలవాడని అంగీకరించలేరన్నమాట!!

𒐖 గ్రీకు తత్వశాస్త్రం లేదా గ్రీకు తత్త్వవేత్తలు :

"మానవజాతి యావత్తు కొరకు దేవుడు నిశ్చయించిన సంకల్పమును ఆయన భవిష్యద్ జ్ఞానమును అనుసరించి కల్వరిగిరిలో అప్పగించిన యేసును క్రీస్తు విరోధులు సిలువ వేసి, చంపి, సమాధిలో పెట్టినప్పటికి పరమాదేవుడు ఆయనను లేపి అపవాదికు మరియు వాడి అనుచరులకు క్రీస్తు మరణం ద్వారా ఓటమి అనుగ్రహించెను. పిమ్మట.., యెరూషలేములో పెంతుకోస్తు పండుగ దినమున మారుమనస్సు కలిగి, పాప క్షమాపణ కొరకు, బాప్తిస్మము పొందిన ఆ 3000 మందితో  క్రీస్తు సంఘము(church of Christ) ప్రారంభమైనది(అపో. కార్య. 2 అధ్యా. చదువుము). నానాటికీ అనేకమంది ప్రభువు వాక్యం విని అయన పక్షమున చేర్చబడే (అపో. 2:47; 4:4; 5:14; 6:1,7; 8:4,12-15; 10:47-48; 11:1,24; 13:48; 14:1,21-22; 16:30-33; 17:3-4,12,34; 18:8; 19:1-4,18; 20:20-21; 21:17-20) ఈ కార్యక్రమాన్ని అపవాది చూసి ఓర్వలేక, జీర్ణించుకోలేక క్రీస్తు దేవత్వముపై మరొక్క రూపములో మోసగించి, బురద జల్లుటకు ఒక తెగను ఎంచుకున్నాడు. వారే ఈ గ్రీకు తత్త్వవేత్తలు లేదా గ్రీక్ ఫిలాసఫర్. 

     

క్రీస్తు విరోధులలో ప్రధానమైన వారు వీళ్లే. వీళ్లు అనుసరించే వాదం జ్ఞానతత్వవాదం(Gnosticism) ^{coming soon} . ఇది ఒక తత్వశాస్త్రం. అపోస్తలుడైన పౌలు గారు ఈ గ్రీక్ తత్వశాస్త్రమును "మోసకరమైన నిరర్థక తత్వజ్ఞానము" అని పేర్కొన్నారు.(కొలొస్సీ. 2:8) సుమారు క్రీ.శ. 58 కాలములో లవొదికయ, కొలొస్సీ ప్రాంతాల్లో  కొలొస్సీ క్రీస్తు సంఘము సువార్తికుడిగా పని చేసిన ఎపఫ్రా తాను ఎదుర్కొంటున్న ఈ క్రీస్తు విరోధుల బోధను వినిన అపో. పౌలు గారు దానికి పరిష్కారంగా ఈ కొలొస్సీ పత్రిక వ్రాయుటకు గల ముఖ్య ఉద్దేశ్యమైయుంది. 

ఈ తత్వశాస్త్రములో మూడు రకాలైన తత్వములు కలవు. 

1). యూదా మత శాసనాలు

2). గ్రీకు తత్వశాస్త్రం

3). తూపు దేశపు సంబంధమైన గూఢత్వము

ఈ  పై ⇮ మూడు కలయిక ప్రకారంగా ⇩ మరొక్క తత్వశాస్త్రం కలిగింది. 

1 ). శరీరములో దేవత్వము అనేది అసాధ్యం, శరీరమునకు పునరుద్ధానం లేదు. కావున  "నరావతారం నమ్మశ్యం కాదు"

2). సద్గుణము కంటే జ్ఞానము గొప్పదని

3). లోకములో చెడు అనేది ఉంది కాబట్టి దేవుడు మాత్రమే సృష్టికర్త కానక్కర్లేదు.

4). లేఖనాలకు అక్షరముల యంతరార్థము కాని దాని భావము సరైనది అది కొందరికి మాత్రమే అర్థం అవ్వచ్చు.

Source : "రైనీ స్టడీ బైబిల్" - న్యూ అమెరికన్ స్టాండర్డ్ బైబిల్ 1995 - చార్లెస్ కాల్డ్‌వెల్ రైనీ Dh.D., Ph.D. - మూడీ ప్రెస్, చికాగో.

ఇదే నేటి  క్రీస్తు విరోధులు నమ్మేది అనగా క్రీస్తునకు దేవత్వము లేదు అనే బోధను ప్రకటన చేసే క్రీస్తు విరోధుల యొక్క విశ్వాసము. ఇది ఈ   జ్ఞానతత్వవాదులు యొక్క పునాదులపై స్థాపించబడిన బోధయైయుంది. ఇటువంటి అబద్ధపు బోధను వ్యతిరేకించడానికి అపోస్తలుడైన పౌలు గారు ఇలా అన్నారు.

"ఆయనను అనుసరింపక మనుష్యుల పారంపర్యాచారమును, అనగా ఈ లోకసంబంధమైన మూలపాఠములను అనుసరించి మోసకరమైన నిరర్థక తత్వజ్ఞానముచేత మిమ్మును చెరపట్టుకొని పోవువాడెవడైన ఉండునేమో అని జాగ్రత్తగా ఉండుడి.౹ ఏలయనగా దేవత్వముయొక్క సర్వపరిపూర్ణత శరీరముగా క్రీస్తునందు నివసించు చున్నది;౹" (కొలొస్సీ. 2:8-9)

🔎 దేవత్వములో ఎలాంటి పరిపూర్ణత ఉందో అది అంతయు క్రీస్తు శరీరమునందు నివాసం చేస్తుంది.

🔎 ఈ వచనములో "శరీరముగా" అనే పదము పట్టుకొని "సంఘముగా" అనే భావన ఉంటే ≈ క్రీస్తు శరీరములో లేనిది క్రీస్తు సంఘములో ఎలా ఉంటుంది? క్రీస్తు సంఘములో ఉండేది తన శరీరములో ఉండదని ఎలా అనగలము? నీకు శిరస్సు క్రీస్తు అయ్యుంటే , నీవు క్రీస్తు శరీరము 'లో' (క్రీస్తు సంఘము) అవయమైతే  క్రీస్తు దేవత్వము పై దాడి చేయుటకు భయపడతావు.

🔎 నరావతరం నమ్మశఖ్యం  కాదు(Incarnation is incredible) అనే జ్ఞానతత్వవాదుల నోళ్లు మూయించడానికే పరిశుద్ధాత్ముడే అపోస్తులుడైన పౌలు గారు ద్వారా కొలొస్సీ. 2:9 వచనం వ్రాయించాడు.

క్రీ.శ. 70 సం. తరువాత ఎఫెసులో అపోస్తులుడైన యోహాను గారు కూడా నరావతరం నమ్మశఖ్యం కాదు అనే మోసకరమైన నిరర్థక తత్వశాస్త్రమును ఎదుర్కొన్నారని,  అటువంటి వారిని హెచ్చరించుటకు, ఖడించుటకు,  1వ యోహాను పత్రికను ఇందు నిమిత్తమే వ్రాసియున్నారని తెలుసుకోగలం. వారిని గూర్చి తన పత్రికలో "లోక సంబంధులని", "అబద్ధ ప్రవక్తలని", "క్రీస్తు విరోధులు" అని నామకరణం చేశాడు.

"చిన్నపిల్లలారా, యిది కడవరి గడియ. క్రీస్తు విరోధి వచ్చునని వింటిరి గదా ఇప్పుడును అనేకులైన క్రీస్తు విరోధులు బయలుదేరియున్నారు; ఇది కడవరి గడియ అని దీనిచేత తెలిసికొనుచున్నాము.౹ వారు మనలోనుండి బయలువెళ్లిరి గాని వారు మన సంబంధులు కారు; వారు మన సంబంధులైతే మనతోకూడ నిలిచియుందురు; అయితే వారందరు మన సంబంధులు కారని ప్రత్యక్ష పరచబడునట్లువారు బయలువెళ్లిరి.౹ … యేసు, క్రీస్తు కాడని చెప్పువాడు తప్ప ఎవడబద్ధికుడు? తండ్రిని కుమారుని ఒప్పుకొనని వీడే క్రీస్తువిరోధి.౹" (1 యోహాను. 2:18-19,22)  "ప్రియులారా, అనేకులైన అబద్ధ ప్రవక్తలు లోకములోనికి బయలు వెళ్లియున్నారు గనుక ప్రతి ఆత్మను నమ్మక, ఆయా ఆత్మలు దేవుని సంబంధమైనవో కావో పరీక్షించుడి.౹ యేసుక్రీస్తు శరీరధారియై వచ్చెనని, యే ఆత్మ ఒప్పుకొనునో అది దేవుని సంబంధమైనది; యే ఆత్మ యేసును ఒప్పుకొనదో అది దేవుని సంబంధమైనది కాదు; దీనినిబట్టియే దేవుని ఆత్మ ను మీరెరుగుదురు. క్రీస్తువిరోధి ఆత్మ వచ్చునని మీరు వినినసంగతి ఇదే; యిదివరకే అది లోకములో ఉన్నది.౹ చిన్నపిల్లలారా, మీరు దేవుని సంబంధులు; మీలో ఉన్నవాడు లోకములో ఉన్నవాని కంటె గొప్పవాడు గనుక మీరు వారిని జయించియున్నారు.౹" (1 యోహాను. 4:1-4)

𒐗 నేటి క్రీస్తు విరోధులు (AD 99 నుండి ...  )

నేడు కొందరు తాము  క్రైస్తవులమే/క్రీస్తు సంఘమే అనుకుంటూ యేసుక్రీస్తు యొక్క దేవత్వము పైన నేటికీ కూడా బురద జల్లేవాళ్లు వున్నారు . ఇటువంటి వారిని క్రీస్తు విరోధులని మరియు అబద్ధికులని అనవచ్చు. (1 యోహాను. 4:1-4) వారి బోధలు ఏమనగా.., యేసుకు దేవత్వము లేదని, యేసు కేవలం నరుడు మాత్రమేనని, నరావతారం నమ్మశఖ్యం  కాదని, అనాదిలో యేసు లేరని, తండ్రి ఆలోచనల్లో మాత్రమే ఉన్నారని, యేసు మనుగడ బెత్లెహేములో మాత్రమే ప్రారంభమైందని,..etc ఇలాంటివి  మరెన్నో ప్రకటిస్తూ తమ స్వకీయ నాశనం వైపు నడుస్తూ ఇంకొందరిని నడిపిస్తున్నారు. 

అనాడు గ్రీక్ ఫిలాసఫర్ యొక్క తత్వజ్ఞానమునకు కాస్త వీరి ఆలోచనలను జోడించి ప్రకటన చేస్తున్నారే తప్ప అది సత్యము కాదు సుమీ. నిజానికి.., ఆ దౌర్భాగ్యుడే  అనగా ఆపవాదే వేరోక్క రూపములో ఇలా వాడి అనుచరులను వాడుకొంటున్నాడన్నమాట!

🔎 యేసును ఇమ్మానుయేలు అనటం జరిగింది.   ఇమ్మానుయేలను పేరునకు భాషాంతరమున దేవుడు మనకు తోడని అర్థము." (యెషయా. 7:14; మత్తయి. 1:22-23cf) యేసు మనకు దేవుడని కాదు సుమీ!  దేవుడు మనకు తోడైయున్నాడు అని మాత్రమే అర్థమే. ఇది దేవదూత యొక్క సందేశం కానీ క్రీస్తు విరోధుల సందేశం కాదు.

🔎 అపో. యోహాను గారు  తన తొలి పుస్తకములో మొదటి వచనాలలోనే  ఇలా వ్రాసెను - "ఆదియందు వాక్యముండెను, వాక్యము దేవునియొద్ద ఉండెను, వాక్యము దేవుడై యుండెను.౹" (యోహాను. 1:1). యేసు దేవత్వం గూర్చి మాట్లాడెను కదా.  దీనికి ఈ క్రీస్తు విరోధులు సత్యాన్ని అంగీకరించక తిరిగి ఏమంటారంటే యేసు రెండో దేవుడా?, మూడో దేవుడా? అంటూ వ్యంగ్యముగా ప్రశ్నిస్తారు . కారణం  క్రీస్తు విరోధులకు క్రీస్తుకు దేవత్వం ఉందంటే  అసలు అంగీకరించరు. 

🔎 "ఆయన(యేసు) అదృశ్యదేవుని స్వరూపియై సర్వసృష్టికి ఆదిసంభూతుడై ^{Click Here} యున్నాడు.౹" (కొలొస్సీ. 1:15). 

🔎 "దేవుడొక్కడే, దేవునికిని నరులకును మధ్య వర్తియు ఒక్కడే; ఆయన క్రీస్తుయేసను నరుడు.౹" (1 తిమోతి. 2:5) 

క్రీస్తు విరోధులు ఈ👆 వచనం పట్టుకొని యేసు కేవలం మనలాంటి ఒక నరుడు మాత్రమే కానీ ఆయనలో దేవత్వం లేదు అని కూడా బోధిస్తారు . 

దేవునికిని + నరులకు మధ్యవర్తి ఎవరు = నరుడే(యేసు) ఉండాలి. నరులకు అని చెప్పినప్పుడు దేవత్వం గల యేసును నరుడు అని సంబోధించడం జరిగింది కానీ ఆ మాటలకు దేవత్వం లేదని అర్థం కాదు . 

👤 అసలు దేవునికి మరియు నరులకు మధ్యవర్తిగా నరుడుగానే ఇట్టి పాత్ర ఎందుకు పోషించాడంటే... 👇👇

"కాబట్టి ఆ పిల్లలు రక్తమాంసములుగలవారైనందున ఆప్రకారమే మరణముయొక్క బలముగలవానిని, అనగా అపవాదిని మరణముద్వారా నశింపజేయుటకును, జీవితకాలమంతయు మరణభయముచేత దాస్యమునకు లోబడినవారిని విడిపించుటకును, ఆయన కూడ రక్తమాంసములలో పాలివాడాయెను.౹ ఏలయనగా ఆయన ఎంతమాత్రమును దేవదూతల స్వభావమును ధరించుకొనక, అబ్రాహాము సంతాన స్వభావమును ధరించుకొనియున్నాడు.౹ కావున ప్రజల పాపములకు పరిహారము కలుగజేయుటకై, దేవుని సంబంధమైన కార్యములలో కనికరమును నమ్మకమునుగల ప్రధానయాజకుడగు నిమిత్తము, అన్నివిషయములలో ఆయన తన సహోదరుల వంటివాడు కావలసివచ్చెను.౹ తాను శోధింపబడి శ్రమ పొందెను గనుక శోధింపబడువారికిని సహాయము చేయ గలవాడై యున్నాడు."(హెబ్రీ. 2:13-17)

దేవుని పక్షముగా యేసు ఎంతగా దేవత్వం గలవాడో అలాగే నరుల పక్షముగా కూడా అంతగా  రక్తమాంసములలో పాలైయున్నాడు.

"ప్రతి ప్రధానయాజకుడును మనుష్యులలోనుండి యేర్పరచబడినవాడై, పాపములకొరకు అర్పణలను బలులను అర్పించుటకు దేవుని విషయమైన కార్యములు జరిగించుటకై మనుష్యులనిమిత్తము నియమింపబడును.౹ తాను కూడ బలహీనతచేత ఆవరింపబడియున్నందున అతడు ఏమియు తెలియనివారియెడలను త్రోవతప్పిన వారియెడలను తాలిమి చూపగలవాడై యున్నాడు.౹ ఆ హేతువుచేత ప్రజల కొరకేలాగో ఆలాగే తనకొరకును పాపములనిమిత్తము అర్పణము చేయవలసినవాడై యున్నాడు.౹" (హెబ్రీ. 5:1-3).

🔎 యేసు అందరి పాపముల విషయములో శుద్ధీకరణము  చేసిన పిమ్మటమహామహుడగు దేవుని కుడిపార్శ్వమున కూర్చుంనప్పుడు(హెబ్రీ. 1:3) తండ్రియైన దేవుడే స్వయముగా యేసు దేవత్వం గలవాడు అని సంబోధిస్తే దానికి సాక్షిగా ఉన్న పరిశుద్ధాత్ముడే మనకు వ్రాసి ఇలా ఇచ్చెను అదేమనగా "—తన దూతలను వాయువులుగాను తన సేవకులను అగ్ని జ్వాలలుగాను చేసికొనువాడు అని తన దూతలనుగూర్చి చెప్పుచున్నాడు గాని తన కుమారునిగూర్చియైతే –దేవా, నీ సింహాసనము నిరంతరము నిలుచునది; నీ రాజదండము న్యాయార్థమయినది. నీవు నీతిని ప్రేమించితివి దుర్నీతిని ద్వేషించితివి అందుచేత దేవుడు నీతోడివారికంటె నిన్ను హెచ్చించునట్లుగా ఆనందతైలముతో అభిషేకించెను. మరియు – ప్రభువా, నీవు ఆదియందు భూమికి పునాది వేసితివి" (హెబ్రీ. 1:7-10). ఇది కాదనలేని సత్యం. 

🔎 ఆయన రక్తములో దేవత్వం నివసిస్తుంది కారణముగానే తన రక్తముతోనే సంఘాన్ని కొన్నాడు. "దేవుడు తన స్వరక్తమిచ్చి సంపా దించిన తన సంఘమును కాయుటకు పరిశుద్ధాత్మ మిమ్మును దేనియందు అధ్యక్షులనుగా ఉంచెనో ఆయావత్తుమందనుగూర్చియు, మీ మట్టుకు మిమ్మునుగూర్చియు జాగ్రత్తగా ఉండుడి.౹" (ఆపో. 20:28). ఆయన రక్తంలోనే దేవత్వం ఉంది కాబట్టి  ఆయన ప్రతి వంశములోను, ఆయా భాషలు మాటలాడువారిలోను, ప్రతి ప్రజలోను, ప్రతి జనములోను, దేవునికొరకు మనుష్యులనుకొని, మా దేవునికి వారిని ఒక రాజ్యముగాను యాజకులనుగాను చేసియున్నాడు;..(ప్రకటన. 5:9).

🔎  యేసు తన దేవుని మహిమయొక్క ప్రతిబింబమును మరియు దేవుని తత్వముయొక్క మూర్తి మంతమునైయున్నాడు. (హెబ్రీ 1:3). 

🔎 క్రీస్తు దైవస్వరూపము గలవాడు(ఫిలిప్పీ. 2:6) మాత్రమే కాదు దైవ స్వభావము గలవాడు(యోహాను. 3:14-16) అనేది ప్రశ్నించబడని వాస్తవమై ఉంది.

❢ NOTE : మన ప్రభువైన యేసుక్రీస్తు జన్మలో, దేహములో, సిలువ రక్తములో, నిత్యత్వములో, స్వభావములో, వ్యక్తిత్వములో, స్థాయిలో, చరిత్రలో, ప్రత్యక్షతలో 'దేవుని యొక్క తత్వము అనగా దేవత్వము గలవాడైయున్నారు. (యెషయా. 9:6; మీకా.5:2; మత్తయి. 1:20-23; యోహాను. 1:1-2; 10:30-34; ఆపో.కార్య. 2:36; 20:28; రోమా. 9:5; 10:9; ఫిలిప్పీ.  2:6; కొలస్సి. 1:15; 2:9; తీతుకు. 2:9-13; హెబ్రీ 1:3-4; 7-8; ప్రకటన. 5:9-10).

✍ నీవు నిజముగా ఇదంతయూ లేఖనానుసారముగా పరిశీలన చేస్తే  క్రీస్తు  దేవత్వమును గూర్చిన వ్యతిరేకత నీలో వుండదు. అయితే ఇంకనూ నీలో ఆ వ్యతిరేకత ఉన్నదంటే నీవు లేఖనాలను సరిగా పరిశీలన చేయుటలేదనే అంతరార్థం. 

మోషే యిట్లనెనుప్రభువైన దేవుడు నావంటి యొక ప్రవక్తను మీ సహోదరులలో నుండి మీకొరకు పుట్టించును; ఆయన మీతో ఏమి చెప్పినను అన్ని విషయములలో మీరాయన మాట వినవలెను. ఆ ప్రవక్త మాట విననివాడు ప్రజలలో ఉండకుండ సర్వనాశనమగుననెను. (అపో. కార్య. 3:22-23)

క్రీస్తు దేవత్వాన్ని వ్యతిరేకించే అబద్ధికులు విషయమై జాగ్రత సుమా!!

మీ ఆత్మీయులు...👪

యేసుక్రీస్తు యొక్క దేవుడు ఎవరు? ^{Click Here}

WhatsApp ^{Join Us}   Telegram ^{Join Us}