"నీవు నిజముగా రక్షింపబడ్డావా?" (Are you saved? Are you sure?)

నీవు నిజముగా రక్షింపబడ్డావా?

పరిశుద్ధులుగా ఉండుటకు పిలువబడిన వారికందరికీ మన ప్రభువైన యేసుక్రీస్తు నామములో నా హృదయపూర్వక వందనములు.  

యేసుక్రీస్తు ద్వారా రక్షింపబడిన అనేకమంది క్రైస్తవులకు తాము రక్షింపబడ్డామనే నమ్మకము వారికి లేదు. మరికొంతమంది రక్షింపబడ్డాము అని నమ్ముతున్నారు కాని తప్పులు చేస్తున్నారు రక్షణ కోల్పోతున్నారు. కాని ప్రియులారా, క్రైస్తవులమైన మనము ఈ దినమున  లోకములో మన దేహము విడిచిపెట్టినా కూడా  మన ఆత్మ ఖచ్చితంగా రక్షింపబడుతుందనే నమ్మకము ఉండాలి.   

ప్రియులారా, చాలామంది రక్షింపబడినప్పటికీ వారి రక్షణపై పూర్తి స్థాయిలో నమ్మకము లేక దేవుని నుండి తొలగిపోతున్నారు. సొంత ఆలోచనలకు ప్రాధాన్యతనిస్తూ రక్షణ భాగ్యమును కోల్పోతున్నారు.

దేవుని మాటలను కాకుండా  నీ సొంత ఆలోచనలను బట్టి జీవిస్తే మాత్రము నీ రక్షణను నీవు కాపాడుకోలేవు.

» ఒకని మార్గము వాని దృష్టికి యథార్థముగా కనబడును అయినను తుదకు అది మరణమునకు చేరును. – (సామెతలు. 16:25).

» ఇరుకు ద్వారమున ప్రవేశించుడి; నాశనమునకు పోవు ద్వారము వెడల్పును ఆ దారి విశాలమునై యున్నది, దాని ద్వారా ప్రవేశించువారు అనేకులు. జీవమునకు పోవు ద్వారము ఇరుకును ఆ దారి సంకుచితమునై యున్నది, దాని కనుగొనువారు కొందరే. – (మత్తయి. 7:13-14).

» ఏలయనగా అట్టివారు క్రీస్తుయొక్క అపొస్తలుల వేషము ధరించుకొనువారైయుండి, దొంగ అపొస్తలుల వేషము ధరించుకొనువారైయుండి, దొంగ అపొస్తలులును మోసగాండ్లగు పనివారునై యున్నారు. ఇది ఆశ్చర్యము కాదు; సాతాను తానే వెలుగు దూత వేషము ధరించుకొనుచున్నాడు. గనుక వాని పరిచారకులును నీతి పరిచారకుల వేషము ధరించుకొనుట గొప్ప సంగతికాదు. వారి క్రియలచొప్పున వారికంతము కలుగును. – (2 కొరింధి. 11:13-15).

కనుక ప్రియులారా, తండ్రియైన దేవుని కృప చేత ప్రభువైన క్రీస్తు ద్వారా రక్షింపబడిన మనము దేవుని మాటలను అనుసరించి నడవాల్సిన వారమై ఉన్నాము కాని మన సొంత ఆలోచనలను బట్టి కాదు.

ఈ లోకములో దేవుని కృప వలన సమస్తమును పొందుకుని, అన్నిటిలోనూ విజయము సాధించి, తమ జీవితములో కొంతకాలము మట్టుకు దేవునిపై పూర్తి విశ్వాసముతో కొనసాగి, తరువాత తమ సొంత ఆలోచనలకు ప్రాదాన్యతనిచ్చి నశించిపోయిన వారు ఉన్నారు.

రాజైన సొలోమోను :

» ఇశ్రాయేలీయుల దేవుడైన యెహోవా అతనికి (సొలోమోను) రెండు మారులు ప్రత్యక్షమై. నీవు ఇతర దేవతలను వెంబడింప వలదని అతనికి ఆజ్ఞాపించినను సొలొమోను హృదయము ఆయన యొద్దనుండి తొలగిపోయెను. యెహోవా తన కిచ్చిన ఆజ్ఞను అతడు గైకొనకపోగా యెహోవా అతని మీద కోపగించి సెలవిచ్చినదేమనగా నేను నీతో చేసిన నా నిబంధనను కట్టడలను నీవు ఆచరింపక పోవుట నేను కనుగొనుచున్నాను గనుక యీ రాజ్యము నీకుండ కుండ నిశ్చయముగా తీసివేసి నీ దాసునికిచ్చెదను. – (1 రాజులు. 11:9-11).

రాజైన ఉజ్జియా :

» అతడు (ఉజ్జియా) స్థిరపడిన తరువాత అతడు మనస్సున గర్వించి చెడిపోయెను. అతడు ధూపపీఠముమీద ధూపమువేయుటకై యెహోవా మందిరములో ప్రవేశించి తన దేవుడైన యెహోవామీద ద్రోహము చేయగా యాజకుడైన ఆజర్యాయు అతనితోకూడ ధైర్యవంతులైన యెహోవా యాజకులు ఎనుబది మందియు అతని వెంబడి లోపలికి పోయిరి. వారు రాజైన ఉజ్జియాను ఎదిరించిఉజ్జియా, యెహోవాకు ధూపము వేయుట ధూపము వేయుటకై ప్రతిష్ఠింపబడిన అహరోను సంతతివారైన యాజకుల పనియేగాని నీ పని కాదు; పరిశుద్ధస్థలములోనుండి బయటికి పొమ్ము, నీవు ద్రోహము చేసియున్నావు, దేవుడైన యెహోవా సన్నిధిని ఇది నీకు ఘనత కలుగ జేయదని చెప్పగా ఉజ్జియా ధూపము వేయుటకు ధూపార్తిని చేత పట్టుకొని రౌద్రుడై, యాజకులమీద కోపము చూపెను. యెహోవా మందిరములో ధూప పీఠము ప్రక్క నతడు ఉండగా యాజకులు చూచుచునే యున్నప్పుడు అతని నొసట కుష్ఠరోగము పుట్టెను. – (2 దినవృత్తా. 26:16-19).

ప్రియ సహోదరుడా, సహోదరీ రక్షణ అనేది దేవుడు మనకు దయచేసిన గొప్ప భాగ్యము. ఆనాడు ఇశ్రాయేలీయులు ఇటువంటి గొప్ప రక్షణను పొందుకుని కూడా దేవునికి విరోధముగా పాపము చేసి అరణ్యములో కూలిపోయారు. మరి మన ఆత్మీయ స్థితి ఎలా ఉంది?

మనము ఏ ఏ మార్గములలో నడుచుకోవాలో, ఎలాంటి జీవితమును జీవించవచ్చునో మన ఆలోచనలకే మన తండ్రియైన దేవుడు విడిచిపెట్టారు.  కాని ప్రతి విషయమునకు అనగా మంచి చెడులకు సంబంధించిన విషయములపై పూర్తి అవగాహన పరిశుద్ధ గ్రంథము ద్వారా మనకు తెలియజేయడమైనది. ఏ మార్గమును ఎంచుకుంటావో అది మన వ్యక్తిగతమైన విషయము.

మనముందున్న రెండు మార్గములు  

పరలోకములో నిత్య సంతోషము :

» అంతట నేను క్రొత్త ఆకాశమును క్రొత్త భూమిని చూచితిని. మొదటి ఆకాశమును మొదటి భూమియు గతించిపోయెను. సముద్రమును ఇకను లేదు. మరియు నేను నూతనమైన యెరూషలేము అను ఆ పరిశుద్ధపట్టణమము తన భర్తకొరకు అలంకరింపబడిన పెండ్లకుమార్తెవలె సిద్ధపడి పరలోకమందున్న దేవునియొద్దనుండి దిగివచ్చుట చూచితిని. అప్పుడు - ఇదికో దేవుని నివాసము మనుష్యలతో కూడ ఉన్నది, ఆయన వారితో కాపురముండును, వారాయన ప్రజలైయుందురు, దేవుడు తానే వారి దేవుడైయుండి వారికి తోడైయుండును. ఆయన వారి కన్నుల ప్రతి బాష్పబిందువును తుడిచివేయును, మరణము ఇక ఉండదు, దుఃఖమైనను ఏడ్పైనను వేదనైనను ఇక ఉండదు; మొదటి సంగతులు గతించిపోయెనని సింహాసననములోనుండి వచ్చిన గొప్ప స్వరము చెప్పుట వింటిని.  – (ప్రకటన. 21:1-4).

పాతాళములో నిత్య వేదన :

» పిరికివారును, అవిశ్వాసులును, అసహ్యులును, నరహంతకులును, అబద్ధికులందరును అగ్నిగంధకములతో మండుగుండములో పాలుపొందుదురు; ఇది రెండవ మరణము. – (ప్రకటన. 21:8).

ఈ రెండు మార్గములలో ఏ మార్గమును ఎంచుకోవాలో మన ఆలోచనకే విడిచిపెట్టాడు దేవుడు. ఏ మార్గమును ఎంచుకుంటే ఆ మార్గమునకు తగిన ఫలము ఖచ్చితంగా అనుభవిస్తాము అది నిత్య సంతోషమైనా, నిత్య నరకమైనా.

ప్రియులారా, దేవుడు తన పరిశుద్ధ గ్రంధములో చాలా గొప్ప మాటలను మనకు తెలియజేసాడు. దేవుడు పరిశుద్ధ గ్రంధములో వివాహము యొక్క ప్రాముఖ్యతను గూర్చి తెలియజేస్తూ స్త్రీ పై పురుషునికి అధికారమిచ్చాడు, స్త్రీ పురుషునికి లోబడాలని తెలియజేసాడు. అంటే భౌతిక సంబంధమైన జీవితముకు సంబంధించి ఏ విషయమైనా పురుషుని ఆలోచనలకే ప్రాధాన్యతనివ్వమని  ఆ మాటలకు అర్థము. అలాగే, క్రీస్తులోనికి బాప్తీస్మము పొంది రక్షణ పొంది, ఆయన సంఘములో చేర్చబడిన  మనము క్రీస్తుతో ప్రధానము చేయబడిన వారము కనుక ఆయన మాటలకు, ఆలోచనలకు ప్రాధాన్యతను ఇవ్వవలసిన వారమై ఉన్నామని ధృడముగా విశ్వసించాలి.

మన రక్షణ విషయములో మనకు నమ్మకముండాలి.  మన సొంత ఆలోచనలకు కాదు దేవుని ఆలోచనలకు అవకాశమివ్వాలి.  

● ఇప్పుడు పాపమునుండి విమోచింపబడి దేవునికి దాసులైనందున పరిశుద్ధత కలుగుటయే మీకు ఫలము; దాని అంతము నిత్యజీవము. ఏలయనగా పాపమువలన వచ్చు జీతము మరణము, అయితే దేవుని కృపావరము మన ప్రభువైన క్రీస్తుయేసునందు నిత్యజీవము.  – (రోమా. 6:22-23).

● మీరు విశ్వసించినవారై కృపచేత రక్షింపబడియున్నారు; ఇది మీవలన కలిగినది కాదు, దేవుని వరమే. అది క్రియలవలన కలిగినది కాదు గనుక ఎవడును అతిశయపడవీలులేదు. మరియు వాటియందు మనము నడుచుకొనవలెనని దేవుడు ముందుగా సిద్ధపరచిన సత్ క్రియలు చేయుటకై మనము క్రీస్తుయేసునందు సృష్టింపబడినవారమై ఆయన చేసిన పనియై యున్నాము. – (ఎఫెసీ. 2:8-10).

నీవు నిజముగా రక్షింపబడ్డావని నమ్మితే ఖచ్చితముగా క్రీస్తు ప్రత్యక్షతలో నిత్య జీవమును పొందుకుంటావు.

నమ్ముట నీవలనైతే నమ్మువానికి సమస్తమును సాధ్యమే. ఆలోచన చేయు ! ప్రవర్తన సరిదిద్దుకో ! 

మీ ఆత్మీయులు,

నవీన మనోహర్.  

"రక్షణ" (salvation)

రక్షణ

క్రీస్తును మరియు సత్యముని అంగీకరించి, దేవుని చిత్తములో నడవాలని ఆసక్తి కలిగి క్రీస్తు సంఘములో చేర్చబడాలని ఆశిస్తున్న సహోదరీ, సహోదరులకు నా హృదయపూర్వక వందనములు.

ఈ లోకములో రక్షణ అనగా అనేక విధములైన అర్థములను మనము చూడగలము కాని నిజమైన రక్షణ మరియు సర్వ మానవాళి రక్షింపబడుటకు గల ఉన్న ఏకైక మార్గము యేసు ద్వారానే దొరుకుతుందని మొదట తెలుసుకోవాలి.

మన తండ్రియైన దేవుడు మన యెడల ప్రేమ కలిగి ఉన్నాడు తన బిడ్డలమైన మనము పాపమునకు దాసులు కాకూడదని, నిత్యజీవమును కోల్పోకూడదని, నరకమనే భయంకరమనే వేదన స్థలములోనికి మనము వెళ్లకూడదని ఎంతగానో కోరుకున్నాడు కనుక తండ్రి తనయొద్ద ఉన్న వాక్యమైయున్న దేవుడిని యేసుగా ఈ లోకమునకు పంపి, ఆ కుమారుని సిలువ మరణము ద్వారా మనకు విమోచన అనగా పాప క్షమాపణ కలుగజేయుచున్నాడు.


❣️ (మత్తయి.1:21): "ఆమె యొక కుమారుని కనును; తన ప్రజలను వారి పాపములనుండి ఆయనే రక్షించును గనుక ఆయనకు యేసు అను పేరు పెట్టుదువనెను."

❣️ (రోమా. 5:6-11): "ఏలయనగా మనమింక బలహీనులమై యుండగా, క్రీస్తు యుక్తకాలమున భక్తిహీనులకొరకు చనిపోయెను.౹ నీతిమంతునికొరకు సహితము ఒకడు చనిపోవుట అరుదు; మంచివానికొరకు ఎవడైన ఒకవేళ చనిపోవ తెగింప వచ్చును.౹ అయితే దేవుడు మనయెడల తన ప్రేమను వెల్లడిపరచుచున్నాడు; ఎట్లనగా మనమింకను పాపులమై యుండగానే క్రీస్తు మనకొరకు చనిపోయెను.౹ కాబట్టి ఆయన రక్తమువలన ఇప్పుడు నీతిమంతులముగా తీర్చబడి, మరింత నిశ్చయముగా "ఆయన ద్వారా ఉగ్రతనుండి రక్షింపబడుదుము".౹ ఏలయనగా శత్రువులమై యుండగా, ఆయన కుమారుని మరణముద్వారా మనము దేవునితో సమాధానపరచబడినయెడల సమాధానపరచబడిన వారమై, ఆయన జీవించుటచేత మరి నిశ్చయముగా రక్షింపబడు దుము.౹ అంతేకాదు; మన ప్రభువైన యేసు క్రీస్తుద్వారా మనము దేవునియందు అతిశయపడుచున్నాము; ఆయన ద్వారానే మనము ఇప్పుడు సమాధానస్థితి పొంది యున్నాము."

❣️ (1 యోహాను 4:10): "మనము దేవుని ప్రేమించితిమని కాదు, తానే మనలను ప్రేమించి, మన పాపములకు ప్రాయశ్చిత్తమై యుండుటకు తన కుమారుని పంపెను; ఇందులో ప్రేమయున్నది.౹"

ఇటువంటి విమోచన నీవు కోరుకుంటే, నిత్యజీవము పొందాలని ఆశపడుతున్నట్లయితే ఆయన మార్గములను తెలుసుకోవాలి.

రక్షణ పొందుకొనుటకు 5 మార్గములు : 

వినాలి

» మొదట యేసుక్రీస్తుని గూర్చిన సువార్త వినాలి.

● వినుటవలన విశ్వాసము కలుగును; వినుట క్రీస్తును గూర్చిన మాటవలన కలుగును. – (రోమా. 10:17).

క్రీస్తు ఏ ఏ సంగతులను బోధించమని ఆజ్ఞాపించాడో ఆ సంగతులన్ని మనము వినాలి.

● నేను మీకు ఏయే సంగతులను ఆజ్ఞాపించితినో వాటన్నిటిని గైకొనవలెనని వారికి బోధించుడి. – (మత్తయి. 28:20).

» మనకు ప్రకటింపబడిన సువార్తయందు విశ్వాసముంచి క్రీస్తు మన పాపముల నిమిత్తము మరణించాడని, మూడవ దినమున లేపబడ్డాడన్న ఉపదేశమును గట్టిగా పట్టుకొని యుండాలి.

● సహోదరులారా, నేను మీకు ప్రకటించిన సువార్తను మీకు తెలుపుచున్నాను. మీరు దాని అంగీకరించితిరి, దానియందే నిలిచియున్నారు. మీ విశ్వాసము వ్యర్థమైతేనే గాని నేను ఏ ఉపదేశరూపకముగా సువార్త మీకు ప్రకటించితినో ఆ ఉపదేశమును మీరు గట్టిగా పట్టుకొనియున్న పక్షమందు ఆ సువార్తవలననే మీరు రక్షణ పొందువారై యుందురు. నాకియ్యుబడిన ఉపదేశమును ముఖ్యమైనదిగా ఎంచి మీకు అప్పగించితిని. అదేమనగా, లేఖనముల ప్రకారము క్రీస్తు మన పాపముల నిమిత్తము మృతిపొందెను, సమాధిచేయబడెను. లేఖనముల ప్రకారము మూడవదినమున లేపబడెను. – (1 కొరింధి. 15:1-4).

● వారు విశ్వసింపనివానికి ఎట్లు ప్రార్ధన చేయుదురు? విననివానిని ఎట్లు విశ్వసించుదురు? ప్రకటించువారు లేకుండ వారెట్లు విందురు?. – (రోమా. 10:14).

కాబట్టి సహోదరీ, సహోదరుడా రక్షణ పొందాలంటే నీవు ఖచ్చితంగా సిలువ వేయబడిన యేసుక్రీస్తుని గూర్చిన సువార్త వినాలి.

నమ్మాలి

» నీవు రక్షణ పొందాలంటే యేసుక్రీస్తు సర్వోన్నతుడైన దేవుని కుమారుడని నమ్మాలి.

● అందుకు సీమోను పేతురు - నీవు సజీవుడగు దేవుని కుమారుడవైన క్రీస్తువని చెప్పెను. – (మత్తయి. 16:16).

యేసు దేవుని కుమారుడని నమ్మితేనే మన పాపముల విషయములో చనిపోతామని తెలుసుకోవాలి.

● నేను ఆయననని మీరు విశ్వసించినయెడల మీరు మీ పాపములలోనేయుండి చనిపోవుదురని వారితో చెప్పెను. – (యోహాను. 8:24).

» రక్షణ పొందాలంటే యేసు ప్రభువునందు విశ్వాసముంచాలి.

● ప్రభువైన యేసునందు విశ్వాసముంచుము, అప్పుడు నీవును నీ యింటివారును రక్షణ పొందుదురని చెప్పి

అతనికిని అతని ఇంటనున్నవారికందరికిని దేవుని వాక్యము బోధించిరి. – (అపొ.కార్య. 16:30-32).

● నమ్మి బాప్తిస్మము పొందినవాడు రక్షింపబడును; నమ్మనివానికి శిక్ష విధింపబడును. – (మార్కు. 16:16).

కాబట్టి ప్రియులారా, రక్షణ పొందాలంటే మొదట వినాలి, అటు తరువాత  వినిన దానిని నమ్మాలి.

మారు మనస్సు పొందాలి

» మూడవదిగా నీవు విన్న విషయములను నమ్మిన తరువాత, ఇంతకుముందు నీవు చేసిన ప్రతీ పాపము విషయములో మనస్సు మార్చుకుని దేవుని యెదుట పశ్చాత్తాపడాలి.

● ఆ అజ్ఞానకాలములను దేవుడు చూచి చూడనట్టుగా ఉండెను; ఇప్పుడైతే అంతటను అందరును మారుమనస్సు పొందవలెనని మనుష్యలకు ఆజ్ఞాపించుచున్నాడు. – (అపొ.కార్య. 17:30-31).

● యెరూషలేము మొదలుకొని సమస్త జనములలో ఆయన పేరట మారుమనస్సును పాపక్షమాపణయు ప్రకటింపబడుననియు వ్రాయబడియున్నది. – (లూకా. 24:47).

● దైవచిత్తానుసారమైన దుఃఖము రక్షణార్థమైన మారుమనస్సు కలుగజేయును. – (2 కొరింధి. 7:10).

● వారు ఈ మాట విని హృదయములో నొచ్చుకొని- సహోదరులారా, మేమేమి చేతుమని పేతురును కడమ అపొస్తలులను అడుగగా పేతురు - మీర మారుమనస్సుపొంది, పాపక్షమాపణ నిమిత్తము ప్రతివాడు యేసుక్రీస్తు నామమున బాప్తిస్మము పొందుడి; అప్పుడు మీరు పరిశుద్ధాత్మ అను వరము పొందుదురు. – (అపొ.కార్య. 2:37-38).

కావున ప్రియ సహోదరీ, సహోదరుడా నీవు వినిన విషయములను నమ్మాలి, నీవు చేసిన పాపముల విషయములలో మారు మనస్సు పొందాలి.

ఒప్పుకోవాలి 

పైన చెప్పబడిన అన్ని విషయముల కంటే ఇది చాల కీలకమైనది ఎందుకనగా ఈనాడు క్రైస్తవులలో అనేకమంది క్రీస్తుని ఒప్పుకునే  విషయములో పొరబడుతున్నారు.

» యేసుక్రీస్తు దేవుని కుమారుడని ఒప్పుకోవాలి.

● అందుకు సీమోను పేతురు -నీవు సజీవుడగు దేవుని కుమారుడవైన క్రీస్తువని చెప్పెను. – (మత్తయి. 16:16).

● మనుష్యులయెదుట నన్ను ఒప్పుకొనువాడెవడో పరలోకమందున్న నా తండ్రియెదుట నేను వానిని ఒప్పుకొందును. – (మత్తయి. 10:32).

» అన్నిటికంటే ముఖ్యముగా క్రీస్తు తను ఒక  సంఘమును నిర్మించియున్నాడని, ఆ సంఘమునకు ఆయన నామమే పెట్టుకున్నాడని, ఆ సంఘము ద్వారానే నిత్యజీవము పొందుకోగలమని, ఆ సంఘము క్రీస్తు సంఘమని (Church of Christ) ఒప్పుకోవాలి.

● నీవు పేతురువు, ఈ బండమీద నా సంఘమును కట్టుదును, పాతాళలోక ద్వారములు దానియెదుట నిలువనేరవని నేను నీతో చెప్పుచున్నాను. – (మత్తయి. 16:18).

● మరి ఎవనివలనను రక్షణ కలుగదు ఈ నామముననే మనము రక్షణ పొందవలెనుగాని, ఆకాశముక్రింద మనుష్యులలో 

ఇయ్యబడిన మరి ఏ నామమున రక్షణ పొందలేము. – (అపొ.కార్య. 4:12).

● వేయబడినది తప్ప మరియొక పునాది ఎవడును వేయనేరడు; ఈ పునాది యేసుక్రీస్తే. – (1 కోరింధి. 3:11).

● (ఆ సంఘము) ఆయన శరీరము అది సమస్తమైన వాటిలో ఉండి సమస్తమైన వాటిని నింపుచున్న వానితో నింపబడినదై యున్నది. – (ఎఫెసీ. 1:23).

● సంఘము అను శరీరమునకు ఆయనే శిరస్సు. – (కొలస్సి. 1:18).

నీవు రక్షింపబడాలంటే యేసు ప్రభువని నీ నోటితో ఒప్పుకుని, దేవుడు ఆయనని మృతులలో నుండి లేపాడని విశ్వసించాలి.

● యేసు ప్రభువని నీ నోటితో ఒప్పుకొని, దేవుడు మృతులలోనుండి ఆయనను లేపెనని నీ హృదయమందు విశ్వసించినయెడల, నీవు రక్షింపబడుదువు. ఏలయనగా నీతి కలుగునట్లు మనుష్యుడు హృదయములో విశ్వసించును, రక్షణ కలుగునట్లు నోటితో ఒప్పుకొనును– (రోమా. 10:8-10).

బాప్తీస్మము పొందాలి

ప్రియ సహోదరీ, సహోదరుడా యేసుక్రీస్తు సువార్తను వినిన నీవు ఆయన మాటలను నమ్మాలి, నీ పాపముల విషయములో మారుమనస్సు పొందాలి, యేసు ప్రభువని నీ నోటితో ఒప్పుకుని అయితే ఇవన్ని చేసిన నీవు క్రీస్తు తన స్వరక్తమిచ్చి సంపాదించిన ఆ ఒక్క  సంఘములో అనగా క్రీస్తు సంఘములో (Church of Christ) చేర్చబడాలంటే ఖచ్చితంగా బాప్తీస్మము తీసుకోవాలి.

● ఏలయనగా నీతి కలుగునట్లు మనుష్యుడు హృదయములో విశ్వసించును, రక్షణ కలుగునట్లు నోటితో ఒప్పుకొనును. – (మార్కు. 16:16).

● పేతురు - మీర మారుమనస్సుపొంది, పాపక్షమాపణ నిమిత్తము ప్రతివాడు యేసుక్రీస్తు నామమున బాప్తిస్మము పొందుడి అప్పుడు మీరు పరిశుద్ధాత్మ అను వరము పొందుదురు. – (అపొ.కార్య. 2:38).

● క్రీస్తు యేసులోకి బాప్తిస్మము పొందిన మనమందరము ఆయన మరణములోకి బాప్తిస్మము పొందితిమని మీరెరుగరా? కాబట్టి తండ్రి మహిమవలన క్రీస్తు మృతులలోనుండి యేలాగు లేపబడెనో, ఆలాగే మనమును నూతనజీవము పొందినవారమై నడుచుకొనునట్లు, మనము బాప్తిస్మమువలన మరణములో (పాలుపొందుటకై ) ఆయనతోకూడ పాతిపెట్టబడితిమి. – (రోమా. 6:3-4).

● మీరును బాప్తిస్మమందు ఆయనతోకూడ పాతి పెట్టబడినవారై ఆయనయందు సున్నతి పొందితిరి ఆ సున్నతి చేతులతో చేయబడునది కాదుగాని శరీరేచ్ఛాయుక్తమైన స్వభావమును విసర్జించుటయను క్రీస్తుకు (అనుకూలమైన) సున్నతియే. ఆయనను మృతులలోనుండి లేపిన దేవుడు కనుపరచిన ప్రభావమందు విశ్వాసముంచుటచేత ఆ బాప్తిస్మమువలన ఆయనతో కూడ లేచితిరి. – (కొలస్సి. 2:12).

● సాదృశ్యమైన బాప్తిస్మము ఇప్పుడు మిమ్మును రక్షించుచున్నది; అదేదనగా శరీర మాలిన్యము తీసివేయుట కాదుగాని యేసుక్రీస్తు పునరుత్థాన మూలముగా దేవునివిషయమై నిర్మలమైన మనస్సాక్షి కలిగియుండుటకు పూనుకొనుటయే. – (1 పేతురు. 3:21).

గమనిక : ఈ విషయముపై పూర్తి అవగాహనకు బాప్తీస్మము అంటే ఏమిటి? బాప్తీస్మము ఎలా తీసుకోవాలి? బాప్తీస్మము ఎందుకు తీసుకోవాలి? బాప్తీస్మము ఏ నామములో తీసుకోవాలి? అనే అంశములను చూడండి.

» » ఎవరైతే ఈ అయిదు విషయములను గ్రహిస్తారో వారు దేవుని కుమారుడు స్థాపించిన క్రీస్తు సంఘములో (Church of Christ) చేర్చబడతారు.

● మరియు వారేకమనస్కులై ప్రతిదినము దేవాలయములో తప్పక కూడుకొనుచు, ఇంటింటరొట్టె విరుచుచు, దేవుని స్తుతించుచు, ప్రజలందరివలన దయపొందినవారై ఆనందముతోను నిష్కపటమైన హృదయముతోను ఆహారము పుచ్చుకొనుచుండిరి. మరియు ప్రభువు రక్షణ పొందుచున్నవారిని అనుదినము చేర్చుచుండెను. – (అపొ.కార్య. 2:46-47).

● కాగా ఎవడైనను క్రీస్తునందున్నయెడల వాడు నూతన సృష్టి; పాతవి గతించెను, ఇదిగో కొత్తవాయెను. – (2 కొరింధి. 5:17).

కాబట్టి ప్రియులారా, నీవు క్రీస్తు సంఘములో (Church of Christ)  చేర్చబడ్డావా, నిత్యజీవము పొందుకొనుటకు సిద్ధముగా ఉన్నావా? ఆలోచన చేయు. రక్షణ పొందుకో.

★ ఇదిగో ఇప్పుడే మిక్కిలి అనుకూలమైన సమయము, ఇదిగో ఇదే రక్షణదినము. – (2 కొరింధి. 6:2).

మీ ఆత్మీయులు,

నవీన మనోహర్.  

"నిజమైన బాప్తీస్మము vs తప్పుడు బాప్తీస్మము" True Baptism vs False Baptism

"నిజమైన బాప్తీస్మము"

vs 

"తప్పుడు బాప్తీస్మము"

సహోదరులకందరికిని మన ప్రభువువైన యేసుక్రీస్తు నామములో నా వందనములు.

◆ నిజమైన బాప్తీస్మము ◆

● "బాప్తీస్మమిచ్చు వ్యక్తి విశ్వసించిన వ్యక్తిని నీటిలో పూర్తిగా సమాధి చేయాలి". - (మత్తయి. 3:16; అపో.కార్య. 8:38-39).

● "నమ్మి + బాప్తీస్మము = రక్షణ" - (మార్కు. 16:16).

● క్రీస్తు సువార్త ద్వారానే మనము పిలువబడి నమ్మి బాప్తీస్మము పొందవలెను. - (మార్కు. 16:16; అపో.కార్య. 18:12-13; 2 థెస్స. 2: 14).

● "బాప్తీస్మము యిచ్చువారు" "తండ్రియొక్కయు కుమారునియొక్కయు పరిశుద్ధాత్మయొక్కయు నామములోనికి" బాప్తీస్మము యివ్వవలెను. - (మత్తయి. 28:18-20).

* (ముగ్గురు వేరు వేరు వ్యక్తులు అని నమ్మవలెను). - (మత్తయి. 3:16-17; యోహాను. 15:26).

● "బాప్తీస్మము పొందువారు" యేసుక్రీస్తు నామమున అనగా ఆయన అధికారమున మరియు ఆయన ఆజ్ఞ చొప్పున  పొందుచున్నాని గ్రహించవలెను. - (అపో.కార్య. 2:38).

* (తండ్రి, కుమార, పరిశుద్ధాత్మను నమ్మవలెను) *

●  "ఒక్కటే శరీరమైన క్రీస్తు సంఘము లోకి క్రీస్తు చేత చేర్చబడెదరు" - (ఎఫెసీ. 1:23; 4:4-6; కొలస్స. 1:18; 1 కొరింథీ. 12:13; అపొ.కార్య. 2:47; రోమా. 16:16). 

◆ తప్పుడు బాప్తీస్మము ◆

● చిలకరింపు, కుమ్మరింపు, జెండా, విశ్వసించిన వాడు తనకి తానుగా నీటిలో దిగి రావడము....etc ఇవి వాక్యానుసారమైన బాప్తీస్మము కాదు.

● "నమ్మి + రక్షణ = బాప్తీస్మము" - వాక్యము లేదు.

● దేవుడు కనబడి స్వరము, దర్శనములోని చెపితేనే బాప్తీస్మము తీసుకునే కార్యక్రమము తప్పుడు బాప్తీస్మము.

● నేటి మత శాఖలలో "బాప్తీస్మము యిచ్చువారు" "తండ్రియొక్కయు కుమారునియొక్కయు పరిశుద్ధాత్మయొక్కయు నామములోనికి"(మత్తయి. 28:18-20).

ఈ యేసుక్రీస్తు ఆజ్ఞను కొట్టివేసి, క్రీస్తు బోధ యందు లక్ష్యము ఉంచక, ముగ్గురు వేరు వేరు అని నమ్మటము లేదు.

● ఇక్కడ మత శాఖలతో "బాప్తీస్మము పొందువారు" వారి కల్పనా బోధలకు చెవి యొగ్గి, యేసుక్రీస్తు నామమునే పొందాలి (అపో.కార్య. 2:38) అని నమ్మి పొందినది తప్పుడు బాప్తీస్మము. 

(తండ్రి లేడు, కుమారుడు లేడు, ఆత్మ లేడు. అంతా యేసుక్రీస్తు నామమే అనేవారి బోధ సరియైనదికాదు).

●  క్రీస్తు బోధను, ఆయన శరీరమును విభజన చేసి వారు ఏర్పాటు చేసుకొనిన శాఖలలోనికి  వారి చేత చేర్చబడెదరు.

★ హెచ్చరిక ★ 

నా ఆత్మీయ సహోదరులారా, ఈ దినమే మీరు ఏ బోధ చేత, ఏ విధముగా బాప్తీస్మము పొందియున్నారో మీకు మీరు  వ్యక్తిగతముగా పరీక్ష చేసుకోమని మన ప్రభువువైన యేసుక్రీస్తు నామములో మిమ్మలి కోరుతున్నా.. 

మీ ఆత్మీయ సహోదరుడు, 

మనోహర్ (KM).

"బాప్తీస్మము ఏ నామములో పొందాలి"..? In which name we should baptized

💌 అంశము: "బాప్తీస్మము ఏ నామములో పొందాలి"..?.

నా తోటి పరిశుద్ధులకు, మన ప్రభువువైన యేసుక్రీస్తు నామములో నా వందనములు.

నేటి క్రైస్తవ్యములో ఈ ప్రశ్న చాల మంది ఆలోచనలను చిందరవందర చేయుచున్నది.

★ "తండ్రియొక్కయు కుమారునియొక్కయు పరిశుద్ధాత్మయొక్కయు నామములోనికి బాప్తీస్మము" (మత్తయి. 28:17-20). ఈ అధికారము ఎవరికి ఇవ్వబడినదో ఆలోచన చేద్దాము ★

మత్తయి 28: 18-20
అయితే యేసు వారియొద్దకు వచ్చి పరలోకమందును భూమిమీదను నాకు సర్వాధికారము ఇయ్యబడియున్నది.

కాబట్టి మీరు వెళ్లి, సమస్త జనులను శిష్యులనుగా చేయుడి; తండ్రియొక్కయు కుమారునియొక్కయు పరిశుద్ధాత్మయొక్కయు నామములోనికి వారికి బాప్తిస్మమిచ్చుచు

నేను మీకు ఏ యే సంగతులను ఆజ్ఞాపించితినో వాటినన్నిటిని గైకొన వలెనని వారికి బోధించుడి. ఇదిగో నేను యుగసమాప్తి వరకు సదాకాలము మీతో కూడ ఉన్నానని వారితో చెప్పెను.


● యేసు మరణమును జయించి తిరిగిలేచిన తరువాత ఆరోహణము కాక ముందు "మత్తయి. 28:17-20" ఈ ఆజ్ఞను శిష్యులుకి చెప్పారు.
● "ఇది బాప్తిస్మము యిచ్చేవారికి యేసు ఇచ్చే ఆజ్ఞ అని అంగీకరించాలి".
● "లోకాంతము వరకు క్రీస్తు సువార్తకి లోబడి, క్రైస్తవులు కాగోరువారు, క్రీస్తు బోధకు లోబడి ఆయన సంఘ సభ్యులు కాగోరువారు లోబడవలసిన ప్రాముఖ్యమైన ప్రాథమికమైన  ఆజ్ఞ ఇది".
● "సమస్త జనులు" అనగా "ప్రతి జాతి వంశములోని వారిని శిష్యులుగా చేయాలి" - (గలతి. 3:28).
● శిష్యులుగా చేయబడిన వారికి "తండ్రియొక్కయు కుమారునియొక్కయు పరిశుద్ధాత్మయొక్కయు నామములోనికి బాప్తిస్మమియ్యాలి".
● బాప్తిస్మము యిచ్చేవారు మరియు తీసుకునే వారు "యుగసమాప్తి" వరకు ఆ ఆజ్ఞకు లోబడాలి.
● దీన్ని కాదనే అధికారము ఎవరికి లేదు.
● "యేసు బోధ అంతయు తండ్రి యొద్ద నుండే ఇవ్వబడినది అని నీవు గుర్తించవలసిన అవసరము ఎంతో ఉంది". - (యోహాను. 12:49-50; 16:13-15; హెబ్రీ. 1:1-2).

★ యేసుక్రీస్తు నామమున బాప్తిస్మము 

◆ "యేసుక్రీస్తు నామము" అనగా "యేసుక్రీస్తు అధికారము లేదా యేసుక్రీస్తు ఆజ్ఞ".

» యేసుక్రీస్తు నామమున బాప్తిస్మము. - (అపో.కార్య. 2:38; 10:48; 22:16).
» యేసుక్రీస్తు నామమున  ప్రార్ధన. - (యోహాను. 16:23; అపో.కార్య. 9:14; 22:16).
» యేసుక్రీస్తు నామమున ద్వారా సూచక క్రియలు. - (అపో.కార్య. 4:30).
» యేసుక్రీస్తు నామమున నిత్య జీవము. - (1 యోహాను. 5:13).
» యేసుక్రీస్తు నామమున స్వస్థత. - (అపో.కార్య. 4:10).
» యేసుక్రీస్తు నామమున తీర్పు. - (యోహాను. 3:16-18; 12:48).
» యేసుక్రీస్తు నామమున సువార్త ప్రకటన. - (అపో.కార్య. 8:12).
» యేసుక్రీస్తు నామమున మాట్లాడుట మరియు బోధించుట. - (అపో.కార్య. 4:17-18; 9:27-29; 5:28,40).
» యేసుక్రీస్తు నామమున దయ్యముల నాజ్ఞాపించుట. (అపో.కార్య. 16:18).
» యేసుక్రీస్తు నామమున పాప క్షమాపణ. - (అపో.కార్య. 10:43).

● క్రొత్త నిబంధన సువార్త ప్రకటింపబడుచుండగా యేసుక్రీస్తు నామమున అనేక కార్యములు జరిగినవి.
● యేసు నామమున అనగా "యేసు అధికారము" చొప్పున జరిగాయి అనగా పైన విషయములో ఏది పరిశీలన చేసినా అన్నీ "యేసు అధికారముననే" జరిగినవి.

పాత నిబంధన గ్రంథములో కొన్ని ఉదాహరణలు.

◆ ​రాజైన అహష్వేరోషు పేరట తాకీదులు - (ఎస్తేర్. 8:10).
◆ అహాబు పేరట తాకీదు - (1 రాజులు. 21:8).

≥ రాజు పేరట అనగా రాజు యొక్క అధికారమును తెలియజేస్తుంది. ≤

◆ దయ్యముల పేరట బలి. - (లేవి.కాండ. 17:7) అనగా దయ్యముల అధికారము.

యేసు మాటల్లో కొన్ని ఉదాహరణలు.

◆ "నేను(యేసు) తండ్రి నామమున వచ్చియున్నాను".  - (యోహాను.5:43).
◆ "తండ్రి నా(యేసు) నామమున పంపబోవు పరిశుద్ధాత్మ". - ( యోహాను. 14:26).


మరల మన అంశము లోనికి వస్తే, యేసుక్రీస్తు నామమున అనగా యేసుక్రీస్తు అధికారము లేదా యేసుక్రీస్తు ఆజ్ఞ  అని అర్థము.

★ తండ్రియొక్కయు కుమారునియొక్కయు పరిశుద్ధాత్మయొక్కయు నామములోనికి అను యేసుక్రీస్తు ఆజ్ఞను "ప్రభువైన యేసుక్రీస్తు నామమున" అధికారమును సమన్వయ పరిచి చూడవలెను.


∆ "యేసుక్రీస్తు నామమున బాప్తీస్మము పొందుడి" (అపో.కార్య. 4:7) అనేది బాప్తీస్మము యిచ్చేవారికి ఇవ్వబడిన ఆజ్ఞ కాదు.
∆ "తండ్రియొక్కయు కుమారునియొక్కయు పరిశుద్ధాత్మయొక్కయు నామములోనికి బాప్తీస్మము" (మత్తయి. 28:18-20) అనేది బాప్తీస్మము యిచ్చేవారికి ఇవ్వబడిన ఆజ్ఞ.

★ గమనిక ★ 

యేసుక్రీస్తు అధికారమున "తండ్రియొక్కయు కుమారునియొక్కయు పరిశుద్ధాత్మయొక్కయు నామములోనికి బాప్తీస్మము" పొంది క్రీస్తు సంఘములో ప్రభువు చేత చేర్చబడుము. దీన్ని అంగీకరిస్తే నీ ఆత్మ రక్షింపబడుతుంది లేదా నాశనములో నీవు యిoతకు ముందే ఉన్నావు.

★ హెచ్చరిక ★ 

● "మత్తయి. 28:18-20" ప్రకారముగా బాప్తిస్మము పొందేవారు "అపొ.కార్య. 2:38; 8:16; 19:5" ప్రకారముగా పొందినవారై యుంటారు.

మీ ఆత్మీయ సహోదరుడు,
మనోహర్ (KM).

"బాప్తీస్మము ఎలా తీసుకోవాలి"..? How can we baptized

💌 అంశము : "బాప్తీస్మము ఎలా తీసుకోవాలి"..?

ప్రియమైన నా సహోదరీ,సహోదరులారా!!
మీకందరికీ మన ప్రభువైన యేసుక్రీస్తు నామములో నా వందనములు తెలియజేయుచున్నాను.

◆ రక్షణ పొందుటకు నమూనా ◆

❣ ముందుగా - క్రీస్తును గూర్చిన మాటలు (వాక్యము) "వినాలి". - (యోహాను. 5:24; అపో.కార్య. 8:5-6; రోమా 10:17; ప్రకటన. 1:3).
❣ వినిన వాక్యమునందు(మాట) "విశ్వాసముంచాలి". - (యోహాను. 8:24; అపో.కార్య. 16:31;  రోమా. 10:17; హెబ్రీ. 11:6).
❣ పాపక్షమాపణ నిమిత్తమై "మారుమనస్సు" పొందాలి. - (లూకా. 13:3; అపొ.కా. 2:38; 17:30).
❣ యేసుక్రీస్తు దేవునికుమారుడని, ప్రభువని "ఒప్పుకోవాలి" - (మత్తయి. 10:32-33; యోహాను. 20:31; రోమా. 10:10).
❣ రక్షింపబడుటకు "బాప్తీస్మము" పొందాలి. - (మార్కు. 16:16; అపో.కార్య. 2:38; 22:16; 1 పేతురు. 3:21).
❣ ప్రభువు చేత "క్రీస్తు సంఘముగా చేర్చబడాలి". - (అపో.కార్య. 2:47).



A). క్రీస్తులోనికి బాప్తీస్మము వాక్యానుసారముగా తీసుకోవాలనుకొనేవారు - యేసుక్రీస్తును ప్రభువని ఒప్పుకోవాలి.

రోమీయులకు 10:9
అదేమనగాయేసు ప్రభువని నీ నోటితో ఒప్పుకొని, దేవుడు మృతులలో నుండి ఆయనను లేపెనని నీ హృదయ మందు విశ్వసించినయెడల, నీవు రక్షింపబడుదువు. 

1పేతురు 3:15
నిర్మలమైన మనస్సాక్షి కలిగినవారై, మీలో ఉన్న నిరీక్షణను గూర్చి మిమ్మును హేతువు అడుగు ప్రతివానికిని సాత్వికముతోను భయముతోను సమాధానము చెప్పుటకు ఎల్లప్పుడు సిద్ధముగా ఉండి,మీ "హృదయములయందు క్రీస్తును ప్రభువుగా ప్రతిష్ఠించుడి"; 


B). క్రీస్తులోనికి బాప్తీస్మము వాక్యానుసారము తీసుకోవాలనుకొనేవారు- యేసుక్రీస్తును దేవుని కుమారుడని ఒప్పుకోవాలి.

యోహాను సువార్త 20:31
యేసు దేవుని కుమారుడైన క్రీస్తు అని మీరు నమ్మునట్లును, నమ్మి ఆయన నామమందు జీవము పొందునట్లును ఇవి వ్రాయబడెను.

అపొస్తలుల కార్యములు 8:37 
ఫిలిప్పు-నీవు పూర్ణహృదయముతో విశ్వసించిన యెడల పొందవచ్చునని చెప్పెను.అతడు-"యేసు క్రీస్తు దేవుని కుమారుడని విశ్వసించుచున్నానని యుత్తరమిచ్చెను".


C). ఒకనిని నీటితో(నీటిలో) పాతిపెట్టుటకు అవసరమైన నీళ్ళు ఉండాలి.

యోహాను సువార్త 1:28
యోహాను బాప్తిస్మమిచ్చుచున్న "యొర్దానునదికి" ఆవలనున్న బేతనియలో ఈ సంగతులు జరిగెను. 

యోహాను సువార్త 3:23
సలీము దగ్గర నున్న ఐనోనను స్థలమున "నీళ్లు విస్తారముగా" ఉండెను గనుక యోహాను కూడ అక్కడ బాప్తిస్మమిచ్చుచు ఉండెను; జనులు వచ్చి బాప్తిస్మముపొందిరి. 

★ నీరు సమృద్ధిగా ఉన్నచోట యోహాను బాప్తీస్మమమిచ్చినట్లుగా చూస్తున్నాము.



D). బాప్తీస్మము తీసుకునేవారు అలాగే ఇచ్చేవారు కూడా ఇద్దరు *నీటిలోనికి* దిగాలి.

మత్తయి సువార్త 3:16
యేసు బాప్తిస్మము పొందిన వెంటనే నీళ్లలోనుండి ఒడ్డునకు వచ్చెను; ఇదిగో ఆకాశము తెరవబడెను, దేవుని ఆత్మ పావురమువలె దిగి తనమీదికి వచ్చుట చూచెను. 

అపొస్తలుల కార్యములు 8:37,38
ఫిలిప్పు నపుంసకుడు ఇద్దరును నీళ్లలోనికి దిగిరి. అంతట ఫిలిప్పు అతనికి బాప్తిస్మ మిచ్చెను. 


E). తండ్రి(యెహోవా),కుమారుని (యేసుక్రీస్తు), పరిశుద్ధాత్మ నామములోనికి బాప్తీస్మము ఇవ్వాలి.

మత్తయి సువార్త 28:19
కాబట్టి మీరు వెళ్లి, సమస్త జనులను శిష్యులనుగా చేయుడి; తండ్రియొక్కయు కుమారునియొక్కయు పరిశుద్ధాత్మయొక్కయు నామములోనికి వారికి బాప్తిస్మమిచ్చుచు


F). ఈ లోకంలో ఒక మనిషిని ఏవిధంగానైతే మట్టిలో పాతిపెడతారో అదే విధంగా బాప్తీస్మము పొందాలనుకునే వారిని నీటిలో(నీటితో) పాతిపెట్టబడి తిరిగి లేపబడాలి.

రోమీయులకు 6:4
కాబట్టి తండ్రి మహిమవలన క్రీస్తు మృతులలోనుండి యేలాగు లేపబడెనో, ఆలాగే మనమును నూతనజీవము పొందినవారమై నడుచుకొనునట్లు, మనము "బాప్తిస్మము వలన" మరణములో పాలు పొందుటకై "ఆయనతోకూడ పాతిపెట్టబడితిమి".
కొలొస్సయులకు 2:12
మీరు "బాప్తిస్మమందు" ఆయనతో కూడ "పాతిపెట్టబడినవారై" ఆయనను మృతులలో నుండి లేపిన దేవుని ప్రభావమందు విశ్వసించుట ద్వారా "ఆయనతో కూడ లేచితిరి".


G). బాప్తిస్మము పొందుగోరువారు మునుపు క్రీస్తు మరణము "లోనికి" పాలు పొంది, క్రీస్తు సంఘముగా చేర్చబడిన వారు చేతనే నీటిలో సమాధి చేయబడాలి. 

అపో.కార్యములు 2: 41
కాబట్టి అతని వాక్యము అంగీకరించినవారు బాప్తిస్మము పొందిరి, ఆ దినమందు ఇంచుమించు మూడువేల మంది చేర్చబడిరి.

అపో.కార్యములు 18: 8
ఆ సమాజమందిరపు అధికారియైన క్రిస్పు తన యింటివారందరితోకూడ ప్రభువునందు విశ్వాసముంచెను. మరియు కొరింథీయులలో అనేకులువిని విశ్వసించి బాప్తిస్మము పొందిరి.

అపో.కార్యములు 19: 4-5
అందుకు పౌలుయోహాను తన వెనుక వచ్చువానియందు, అనగా యేసునందు విశ్వాస ముంచవలెనని ప్రజలతో చెప్పుచు, మారు మనస్సు విషయమైన బాప్తిస్మమిచ్చెనని చెప్పెను.
వారు ఆ మాటలు విని ప్రభువైన యేసు నామమున బాప్తిస్మము పొందిరి.

◆ గమనిక ◆ 

1) చనిపోయిన వారిని నిలువబెట్టి పాతిపెట్టరు.

2) చనిపోయినవారిని కూర్చోబెట్టి పాతిబెట్టరు.

3) చనిపోయినవారిని బోర్ల పడుకోబెట్టి పాతిపెట్టరు.

4) చనిపోయిన వారిని పొడినేలమీద ఉంచి గుప్పెడు మట్టి చల్లి దీనిని పాతిపెట్టేసినట్టే అని అనరు.

★ "చనిపోయినవారిని వెనుకాతలా పడుకోబెట్టి దేహము కనబడకుండా మట్టితో పాతిపెడతారు".

అలాగే పాపముల నిమిత్తం ఈ లోకంలో చనిపోయి ఆత్మసంబంధముగా జీవించాలని నీటి ద్వారా బాప్తీస్మము పొందాలనుకునేవారు కూడా నీటిలో వెనకాతలా పడుకోబెట్టి దేహము కనబడకుండా నీటితో(నీటిలో)పాతిపెట్టబడి తిరిగి లేపబడాలి.

* బాప్తీస్మము ఒక్కటే అని (ఎఫెసీ 4:5) లో గ్రంథము తెలిజేస్తుంది *

వాక్యానుసారము తీసుకుంటే అది మన జీవితానికి ఒక్కసారే.

వాక్యము చెప్పినట్టు కాకుండా మీరు ఎన్నిసార్లు ఎన్ని రకాలుగా తీసుకున్నా అది మీ దృష్టిలో బాప్తీస్మము అవుతుందేమో కాని దేవుని దృష్టిలో అది బాప్తీస్మము కాదని గమనించాలి.

◆ హెచ్చరిక ◆

» మీరు పొందిన బాప్తీస్మము వాక్యానుసారముగా తెలియజేసినట్టు పాతిపెట్టబడ్డారా..??

ఇది ఆత్మసంబంధమైనది గనుక బాప్తీస్మము తీసుకునే విషయములో అజాగ్రత్తగా ఉండకండి.

"బాప్తీస్మము ఎందుకు తీసుకోవాలి..?" (Why should we baptized)

అంశము: "బాప్తీస్మము ఎందుకు తీసుకోవాలి..?"

నా తోటి సహోదరీ,సహోదరులారా!!
సంఘములో ఏ పనియైనా చేయుటకు ముందుకువచ్చే అనేకమంది అతి ప్రామఖ్యమైన ఆత్మసంబంధమైన ఈ విషయానికి (బాప్తీస్మము) వచ్చేసరికి ఎందుకు వెనుకడుగు వేస్తున్నారు..?

సంఘములో చాలా మంది యవ్వనప్రాయం దాటినవారున్నా అందులో బాప్తీస్మము తీసుకున్నవారు ఒకవంతు కూడా లేకపోవడానికి కారణం బాప్తీస్మము ఎందుకు తీసుకోవాలో తెలియకపోవడమే;


● “బాప్తిస్మము” అనగా పాతిపెట్టుట, క్రొత్తజన్మ, ముంచుట అని అర్ధము. (రోమా 6:3; యోహాను 3:3; 1 పేతురు 3:21).

● ఇది “బాప్టిజో” అనే గ్రీక్ పదము తర్జుమా చేయబడినది.

∆ "పాతిపెట్టుట" అనగా “పూడ్చు, పాఁతివేయు, దిగవేయు” అని అర్ధము.
∆ "క్రొత్త జన్మ" అనగా “నూతనముగా పుట్టుట” అని అర్ధము.
∆ "ముంచుట" అనగా “మునుగజేయు” అని అర్ధము.
∆ "కప్పెట్టడం" అనగా “పూడ్చడం” అని అర్ధము.

 "అసలు బాప్తీస్మము ఎందుకు తీసుకోవాలి..?" 

1) బాప్తీస్మము పొందినవారు మాత్రమే దేవుని రాజ్యము(సంఘము)లో ప్రవేశించగలరనేది యేసుక్రీస్తు వారు తెలియజేసిన విశేషమైన సమాచారం.

యోహాను సువార్త 3:3
అందుకు యేసు అతనితోఒకడు క్రొత్తగా( లేక,పైనుండి) జన్మించితేనే కాని అతడు దేవుని రాజ్యమును చూడలేడని నీతో నిశ్చయముగా చెప్పుచున్నాననెను.

2) బాప్తీస్మము ద్వారానే మనం ఇంతకుముందు చేసిన పాపములు క్షమింపబడతాయనేది పేతురు గారు తెలియజేసిన విశేషమైన సమాచారం.

అపొస్తలుల కార్యములు 2:38
మీరు మారుమనస్సు పొంది, పాపక్షమాపణ నిమిత్తము ప్రతివాడు యేసుక్రీస్తు నామమున బాప్తిస్మము పొందుడి;

3) బాప్తీస్మము పొందినవారు మాత్రమే  పరిశుద్థాత్ముని పొందుకోగలరు.

అపొస్తలుల కార్యములు 2:38
అప్పుడు మీరు పరిశుద్ధాత్మ అను వరము పొందుదురు.

4) బాప్తీస్మము పొందినవారు మాత్రమే  దేవుని ఉగ్రతనుండి తప్పించబడగలరు.

రోమీయులకు 5:9
కాబట్టి ఆయన రక్తమువలన ఇప్పుడు నీతిమంతులముగా తీర్చబడి, మరింత నిశ్చయముగా ఆయన ద్వారా ఉగ్రతనుండి రక్షింపబడుదుము.

5) బాప్తీస్మము పొందినవారు మాత్రమే దేవుని దృష్టిలో నీతిమంతులుగా తీర్చబడగలరు.

రోమీయులకు 3:24
కాబట్టి నమ్మువారు ఆయన కృపచేతనే, క్రీస్తుయేసునందలి విమోచనము ద్వారా ఉచితముగా నీతిమంతులని తీర్చబడుచున్నారు.

6) బాప్తీస్మము పొందినవారు మాత్రమే పవిత్రులుగా తీర్చబడగలరు.

1 యోహాను 1:7
అప్పుడు ఆయన కుమారుడైన యేసు రక్తము ప్రతి పాపమునుండి మనలను పవిత్రులనుగా చేయును.

7) బాప్తీస్మము పొందినవారు మాత్రమే పరసంబంధమైన ప్రతీ ఆశీర్వాదమును పొందుకోగలరు.

ఎఫెసీయులకు 1:3
మన ప్రభువైన యేసుక్రీస్తు యొక్క తండ్రియగు దేవుడు స్తుతింపబడును గాక. ఆయన క్రీస్తునందు పరలోక విషయములలో ఆత్మసంబంధమైన ప్రతి ఆశీర్వాదమును మనకనుగ్రహించెను.

8) బాప్తీస్మము పొందినవారు మాత్రమే క్రీస్తులో జీవించగలరు..

1యోహాను 4:9
మనము ఆయన ద్వారా జీవించునట్లు, దేవుడు తన అద్వితీయ(ఒక్కడే,కుమారుడుగా)కుమారుని లోకములోనికి పంపెను; దీనివలన దేవుడు మనయందుంచిన ప్రేమ ప్రత్యక్షపరచబడెను.

9) బాప్తీస్మము పొందినవారు మాత్రమే  దేవుని పిల్లలుగా పిలవబడతారు.

యోహాను సువార్త 1:12
తన్ను ఎందరంగీకరించిరో వారికందరికి, అనగా తన నామమునందు విశ్వాసముంచినవారికి, దేవుని పిల్లలగుటకు ఆయన అధికారము అనుగ్రహించెను.

10) బాప్తీస్మము పొందినవారు మాత్రమే క్రీస్తు మరణ, సమాధి,పునరుద్థానము (సువార్త)ను గూర్చి ఇతరులకు ప్రకటించగలరు.

1 కొరింథీయులకు 11:26
మీరు ఈ రొట్టెను తిని, యీ పాత్రలోనిది త్రాగు నప్పుడెల్ల ప్రభువు వచ్చువరకు ఆయన మరణమును ప్రచురించుదురు.

11) బాప్తీస్మము పొందినవారు మాత్రమే సమయమందును అసమయమందును వాక్యమును ఇతరులకు ప్రకటించగలరు.

2 తిమోతికి 4:2
వాక్యమును ప్రకటించుము; సమయమందును అసమయమందును ప్రయాసపడుము; సంపూర్ణమైన దీర్ఘశాంతముతో ఉపదేశించుచు ఖండించుము గద్దించుము బుద్ధిచెప్పుము.

12) బాప్తీస్మము పొందినవారు మాత్రమే అపవాది నోటనుండి తప్పించబడతారు.

1పేతురు 5:8
నిబ్బరమైన బుద్ధి గలవారై మెలకువగా ఉండుడి; మీ విరోధియైన అపవాది(సాతాను) గర్జించు సింహమువలె ఎవరిని మింగుదునా అని వెదకుచు తిరుగుచున్నాడు.

13) బాప్తీస్మము పొందినవారు మాత్రమే సంఘముగా పిలువబడతారు.

1 కొరింథీయులకు 1:2
కొరింథులోనున్న దేవుని సంఘమునకు, అనగా క్రీస్తుయేసునందు పరిశుద్ధపరచబడినవారై పరిశుద్ధులుగా ఉండుటకు పిలువబడినవారికిని, వారికిని మనకును ప్రభువుగా ఉన్న మన ప్రభువైన యేసుక్రీస్తు నామమున ప్రతిస్థలములో ప్రార్థించువారికందరికిని శుభమని చెప్పి వ్రాయునది.

14) బాప్తీస్మము పొందినవారు మాత్రమే తన కుమారుని (క్రీస్తు) సహవాసములో చేర్చబడతారు.

1 కొరింథీయులకు 1:9
మన ప్రభువైన యేసుక్రీస్తు అను తన కుమారుని సహవాసమునకు మిమ్మును పిలిచిన దేవుడు నమ్మతగినవాడు.

15) బాప్తీస్మము పొందినవారు మాత్రమే క్రీస్తు జ్ఞానమును తెలుసుకోగలరు.

1 కొరింథీయులకు 2:7
దేవుని జ్ఞానము మర్మమైనట్టుగా బోధించుచున్నాము; ఈ జ్ఞానము మరుగైయుండెను. జగదుత్పత్తికి ముందుగానే దీనిని దేవుడు మన మహిమ నిమిత్తము నియమించెను.

16) బాప్తీస్మము పొందినవారు మాత్రమే క్రీస్తును ధరించుకోగలరు.

గలతీయులకు 3:27
క్రీస్తులోనికి బాప్తిస్మము పొందిన మీరందరు క్రీస్తును ధరించుకొనియున్నారు.

17) బాప్తీస్మము పొందినవారు మాత్రమే యేసుక్రీస్తును ప్రభువుగా వారి హృదయాలలో ప్రతిష్టించుకుంటారు.

1 పేతురు 3:15: 
నిర్మలమైన మనస్సాక్షి కలిగినవారై, మీలో ఉన్న నిరీక్షణను గూర్చి మిమ్మును హేతువు అడుగు ప్రతివానికిని సాత్వికముతోను భయముతోను సమాధానము చెప్పుటకు ఎల్లప్పుడు సిద్ధముగా ఉండి,మీ హృదయములయందు క్రీస్తును ప్రభువుగా ప్రతిష్ఠించుడి;

18) బాప్తీస్మము పొందినవారు మాత్రమే ఈ లోకసంబంధులపైన జయము పొందినవారు.

 1 యోహాను 4:4
చిన్నపిల్లలారా, మీరు దేవుని సంబంధులు; మీలో ఉన్నవాడు లోకములో ఉన్నవాని కంటె గొప్పవాడు గనుక మీరు వారిని జయించియున్నారు.

19) బాప్తీస్మము పొందినవారు మాత్రమే తండ్రి ఎవరో,కుమారుడు ఎవరో తెలుకోగలరు.

యోహాను సువార్త 17:3
అద్వితీయ సత్యదేవుడవైన నిన్నును, నీవు పంపిన యేసు క్రీస్తును ఎరుగుటయే నిత్య జీవము.

20) బాప్తీస్మము పొందినవారు మాత్రమే ప్రభుబల్లలో పాలుపొందుతారు.

1 కొరింథీయులకు 11:23
"నేను మీకు అప్పగించిన దానిని ప్రభువువలన పొందితిని".

21) బాప్తీస్మము పొందినవారు చేసే  ఆరాధన మాత్రమే దేవుడు అంగీకరిస్తాడు.

యోహాను సువార్త 4:24
దేవుడు ఆత్మగనుక ఆయనను ఆరాధించు వారు ఆత్మతోను సత్యముతోను ఆరాధింపవలెననెను.

22) బాప్తీస్మము పొందినవారు మాత్రమే ఇతరులకు బాప్తీస్మము ఇవ్వగలరు.

మత్తయి సువార్త 28:19
కాబట్టి మీరు వెళ్లి, సమస్త జనులను శిష్యులనుగా చేయుడి; తండ్రియొక్కయు కుమారునియొక్కయు పరిశుద్ధాత్మయొక్కయు నామములోనికి వారికి బాప్తిస్మమిచ్చుచు

23) బాప్తీస్మము (పునర్జన్మ) పొందినవారు మాత్రమే నూతనస్వభావమును పొందుకోగలరు.

తీతుకు 3:5
మనము నీతిని అనుసరించి చేసిన క్రియల మూలముగా కాక, తన కనికరము చొప్పుననే పునర్జన్మ సంబంధమైన(పునఃస్థితిస్థాపన సంబంధమైన) స్నానము ద్వారాను, పరిశుద్ధాత్మ మనకు నూతన స్వభావము కలుగజేయుట ద్వారాను మనలను రక్షించెను.

24) బాప్తీస్మము పొందినవారు మాత్రమే సాతాను అధికారమునుండి దేవునివైపు తిరిగినవారు.

అపొస్తలుల కార్యములు 26:18
"వారు చీకటిలోనుండి వెలుగులోనికిని సాతాను అధికారమునుండి దేవుని వైపుకును తిరిగి,"..
నా యందలి విశ్వాసముచేత పాపక్షమాపణను, పరిశుద్ధపరచబడినవారిలో స్వాస్థ్యమును పొందునట్లు వారి కన్నులు తెరచుటకై నేను నిన్ను వారియొద్దకు పంపెదనని చెప్పెను.

25) బాప్తీస్మము పొందినవారు మాత్రమే సాతానుయొక్క మరణభయమనే దాస్యత్వమునుండి విడిపింపబడినవారు.

హెబ్రీయులకు 2:14,15
కాబట్టి ఆ పిల్లలు రక్తమాంసములు గలవారైనందున ఆ ప్రకారమే మరణముయొక్క బలముగలవానిని, అనగా అపవాదిని(అనగా-సాతాను) మరణముద్వారా నశింపజేయుటకును,
జీవితకాలమంతయు మరణభయముచేత దాస్యమునకు లోబడినవారిని విడిపించుటకును, ఆయనకూడ రక్తమాంసములలో పాలివాడాయెను.

26) బాప్తీస్మము పొందినవారు మాత్రమే ధనాపేక్షను విసర్జించగలరు.

మొదటి తిమోతికి 6:10
ఎందుకనగా ధనాపేక్షసమస్తమైన కీడులకు మూలము; కొందరు దానిని ఆశించి విశ్వాసమునుండి తొలగిపోయి నానాబాధలతో తమ్మును తామే పొడుచుకొనిరి.

 27) బాప్తీస్మము పొందినవారు మాత్రమే శరీరక్రియలను విసర్జించగలరు.

గలతీయులకు 5:19-21: ఇట్టి వాటిని చేయువారు దేవుని రాజ్యమును స్వతంత్రించుకొనరని మీతో స్పష్టముగా చెప్పుచున్నాను.

28) బాప్తీస్మము పొందినవారు మాత్రమే క్రీస్తుతో కూడా మరణించి తిరిగి లేబబడినవారు.

కొలొస్సయులకు 2:12
మీరు బాప్తిస్మమందు ఆయనతో కూడ పాతిపెట్టబడినవారై ఆయనను మృతులలో నుండి లేపిన దేవుని ప్రభావమందు విశ్వసించుట ద్వారా ఆయనతో కూడ లేచితిరి.

29) బాప్తీస్మము పొందినవారు మాత్రమే సంఘములో పెద్దలుగాను పరిచారకులుగాను ఉండుటకు అర్హులు.

1తిమోతికి 3:1-8:
ఎవడైనను అధ్యక్ష పదవిని ఆశించినయెడల అట్టివాడు దొడ్డపనిని అపేక్షించుచున్నాడను మాట నమ్మదగినది.

30) బాప్తీస్మము పొందినవారు మాత్రమే పరలోక పౌరసత్వం కలవారు.

ఫిలిప్పీయులకు 3:20
మన పౌరస్థితి పరలోకమునందున్నది; అక్కడనుండి ప్రభువైన యేసుక్రీస్తు అను రక్షకుని నిమిత్తము కనిపెట్టుకొనియున్నాము.

★ బాప్తీస్మము పొందినవారు మాత్రమే రక్షించబడతారు.

మార్కు సువార్త 16:16

నమ్మి బాప్తిస్మము పొందినవాడు రక్షింపబడును; నమ్మని వానికి శిక్ష విధింపబడును.

★ గమనిక ★

 ◆ బాప్తీస్మము గూర్చి నీ కుటుంబ సభ్యుల అనుమతి గాని, నీ స్నేహితుల అనుమతి గాని, నీ రక్త సంబంధుల అనుమతి గాని అవసరము అని భావిస్తున్నావ..?

 ★ మత్తయి సువార్త 19:29

నా నామము నిమిత్తము అన్నదమ్ములనైనను అక్క చెల్లెండ్రనైనను తండ్రినైనను తల్లి నైనను పిల్లలనైనను భూములనైనను ఇండ్లనైనను విడిచిపెట్టిన ప్రతివాడును నూరురెట్లు పొందును; ఇదిగాక నిత్యజీవమును స్వతంత్రించుకొనును.

★ మత్తయి సువార్త 10:37

తండ్రినైనను తల్లినైనను నా కంటె ఎక్కువగా ప్రేమించువాడు నాకు పాత్రుడుకాడు; కుమారునినైనను కుమార్తెనైనను నాకంటె ఎక్కువగా ప్రేమించువాడు నాకు పాత్రుడు కాడు.

★ గలతీయులకు 1:15-16

తల్లి గర్భము నందు పడినది మొదలుకొని నన్ను ప్రత్యేక పరచి, తన కృపచేత నన్ను పిలిచిన దేవుడు నేను అన్యజనులలో తన కుమారుని ప్రకటింపవలెనని ఆయనను నా యందు బయలు పరపననుగ్రహించినప్పుడు మనుష్యమాత్రులతో (మూలభాషలో-రక్తమాంసములతో) నేను సంప్రతింపలేదు.