నరుని ఆలోచనలు (Thoughts of Man)

నరుని ఆలోచనలు (Thoughts of Man)

మన ప్రభువైన యేసుక్రీస్తు నామములో మీ అందరికీ వందనములు.

నరుడు తనలోతాను అనేక ఆలోచనలు కలిగి ఉంటాడు. కొందరు తమ అలోచనలు తమ కొరకు మాత్రమే పరిమితం చేసుకొంటే, మరికొందరు తమ ఆలోచనలను ఎదుటివారిపై ప్రభావితం చేస్తారు. అయితే తమ ఆలోచనలు వాక్యానుసారముగా, దేవుని ఇష్టానుసారంగా ఉన్నాయో, లేవో అని పరీక్షించుకునే వారు చాలా తక్కువ మంది ఉంటారనే చెప్పాలి. క్రీస్తు నందు లేనివాడు మాత్రం దేవునిచిత్త ప్రకారముగా అలోచించలేడు. అయితే క్రీస్తు నందు ఉండాలనేకునేవాడు తన ఆలోచనలు ఎక్కడ పుట్టునో, అవి ఎట్టివో, ఎలా అదుపులో పెట్టుకోగలడో, తెలుసుకోవలసిన అవసరత ఉంది.

● ఆలోచన =  తలంపు, యోచన ●

 నరుని ఆలోచనలు ఎక్కడ పుట్టును?

⏭ "నరుని హృదయములో ఆలోచనలు అనేకములుగా పుట్టును యెహోవాయొక్క తీర్మానమే స్థిరము." (సామెతలు. 19:21).

⏭ "దురాలోచనలు నరహత్యలు వ్యభిచారములు వేశ్యాగమనములు దొంగతనములు అబద్ధసాక్ష్యములు దేవదూషణలు హృదయములోనుండియే వచ్చును" (మత్తయి. 15:19).

⏭ "లోపలినుండి, అనగా మనుష్యుల హృదయములోనుండి దురాలోచనలును జారత్వములును దొంగతనములును నరహత్యలును వ్యభిచారములును లోభములును చెడుతనములును కృత్రిమమును కామవికారమును మత్సరమును దేవదూషణయు అహంభావమును అవివేకమును వచ్చును." (మార్కు. 7:21-22)

 నరుని ఆలోచనలు ఎట్టివి?

1). నరుని యొక్క ఆలోచనలు చెడ్డవి :

➠ "నరుల చెడు తనము భూమిమీద గొప్పదనియు, వారి హృదయముయొక్క తలంపులలోని ఊహ అంతయు ఎల్లప్పుడు కేవలము చెడ్డదనియు యెహోవా చూచి" (ఆది.కాం. 6:5)

➠ ".... నరుల హృదయాలోచన వారి బాల్యమునుండి చెడ్డది. నేనిప్పుడు చేసిన ప్రకారముగా ఇకను సమస్త జీవులను సంహరింపను.౹" (ఆది.కాం. 8:21)

➠ "తమ ఆలోచనల ననుసరించి చెడుమార్గమున నడచు కొనుచు లోబడనొల్లని ప్రజలవైపు దినమంతయు నా చేతులు చాపుచున్నాను." (యెషయా. 65:2)

2). నరుని యొక్క ఆలోచనలు రహస్యమైనవి :

● ఒక వ్యక్తి యొక్క ఆలోచనలు మరొక్క వ్యక్తి కనుగొనలేడు కానీ దేవుడైన యెహోవా ఎరిగినవాడు.

➠ "తమ ఆలోచనలు యెహోవాకు కనబడకుండ లోలో పల వాటిని మరుగుచేయ జూచువారికి శ్రమ. మమ్ము నెవరు చూచెదరు? మా పని యెవరికి తెలి యును? అనుకొని చీకటిలో తమ క్రియలు జరి గించువారికి శ్రమ. అయ్యో, మీరెంత మూర్ఖులు? కుమ్మరికిని మంటికిని భేదములేదని యెంచదగునా? చేయబడిన వస్తువు దాని చేసినవారిగూర్చి– ఇతడు నన్ను చేయలేదనవచ్చునా? రూపింపబడిన వస్తువు రూపించినవానిగూర్చి– ఇతనికి బుద్ధిలేదనవచ్చునా?" (యెషయా. 29:15-16)

➠ "యెహోవా, మాట నా నాలుకకు రాకమునుపే అది నీకు పూర్తిగా తెలిసియున్నది. వెనుకను ముందును నీవు నన్ను ఆవరించియున్నావు నీ చేయి నామీద ఉంచియున్నావు. ఇట్టి తెలివి నాకు మించినది అది అగోచరము అది నాకందదు." (కీర్తనలు. 139:4-6)

3). నరుని యొక్క ఆలోచనలు దురాలోచనలు :

➠ "భక్తిహీనులు నీతిమంతులమీద దురాలోచన చేయుదురువారినిచూచి పండ్లు కొరుకుదురు." (కీర్తనలు. 37:12)

➠ "యేసు వారి తలంపులు గ్రహించి-మీరెందుకు మీ హృదయములలో దురాలోచనలు చేయుచున్నారు?" (మత్తయి. 9:4)

➠ "మీ మనస్సులలో భేదములు పెట్టుకొని మీరు దురాలోచనతో విమర్శచేసినవారగుదురు కారా?౹" (యాకోబు. 2:4)

➠ "దురాలోచనలు యెహోవాకు హేయములు దయగల మాటలు ఆయన దృష్టికి పవిత్రములు." (సామెతలు. 15:26)

4). నరుని యొక్క ఆలోచనలు సొంత ఆలోచనలు :

➠ "అయితే మేము వినమని వారనుచున్నారు; అన్యజనులారా, వినుడి; సంఘమా, వారికి జరిగిన దానిని తెలిసికొనుము.౹ భూలోకమా, వినుము; ఈ జనులు నా మాటలు వినకున్నారు, నా ధర్మశాస్త్రమును విసర్జించుచున్నారు గనుక తమ ఆలోచనలకు ఫలితమైన కీడు నేను వారిమీదికి రప్పించుచున్నాను.౹ షేబనుండి వచ్చు సాంబ్రాణి నాకేల? దూరదేశమునుండి వచ్చు మధురమైన చెరుకు నాకేల? మీ దహనబలులు నాకిష్టమైనవి కావు, మీ బలులయందు నాకు సంతోషము లేదు.౹" (యిర్మీయా. 6:18-20).

➠ "సైన్యములకధిపతియు ఇశ్రాయేలు దేవుడునగు యెహోవా ఈలాగు సెలవిచ్చుచున్నాడు– మీ దహనబలులను మీ బలులను కలిపి మాంసము భక్షించుడి.౹ నేను ఐగుప్తు దేశములోనుండి మీపితరులను రప్పించిన దినమున దహనబలులనుగూర్చిగాని బలులనుగూర్చిగాని నేను వారితో చెప్పలేదు, అట్టి వాటినిగూర్చి నేను ఏ ఆజ్ఞయు ఇయ్యలేదు, ఈ ఆజ్ఞను మాత్రమే నేను వానికిచ్చితిని ఏదనగా– నా మాటలు మీరు అంగీకరించినయెడల నేను మీకు దేవుడనై యుందును మీరు నాకు జనులైయుందురు; మీకు క్షేమము కలుగునట్లు నేను మీకాజ్ఞా పించుచున్న మార్గమంతటియందు మీరు నడుచుకొనుడి.౹ అయితే వారు వినకపోయిరి, చెవియొగ్గకుండిరి, ముందుకు సాగక వెనుకదీయుచు తమ ఆలోచనలనుబట్టి తమ దుష్ట హృదయకాఠిన్యము ననుసరించి నడుచుచు వచ్చిరి.౹ మీపితరులు ఐగుప్తు దేశములోనుండి బయలుదేరి వచ్చిన దినము మొదలుకొని నేటివరకు మీరు వెనుకదీయుచు వచ్చిన వారే; నేను అనుదినము పెందలకడ లేచి ప్రవక్తలైన నా సేవకులనందరిని మీ యొద్దకు పంపుచు వచ్చితిని.౹ వారు నా మాట వినకయున్నారు చెవియొగ్గకయున్నారు తమ మెడను వంచక మనస్సును కఠినపరచుకొనుచున్నారు; వారు తమపితరులకంటె మరి దుష్టులైరి. నీవు ఈ మాటలన్నియు వారితో చెప్పినను వారు నీ మాటలంగీకరింపరు, నీవు వారిని పిలిచినను వారు నీకుత్తర మియ్యరు గనుక నీవు వారితో ఈలాగు చెప్పుము– వీరు తమ దేవుడైన యెహోవా మాట విననివారు, శిక్షకు లోబడనొల్లనివారు, కాబట్టి నమ్మకము వారిలోనుండి తొలగిపోయియున్నది, అది వారి నోట నుండకుండ కొట్టి వేయబడియున్నది. తనకు కోపము తెప్పించు తరమువారిని యెహోవా విసర్జించి వెళ్లగొట్టుచున్నాడు; సీయోనూ నీ తలవెండ్రు కలను కత్తిరించుకొనుము, వాటిని పారవేయుము, చెట్లులేని మెట్టలమీద ప్రలాపవాక్య మెత్తుము.౹" (యిర్మీయా. 7: 21-29)

➠  "యెహోవాయొద్దనుండి యిర్మీయాకు ప్రత్యక్షమైన. వాక్కు –నీవు లేచి కుమ్మరి యింటికి పొమ్ము, అక్కడ నా మాటలు నీకు తెలియజేతును.౹ నేను కుమ్మరి యింటికి వెళ్లగా వాడు తన సారెమీద పని చేయుచుండెను.౹ కుమ్మరి జిగటమంటితో చేయుచున్నకుండ వాని చేతిలో విడిపోగా ఆ జిగటమన్ను మరల తీసికొని కుమ్మరి తనకు యుక్తమైనట్టుగా దానితో మరియొకకుండ చేసెను. అంతట యెహోవా వాక్కు నాకు ప్రత్యక్షమై యీలాగు సెలవిచ్చెను –ఇశ్రాయేలువారలారా, ఈ కుమ్మరి మంటికి చేసినట్లు నేను మీకు చేయలేనా? యిదే యెహోవా వాక్కు — జిగటమన్ను కుమ్మరిచేతిలో ఉన్నట్టుగా ఇశ్రాయేలువారలారా, మీరు నా చేతిలో ఉన్నారు.౹ దాని పెల్లగింతుననియు, విరుగగొట్టుదుననియు, నశింపజేయుదుననియు ఏదోయొక జనమునుగూర్చి గాని రాజ్యమునుగూర్చి గాని నేను చెప్పి యుండగా ఏ జనమునుగూర్చి నేను చెప్పితినో ఆ జనము చెడుతనముచేయుట మానినయెడల నేను వారికి చేయనుద్దేశించిన కీడునుగూర్చి సంతాపపడుదును.౹ మరియు కట్టెదననియు, నాటెదననియు ఒక జనమునుగూర్చి గాని రాజ్యమునుగూర్చి గాని నేను చెప్పి యుండగా ఆ జనము నా మాట వినకుండ నా దృష్టికి కీడుచేసినయెడల దానికి చేయదలచిన మేలునుగూర్చి నేను సంతాపపడుదును.౹ కాబట్టి నీవు వెళ్లి యూదావారితోను యెరూషలేము నివాసులతోను ఇట్లనుము– యెహోవా సెలవిచ్చినమాట ఏదనగా– మీమీదికి తెచ్చుటకై నేను కీడును కల్పించుచున్నాను, మీకు విరోధముగా ఒక యోచనచేయుచున్నాను, మీరందరు మీ మీ దుష్ట మార్గములను విడిచి మీ మార్గములను మీ క్రియలను చక్కపరచుకొనుడి.౹ అందుకు వారు– నీ మాట నిష్ ప్రయోజనము; మేము మా ఆలోచనల చొప్పున నడుచు కొందుము, మేమందరము మా మూర్ఖ హృదయము చొప్పున ప్రవర్తించుదుము అనియందురు. కావున యెహోవా ఈలాగు సెలవిచ్చుచున్నాడు– అన్యజనులను అడిగి తెలిసికొనుడి; ఇట్టి క్రియలు జరుగుట వారిలో ఎవడైన వినెనా? ఇశ్రాయేలు కన్యక బహు ఘోరమైన కార్యము చేసియున్నది.౹" (యిర్మీయా. 18:1-3)

5) నరుని యొక్క ఆలోచనలు మోసకరమైనవి :

 ➠ "నీతిమంతుల తలంపులు న్యాయయుక్తములు భక్తిహీనులు చెప్పు ఆలోచనలు మోసకరములు." (సామెతలు. 12:5)

6). నరుని యొక్క ఆలోచనలు పాపాన్ని కూర్చుకొనేవి :

➠ "యెహోవా వాక్కు ఇదే –లోబడని పిల్లలకు శ్రమ పాపమునకు పాపము కూర్చుకొనునట్లుగా వారు నన్ను అడుగక ఆలోచనచేయుదురు నా ఆత్మ నియమింపని సంధిచేసికొందురు" (యెషయా. 30:1)

7). నరుని యొక్క ఆలోచనలు పనికిమాలినవి :

 ➠ "నీతిమంతుని నాలుక ప్రశస్తమైన వెండివంటిది భక్తిహీనుల ఆలోచన పనికిమాలినది." (సామెతలు. 10:20)

● భక్తిహీనులు అనగా దేవుని మాటలకు తన హృదయములో చోటియ్య నొల్లనివాడు.

8). నరుని యొక్క ఆలోచనలు వ్యర్ధమైనవి :

➠ "నరుల ఆలోచనలు వ్యర్థములని యెహోవాకు తెలిసి యున్నది. యెహోవా, నీవు శిక్షించువాడు నీ ధర్మశాస్త్రమును బట్టి నీవు బోధించువాడు ధన్యుడు." (కీర్తనలు. 94:11-12)

➠ "ప్రజలెందుకు వ్యర్థమైన ఆలోచనలు పెట్టుకొనిరి? ప్రభువు మీదను ఆయన క్రీస్తుమీదను భూరాజులు లేచిరి, అధికారులును ఏకముగా కూడుకొనిరి అని నీవు పరిశుద్ధాత్మద్వారా మా తండ్రియు నీ సేవకుడునైన దావీదు నోట పలికించితివి.౹" (అపో.కార్య. 4:26)

 నరుడు తన ఆలోచనలను అదుపులో పెట్టుకోగలడా?

➦ అవును, నరుడు కచ్చితంగా పెట్టుకోగలడు ఏలయనగా, "ఎల్లప్పుడును ప్రభువునందు ఆనందించుడి, మరల చెప్పుదును ఆనందించుడి.౹ మీ సహనమును సకల జనులకు తెలియబడనియ్యుడి. ప్రభువు సమీపముగా ఉన్నాడు.౹ దేనినిగూర్చియు చింతపడకుడి గాని ప్రతి విషయములోను ప్రార్థన విజ్ఞాపనములచేత కృతజ్ఞతాపూర్వకముగా మీ విన్నపములు దేవునికి తెలియజేయుడి.౹ అప్పుడు సమస్త జ్ఞానమునకు మించిన దేవుని సమాధానము యేసుక్రీస్తు వలన మీ హృదయములకును మీ తలంపులకును కావలియుండును." (ఫిలిప్పీ 4:4-7)

కాబట్టి ప్రతి వానికి తగిన మెప్పు ప్రభువు వలన దేవుని యొద్ద కలుగుతుందని గుర్తెరిగి జాగ్రత్తగా నడుచుకోవాలని ప్రేమతో మనవి చేస్తున్నాం. 

➦ "కాబట్టి సమయము రాకమునుపు, అనగా ప్రభువు వచ్చు వరకు, దేనిని గూర్చియు తీర్పు తీర్చకుడి. ఆయన అంధ కారమందలి రహస్యములను వెలుగులోనికి తెచ్చి హృదయములలోని ఆలోచనలను బయలుపరచునప్పుడు, ప్రతి వానికిని తగిన మెప్పు దేవునివలన కలుగును." (1 కొరింథి. 4:5)

మీ ఆత్మీయులు...👪

స్త్రీ చేయవలసినవి - చేయకూడనివి(Women's Do's and Don'ts)

: స్త్రీ చేయవలసినవి - చేయకూడనివి :

మన ప్రభువైన యేసుక్రీస్తు నామములో మీ అందరికీ వందనములు.🙌

యేసుని ఎవరు పంపెను?(Who sent Jesus?)

యేసుని ఎవరు పంపెను?(Who sent Jesus?)

మన ప్రభువైన యేసుక్రీస్తు నామములో మీ అందరికీ వందనములు.🙌

నేడు అనేక అబద్ధ బోధకులు బయలుదేరి దేవుని చిత్తానికి వ్యతిరేకమైన తమ సొంత జ్ఞానంతో సంఘాలను మోసపుచ్చుతున్నారు. వారి అబద్ధ బోధలలో  ఒకటి  "యెహోవాయే శరీరదారియై మన మధ్యకు యేసులా వచ్చారనేది" ఇది దైవ గ్రంథానికి పూర్తి విరుద్ధమైన బోధ.👆

ఇంతకుమించి ఎక్కువగా మాట్లాడి నాశనాన్ని కొనితెచ్చుకునే ధైర్యం మాకు లేదు కనుక తండ్రి యొక్క సాక్ష్యం, యేసు యొక్క సాక్ష్యం, మరియు పరిశుద్ధాత్ముని యొక్క సాక్ష్యం వారి ముగ్గురు మాటల్లోనే  "యేసుని ఎవరు పంపెను?" అనే విషయాన్ని ఈ అంశము ద్వారా నేరుగా లేఖనాలను మీ ముందుంచుతున్నాము. 

కావున, సత్యాన్వేషకులు ఈ క్రింది👇అంశమును పూర్తిగా చదివి, వాక్య పరిశోధన చేసి, సత్యాన్ని స్వీకరించగలరని మనవి. 📖🙏🏻

👤 తండ్రి సాక్ష్యం :

● ఇదిగో ఈయనే నా ప్రియ కుమారుడు, ఈయనయందు నేనానందించుచున్నానని యొక శబ్దము ఆకాశమునుండి వచ్చెను. (మత్తయి. 3:17).

● ఇదిగో ఈయన నా సేవకుడు ఈయనను నేను ఏర్పరచుకొంటిని ఈయన నా ప్రాణమున కిష్టుడైన నా ప్రియుడు ఈయనమీద నా ఆత్మ నుంచెదను ఈయన అన్యజనులకు న్యాయవిధిని ప్రచురము చేయును.  (మత్తయి. 12:18).

● అతడు ఇంకను మాటలాడుచుండగా ఇదిగో ప్రకాశమానమైన యొక మేఘము వారిని కమ్ముకొనెను; ఇదిగో ఈయన నా ప్రియకుమారుడు, ఈయనయందు నేనానందించుచున్నాను, ఈయన మాట వినుడని యొక శబ్దము ఆ మేఘములోనుండి పుట్టెను." (మత్తయి. 17:5)

● ఈయన నా ప్రియకుమారుడు, ఈయన మాట వినుడని యొక శబ్దము ఆ మేఘములోనుండి పుట్టెను." (మార్కు. 9:7)

● ఈయన నే నేర్పరచుకొనిన నా కుమారుడు, ఈయన మాట వినుడని యొక శబ్దము ఆ మేఘములోనుండి పుట్టెను. (లూకా. 9:35).

👤 యేసుక్రీస్తు సాక్ష్యం :

● మిమ్మును చేర్చుకొనువాడు నన్ను చేర్చుకొనును; నన్ను చేర్చుకొనువాడు నన్ను పంపినవాని చేర్చుకొనును. (మత్తయి. 10:40).

● ఇట్టి చిన్న బిడ్డలలో ఒకనిని నా పేరట చేర్చుకొనువాడు నన్ను చేర్చుకొనును; నన్ను చేర్చుకొనువాడు నన్ను గాక నన్ను పంపినవానిని చేర్చు కొనునని వారితో చెప్పెను. (మార్కు. 9:37; లూకా. 9:48)

● ప్రభువు హితవత్సరము ప్రకటించుటకును ఆయన నన్ను పంపియున్నాడు అని వ్రాయబడిన చోటు ఆయనకు దొరకెను. (లూకా. 4:19).

● మీ మాట వినువాడు నా మాట వినును, మిమ్మును నిరాకరించువాడు నన్ను నిరాకరించును, నన్ను నిరాకరించువాడు నన్ను పంపినవానిని నిరాకరించుననెను." (లూకా. 10:16).

● లోకము తన కుమారుని ద్వారా రక్షణ పొందుటకేగాని లోకమునకు తీర్పు తీర్చుటకు దేవుడాయనను లోకములోనికి పంప లేదు. (యోహాను. 3:17).

● "ఆయన సాక్ష్యము అంగీక రించినవాడు దేవుడు సత్యవంతుడను మాటకు ముద్రవేసి యున్నాడు. ఏలయనగా దేవుడు తాను పంపినవానికి కొలతలేకుండ ఆత్మననుగ్రహించును గనుక ఆయన దేవుని మాటలే పలుకును.౹" (యోహాను. 3:33).

● యేసు వారిని చూచి-నన్ను పంపినవాని చిత్తము నెరవేర్చుటయు, ఆయన పని తుదముట్టించుటయు నాకు ఆహారమై యున్నది (యోహాను. 4:34).

●  కుమారుని ఘనపరచనివాడు ఆయనను పంపిన తండ్రిని ఘనపరచడు. (యోహాను. 5:23).

● నా మాట విని నన్ను పంపినవానియందు విశ్వాసముంచువాడు నిత్యజీవముగలవాడు;( యోహాను. 5:24).

● యోహాను సాక్ష్యముకంటె నా కెక్కువైన సాక్ష్యము కలదు; అదేమనిన, నేను నెరవేర్చుటకై తండ్రి యే క్రియలను నా కిచ్చియున్నాడో, నేను చేయుచున్న ఆ క్రియలే తండ్రి నన్ను పంపి యున్నాడని నన్నుగూర్చి సాక్ష్యమిచ్చుచున్నవి. ( యోహాను. 5:36).

● నన్ను పంపిన తండ్రియే నన్నుగూర్చి సాక్ష్య మిచ్చుచున్నాడు (యోహాను. 5:37)

● యేసు-ఆయన పంపిన వానియందు మీరు విశ్వాసముంచుటయే దేవుని క్రియయని వారితో చెప్పెను. ( యోహాను. 6:29). 

● నా యిష్టమును నెరవేర్చు కొనుటకు నేను రాలేదు; నన్ను పంపిన వాని చిత్తము నెరవేర్చుటకే పరలోకమునుండి దిగి వచ్చితిని. (యోహాను. 6:38).

● నన్ను పంపినవాని చిత్తమైయున్నది. (యోహాను. 6:39).

● నన్ను పంపిన తండ్రి వానిని ఆకర్షించితేనే గాని యెవడును నా యొద్దకు రాలేడు. (యోహాను. 6:44).

● జీవముగల తండ్రి నన్ను పంపెను. (యోహాను. 6:57).

● అందుకు యేసు-నేనుచేయు బోధ నాది కాదు; నన్ను పంపినవానిదే.౹" (యోహాను. 7:16).

● నా యంతట నేనే రాలేదు, నన్ను పంపినవాడు సత్యవంతుడు, ఆయనను మీరెరుగరు. ( యోహాను. 7:28)

● నేను ఆయన యొద్దనుండి వచ్చితిని; ఆయన నన్ను పంపెను. (యోహాను. 7:29)

● యేసు-ఇంక కొంతకాలము నేను మీతోకూడ నుందును; తరువాత నన్ను పంపినవానియొద్దకు వెళ్లుదును (యోహాను. 7:33)

● నేను ఒక్కడనైయుండక, నేనును నన్ను పంపిన తండ్రియు కూడ నున్నాము గనుక నేను తీర్పు తీర్చినను నా తీర్పు సత్యమే. (యోహాను. 8:16).

● నన్నుగూర్చి నేను సాక్ష్యము చెప్పుకొనువాడను; నన్ను పంపిన తండ్రియు నన్నుగూర్చి సాక్ష్యమిచ్చుచున్నాడని చెప్పెను. (యోహాను. 8:18).

● మిమ్మునుగూర్చి చెప్పుటకును తీర్పు తీర్చుటకును చాల సంగతులు నాకు కలవు గాని నన్ను పంపినవాడు సత్యవంతుడు; నేను ఆయనయొద్ద వినిన సంగతులే లోకమునకు బోధించుచున్నానని చెప్పెను. (యోహాను. 8:26)

● నన్ను పంపినవాడు నాకు తోడైయున్నాడు; ఆయన కిష్టమైన కార్యము నేనెల్లప్పుడును చేయుదును గనుక ఆయన నన్ను ఒంటరిగా విడిచిపెట్టలేదని చెప్పెను. (యోహాను. 8:29)

● నేను దేవుని యొద్దనుండి బయలుదేరి వచ్చియున్నాను, నా అంతట నేనే వచ్చియుండలేదు, ఆయన నన్ను పంపెను. (యోహాను. 8:42)

● పగలున్నంతవరకు నన్ను పంపినవాని క్రియలు మనముచేయుచుండవలెను; (యోహాను. 9:4).

● తండ్రి ప్రతిష్ఠచేసి యీ లోకములోనికి పంపినవానితో - నీవు దేవదూషణ చేయుచున్నావని చెప్పుదురా?౹" (యోహాను. 10:36).

● నీవు ఎల్లప్పుడును నా మనవి వినుచున్నావని నేనెరుగుదును గాని నీవు నన్ను పంపితివని చుట్టు నిలిచియున్న యీ జనసమూహము నమ్మునట్లు వారి నిమిత్తమై యీ మాట చెప్పితిననెను. (యోహాను. 11:42).

● నాయందు విశ్వాసముంచువాడు నాయందు కాదు నన్ను పంపినవానియందే విశ్వాసముంచుచున్నాడు. (యోహాను. 12:44)

● నన్ను చూచువాడు నన్ను పంపినవానినే చూచుచున్నాడు. (యోహాను. 12:45)

● ఏలయనగా నా అంతట నేనే మాటలాడలేదు; నేను ఏమనవలెనో యేమి మాటలాడవలెనో దానినిగూర్చి నన్ను పంపిన తండ్రియే నాకాజ్ఞ యిచ్చియున్నాడు. (యోహాను. 12:49)

● నేనెవని పంపుదునో వాని చేర్చుకొనువాడు నన్ను చేర్చుకొనువాడగును; నన్ను చేర్చుకొనువాడు నన్ను పంపినవానిని చేర్చుకొనువాడగు నని మీతో నిశ్చయముగా చెప్పుచున్నానని వారితో అనెను." (యోహాను. 13:20)

● నన్ను ప్రేమింపని వాడు నా మాటలు గైకొనడు; మీరు వినుచున్న మాట నామాట కాదు, నన్ను పంపిన తండ్రిదే. (యోహాను. 14:24)

● వారు నన్ను పంపిన వానిని ఎరుగరు గనుక నా నామము నిమిత్తము వీటినన్నిటిని మీకు చేయుదురు. (యోహాను. 15:21)

● ఇప్పుడు నన్ను పంపినవాని యొద్దకు వెళ్లుచున్నాను. (యోహాను. 16:5).

● "అద్వితీయ సత్యదేవుడవైన నిన్నును, నీవు పంపిన యేసు క్రీస్తును ఎరుగుటయే నిత్య జీవము. (యోహాను. 17:3).

● నీవు నాకు అనుగ్రహించిన మాటలు నేను వారికిచ్చియున్నాను; వారామాటలను అంగీకరించి, నేను నీయొద్దనుండి బయలుదేరి వచ్చితినని నిజముగా ఎరిగి, నీవు నన్ను పంపితివని నమ్మిరి గనుక (యోహాను. 17:7).

● నీవు నన్ను లోకమునకు పంపిన ప్రకారము నేనును వారిని లోకమునకు పంపితిని. (యోహాను. 17:18).

● నీవు నన్ను పంపితివని లోకము నమ్మునట్లు, తండ్రీ, నాయందు నీవును నీయందు నేనును ఉన్నలాగున, వారును మనయందు ఏకమైయుండవలెనని వారికొరకు మాత్రము నేను ప్రార్థించుటలేదు; వారి వాక్యమువలన నాయందు విశ్వాసముంచువారందరును ఏకమైయుండ వలెనని వారికొరకును ప్రార్థించుచున్నాను. (యోహాను. 17:20).

● వారియందు నేనును నాయందు నీవును ఉండుటవలనవారు సంపూర్ణులుగా చేయబడి యేకముగా ఉన్నందున నీవు నన్ను పంపితివనియు, నీవు నన్ను ప్రేమించినట్టే వారిని కూడ ప్రేమించితివనియు, లోకము తెలిసికొనునట్లు నాకు అనుగ్రహించిన మహిమను వారికి ఇచ్చితిని. (యోహాను. 17:23)

● నీతి స్వరూపుడవగు తండ్రీ, లోకము నిన్ను ఎరుగలేదు; నేను నిన్ను ఎరుగుదును; నీవు నన్ను పంపితివని వీరెరిగి యున్నారు. (యోహాను. 17:25).

● అప్పుడు యేసు-మరల మీకు సమాధానము కలుగునుగాక, తండ్రి నన్ను పంపినప్రకారము నేనును మిమ్మును పంపుచున్నానని వారితో చెప్పెను. (యోహాను. 20:21)

👤 పరిశుద్ధాత్ముని సాక్ష్యం :

● దేవుడు తన సొంత కుమారుని పాపశరీరాకారముతో పంపి, ఆయన శరీరమందు పాపమునకు శిక్ష విధించెను. (రోమా. 8:3).

● కాలము పరిపూర్ణమైనప్పుడు దేవుడు తన కుమారుని పంపెను. (గలతీ. 4:4).

● దేవుడు తన అద్వితీయ కుమారుని లోకములోనికి పంపెను. (1 యోహాను. 4:9).

● మన పాపములకు ప్రాయశ్చిత్తమై యుండుటకు తన కుమారుని పంపెను. (1 యోహాను. 4:10).

● తండ్రి తన కుమారుని లోకరక్షకుడుగా ఉండుటకు పంపియుండుట మేము చూచి, సాక్ష్యమిచ్చుచున్నాము. (1 యోహాను. 4:14).

మీ ఆత్మీయులు...👪

క్రిస్మస్ లో క్రీస్తును ఎవరు ఉంచారు? (Who Was It That Put Christ In Christmas?)

క్రిస్మస్ లో క్రీస్తును ఎవరు ఉంచారు?
(Who Was It That Put Christ In Christmas?)

బైబిల్ మాట్లాడే చోట మాట్లాడదాం 

బైబిల్ నిశ్శబ్దంగా ఉన్న చోట మౌనంగా ఉందాం. 

 మన ప్రభువైన యేసుక్రీస్తు నామములో మీ అందరికీ వందనములు.🙌

ఏటేటా  అనేకమంది క్రైస్తవులుగా పిలువబడేవాళ్ళు క్రిస్మస్/Xmas/మేరీ క్రిస్మస్ అంటూ డిసెంబర్ 25వ తేదిన సంఘములోనికి అనేకమందిని ఆహ్వానించి "క్రిస్మస్‌లో క్రీస్తును ఉంచుతూ, క్రీస్తును ఆరాధిస్తూ, క్రీస్తునకు పుట్టినరోజు వేడుకలు చేస్తూ" ఉంటారు. 

ఈ జగతిలో మానవాళికి తెలిసిన ప్రతి తెగల నుండి మనం ఈ అభ్యర్థనను చూస్తున్నాము. 

అయితే ఒక్క క్షణం ఆలోచించండి..., 🙏

అసలు ఈ "క్రిస్మస్ లో క్రీస్తును ఉంచింది ఎవరు?" క్రిస్మస్ అనేది క్రైస్తవులకు సంభందించిది అని ఎవరు చెప్పారు? అసలు దీనిని ఎవరు ప్రవేశపెట్టారు?📖

దేవుడు ప్రవేశపెట్టాడా? 

➤ "తండ్రి తన కుమారుని ప్రపంచ రక్షకునిగా పంపాడు" అని మనకు తెలుసు. తండ్రి తన కుమారుని లోక రక్షకుడుగా ఉండుటకు పంపియుండుట మేము చూచి, సాక్ష్యమిచ్చుచున్నాము (1 యోహాను 4:14). యేసు తన సొంత ఇష్టానుసారం పని చేయలేదని లేదా మాట్లాడలేదని చెప్పాడు, కానీ తన తండ్రి ద్వారా అధికారం ఇవ్వబడిన వాటిని మాత్రమే చెప్పాడు మరియు చేసాడు. నా యిష్టమును నెరవేర్చుకొనుటకు నేను రాలేదు; నన్ను పంపిన వాని చిత్తము నెరవేర్చుటకే పరలోకమునుండి దిగి వచ్చితిని, ఏలయనగా నా అంతట నేనే మాటలాడలేదు; నేను ఏమనవలెనో యేమి మాటలాడవలెనో దానిని గూర్చి నన్ను పంపిన తండ్రియే నాకాజ్ఞయిచ్చియున్నాడు. (యోహాను 6:39 12:49) 

➤ యేసు జన్మదిన వేడుకలు తండ్రి కుమారునితో మాట్లాడిన విషయమా? కాదు. అయితే యేసు జననం తండ్రి చిత్తం కాదని మేము అనడం లేదు. అది, స్వయంగా యేసే తండ్రియైన దేవునికి ఇలా చెప్పాడు. "మీరు నాకు శరీరాన్ని సిద్ధం చేసారు" కాబట్టి ఆయన ఈ లోకమందు ప్రవేశించునప్పుడు ఈలాగు చెప్పుచున్నాడు.

➤ బలియు అర్పణయు నీవు కోరలేదుగాని నాకొక శరీరమును అమర్చితివి. (హెబ్రీ 10:5). సమయం యొక్క సంపూర్ణత వచ్చినప్పుడు, దేవుడు తన కుమారుని పంపాడు,ఆయన  స్త్రీకి జన్మించాడు. అయితే కాలము పరిపూర్ణమైనప్పుడు దేవుడు తన కుమారుని పంపెను;ఆయన స్త్రీయందు పుట్టి,.. (గలతీ 4:4). 

💥 యేసు జననం గురించి మత్తయి మరియు లూకా చెప్పినట్లుగా ఎటువంటి వివాదం ఉండదు. అయితే, మేము ఒక ప్రత్యేక ప్రశ్న అడుగుతున్నాము అదేటంటే..., క్రిస్మస్ అని మనకు తెలిసిన నేటి సంప్రదాయంలో దేవుడు క్రీస్తును ఉంచాడా? దేవుడు క్రీస్తును క్రిస్మస్‌లో ఉంచాడని మరియు క్రిస్మస్‌ను సంఘము యొక్క ఆరాధనలో ఉంచాడని ఏ గ్రంథం చూపిస్తుంది? దేవుడు ప్రవేశపెట్టినట్టుగా గాని లేక తానే స్వయంగా క్రిస్మస్ అనే పేరుతో క్రీస్తుకు పుట్టినరోజు వేడుక చేయండని గాని ఎక్కడా చెప్పలేదు. మరి నువ్వెలా ఏ ఆధారంతో దేవుడు క్రీస్తును క్రిస్మస్‌లో పెట్టాడని  నమ్ముతున్నావు? 

యేసు ప్రవేశపెట్టాడా? 

యేసుకు  సర్వాధికారాలు ఇవ్వబడ్డాయి. అందులో ఒకటి యేసు వారియొద్దకు వచ్చి పరలోకమందును భూమిమీదను నాకు సర్వాధికారము ఇయ్యబడియున్నది. (మత్తయి 28:18) ఆయన ఆ బలాతిశయముచేత క్రీస్తును మృతులలోనుండి లేపి, సమస్తమైన ఆధిపత్యము కంటెను అధికారము కంటెను శక్తికంటెను ప్రభుత్వముకంటెను, ఈ యుగమునందు మాత్రమే గాక రాబోవు యుగము నందును పేరుపొందిన ప్రతి నామముకంటెను, ఎంతో హెచ్చుగా పరలోకమునందు ఆయనను తన కుడిపార్శ్వమున కూర్చుండ బెట్టుకొనియున్నాడు. మరియు సమస్తమును ఆయన పాదముల క్రింద ఉంచి, సమస్తముపైని ఆయనను సంఘమునకు శిరస్సుగా నియమించెను. ఆ సంఘము ఆయన శరీరము; సమస్తమును పూర్తిగా నింపుచున్న వాని సంపూర్ణతయై యున్నది.  (ఎఫెసీయులు 1:20-23) సంఘము అను శరీరమునకు ఆయనే శిరస్సు; ఆయనకు అన్నిటిలో ప్రాముఖ్యము కలుగు నిమిత్తము, ఆయన ఆదియైయుండి మృతులలోనుండి లేచుటలో ఆదిసంభూతుడాయెను. (కొలొస్సి 1:18).

💥 యేసు, క్రిస్మస్ అనే సంప్రదాయంలో తనను తాను ఉంచుకున్నాడా? ఆయన మన విశ్వాసానికి స్థాపకుడు మరియు పునాది కాబట్టి  బహుశా, సంఘమునకు అధిపతిగా, యేసే స్వయంగా తన సొంత నిర్ణయం చేత క్రిస్మస్ ను ప్రవేశపెట్టాడా? ఒకవేళ యేసు అలా చేస్తే, ఈ సమాచారాన్ని మనం ఎక్కడ కనుగొనవచ్చు? ఖచ్చితంగా క్రొత్త నిబంధనలో మనం దానిని కనుగొనగలమా?

💥 యేసు తన శిష్యులకు క్రిస్మస్ అనే సంప్రదాయాన్ని పాటించమని బోధించాడని (లేదా) ఆయన పుట్టిన వార్షిక జ్ఞాపకార్థం చేయమని చూపించే వాక్య ఆధారం  మన వద్ద ఉందా? లేదు ఒకవేళ ఉంటె, అది ఎక్కడ ఉంది? మన పరిశుద్ద గ్రంథములో దొరక్కపోతే క్రిస్టమస్‌లో క్రీస్తు తనను తాను పెట్టుకున్నాడని, సంఘములో క్రిస్మస్ పెట్టాడని చెప్పడం కరెక్టేనా? కాదు

పరిశుద్ధాత్ముడు ప్రవేశపెట్టాడా?

పరిశుద్ధాత్ముడు అపొస్తలులను "సర్వసత్యములోనికి" నడిపిస్తాడని యేసు వారికీ వాగ్దానం చేసెను. యేసు వారితో నేరుగా మాట్లాడని విషయాలను వారికి వెల్లడి చేస్తాడు అని చెప్పాడు.

➦ నేను మీతో చెప్పవలసినవి ఇంకను అనేక సంగతులు కలవుగాని యిప్పుడు మీరు వాటిని సహింపలేరు. అయితే ఆయన, అనగా సత్యస్వరూపియైన ఆత్మ వచ్చినప్పుడు మిమ్మును సర్వసత్యములోనికి నడిపించును; ఆయన తనంతట తానే యేమియు బోధింపక, వేటిని వినునో వాటిని బోధించి సంభవింపబోవు సంగతులను మీకు తెలియజేయును. (యోహాను 16:12-15).

➦ మనకైతే దేవుడు వాటిని తన ఆత్మ వలన బయలుపరచియున్నాడు; ఆ ఆత్మ అన్నిటిని, దేవుని మర్మములను కూడ పరిశోధించుచున్నాడు. (1 కొరి. 2:10-13) ➦ పరిశుద్ధాత్మ వలన కలుగు ఆనందముతో గొప్ప ఉపద్రవమందు మీరు వాక్యము నంగీకరించి, మమ్మును ప్రభువును పోలి నడుచుకొనినవారైతిరి. (1 థెస్స. 1:5)

"ఒకడు తన ఊహనుబట్టి చెప్పుటవలన లేఖనములో ఏ ప్రవచనమును పుట్టదని మొదట గ్రహించుకొనవలెను.౹ ఏలయనగా ప్రవచనము ఎప్పుడును మనుష్యుని ఇచ్ఛనుబట్టి కలుగలేదు గాని మనుష్యులు పరిశుద్ధాత్మవలన ప్రేరేపింప బడినవారై దేవుని మూలముగ పలికిరి." (2 పేతురు. 1:20-21).

💥 కాబట్టి, పరిశుద్ద గ్రంథము మనకు పరిశుద్ధాత్ముడు ద్వారానే అనుగ్రహించబడింది. మనకు తెలిసినట్లుగా పరిశుద్ధాత్ముడు క్రిస్మస్ అనే సంప్రదాయాన్ని రూపొందించాడా? లేదు పరిశుద్ధాత్ముడు క్రీస్తును క్రిస్మస్‌లో ఉంచాడా? లేదు.

💥 ఒకవేళ అతను అలా చేస్తే మనం అతని మాటను అంగీకరించాలి మరియు "క్రిస్మస్‌లో క్రీస్తును కొనసాగించాలి" కానీ అయన అలా చేయలేదు. అయన చెయ్యని దానికి నీవు చేస్తే పరిశుద్ధాత్మను  తిరస్కరించడమే కదా. పరిశుద్ధాత్మను  తిరస్కరించడం అంటే దేవున్ని తిరస్కరించడమే.

➦ కాబట్టి నేను మీతో చెప్పునదేమనగా– మనుష్యులుచేయు ప్రతి పాపమును దూషణయు వారికి క్షమింపబడును గాని ఆత్మ విషయమైన దూషణకు పాప క్షమాపణ లేదు. మనుష్యకుమారునికి విరోధముగా మాటలాడువానికి పాపక్షమాపణ కలదుగాని పరిశుద్ధాత్మకు విరోధముగా మాటలాడువానికి ఈ యుగమందైనను రాబోవు యుగమందైనను పాపక్షమాపణ లేదు." ( మత్తయి. 12:31-32 )

💥 క్రీస్తును క్రిస్మస్‌లో లేక సంఘములో క్రిస్మస్‌ ను ఉంచింది తానేనని పరిశుద్ధాత్మ ఎక్కడైనా లిఖితపూర్వకముగా చెప్పెనా? లేదు

అపోస్తులులు ప్రవేశపెట్టారా?

అపొస్తలుల మాటను తిరస్కరించడం అంటే క్రీస్తు మరియు

దేవుని వాక్యాన్ని తిరస్కరించడమే.

➧ మీ మాట వినువాడు నా మాట వినును, మిమ్మును నిరాకరించువాడు నన్ను నిరాకరించును, నన్ను నిరాకరించువాడు నన్ను పంపినవానిని నిరాకరించుననెను. (లూకా 10:16)

➧ మెట్టుకు సహోదరులారా, మేము ప్రభువైన యేసు ద్వారా మీకిచ్చిన ఆజ్ఞను మీరెరుగుదురు. (1 థేస్సాలో4:1). ➧ మేము మీకు ప్రకటించిన సువార్తగాక మరియొక సువార్తను మేమైనను పరలోకము నుండి వచ్చిన యొక దూతయైనను మీకు ప్రకటించినయెడల అతడు శాపగ్రస్తుడవును గాక. (గలతీ 1:8)

"అపొస్తలుల బోధ" అనేది "ప్రభువు యొక్క బోధ"

➧ వీరు అపొస్తలుల బోధయందును సహవాసమందును, రొట్టె విరుచుటయందును ప్రార్థన చేయుటయందును ఎడతెగక యుండిరి. (అపో.కా. 2:42).

➧ కాబట్టి "అపొస్తలుల బోధ" ప్రకారంగా అపొస్తలులు క్రిస్మస్‌లో క్రీస్తును ఉంచడం మరియు ఆదిమ సంఘములో ప్రవేశపెట్టడం మనం కనుగొనగలిగితే, మనం కూడా పరలోకం యొక్క ఆమోదంతో చేయవచ్చు. 💥 అపొస్తలుల ఆదేశానుసారం, క్రిస్మస్ సంప్రదాయాన్ని పాటించిన శిష్యుల గురించి మనం గ్రంధములో చదువుతామా? లేదా ఏ విధంగానైనా యేసు జన్మ తేదిని గమనించామా? లేదు. ఒకవేళ క్రీస్తును క్రిస్మస్‌లో ఉంచడం ఒక ముఖ్యమైన కర్తవ్యం అయితే ప్రభువు యొక్క మొదటి ఉత్సాహభరితులైన ఆదిమ క్రైస్తవులు, అపొస్తలులు మరియు భక్తిగల శిష్యులు క్రిస్మస్ ను చేసినట్టుగా మనకు ఆధారాలు ఉండాలి. పరిశుద్ద గ్రంథములో ఎక్కడా అలాంటి దాఖలు లేవు.

మేము ఏమి కనుగొన్నాం?

పరిశుద్ధాత్మవలన ప్రేరేపింపబడి దేవుని మూలముగ పలికిన వారి చేత పరిశుద్ద గ్రంథము సంపూర్ణముగా మానవజాతికి ఇవ్వబడిన AD 98 నాటి నుండి సుమారు 300 సంత్సరాల లోపు ఎన్నడూ క్రిస్మస్ ను ఆచరించలేదు. నిజానికి అతరువాత కాలములో పనిచేసిన చర్చి పాదర్ లు కూడా పుట్టినరోజు వేడుకులు జరుపుకోవడంపై విరుచుకుపడేవారట మరియు వాటిని అన్యజనుల ఆచారంగా భావించేవారంట. 300 సంత్సరాల తరువాత డిసెంబరు 25ని... క్రీస్తు జన్మదినంగా కాథలిక్ సంఘము వారు ప్రవేశపెట్టారు. వీళ్ళు ఇలా చేయడం దేవుని నిర్ణయం కాదు. దేవుని పరిశుద్ద ఆజ్ఞలను మీరారు. ఏమనగా....

★ ఆయన మాటలతో ఏమియు చేర్చకుము ఆయన నిన్ను గద్దించునేమో అప్పుడు నీవు అబద్ధికుడవగుదువు.- (సామెతలు. 30:6).

★ ఈ గ్రంథమందున్న ప్రవచనవాక్యములను విను ప్రతివానికి నేను సాక్ష్యమిచ్చునది ఏమనగా-ఎవడైనను వీటితో మరి ఏదైనను కలిపినయెడల, ఈ గ్రంథములో వ్రాయబడిన తెగుళ్లు దేవుడు వానికి కలుగజేయును. – (ప్రకటన. 22:18).

⏩క్రిస్మస్ అనేది మొదటి శతాబ్ద కాలపు  క్రీస్తు సంఘము(Church of Christ) యొక్క విధులలో ఒకటి కాదు. నేటికి అపోస్తుల బోధ ప్రకారమైన క్రీస్తు సంఘము క్రిస్మస్ అనే అన్య పండుగకు వ్యతిరేకమే.

⏩ క్రీస్తు జన్మించిన దాదాపు 300 సంవత్సరాల వరకు క్రిస్మస్ జరుపుకోలేదని చరిత్ర చెప్తుంది.

"December 25th began to be celebrated as Christmas, the birthday of Jesus in 354 AD. as ordered by Bishop Liberius of Rome." (The World Book Encyclopedia, Vol. c # 3 p.416). The Catholic church was not fully developed at that time as the first pope was not named until 606 A.D.

The Grolier Encyclopedia adds, “The date was chosen to counter the pagan festivities connected with the winter solstice.” 

The New Schaff-Herzog Encyclopedia of Religious Knowledge indicates that Christmas was adopted from the pagan festivals “Saturnalia” and “Brumalia.”

💥 డిసెంబర్ 25నే ఎందకు ఎంచుకున్నారో ఎవరికీ తెలియదు . ఇది ఖచ్చితమైన తేదీ అని సూచించడానికి కొత్త నిబంధనలో ఆధారము ఏమీ లేదు. "క్రిస్మస్‌ చేయచ్చు/క్రిస్మస్ లో క్రీస్తును పెట్టవచ్చు" అని మీ బోధకుడు మిమ్మల్ని ప్రోత్సహిస్తే, దానికి సంబంధించిన ఆధారాలు లేఖనం ద్వారా మీకు చూపించమని అడగండి.

💥 దేవుడు గానీ, క్రీస్తు గానీ, పరిశుద్ధాత్మ గానీ, అపొస్తలులు గానీ క్రీస్తును క్రిస్మస్‌లో పెట్టలేదు కాబట్టి మనం కూడా చేయకూడదు!

మీ ఆత్మీయులు...👪

🔍మరిన్ని వివరాలతో కూడిన లేఖన సమాచారం కొరకు ఈ క్రింది అంశములు క్లిక్ చేసి చదవగలరు.

✅ పండుగలు - Click Here

✅ క్రిస్మస్ - Click Here

✅ క్రీస్తు జన్మ ముఖ్య ఉద్దేశ్యము - Click Here